وعد باللقاء

ادعيلى يا سوسو السنة دى بقي يرجع وتفرحى بيا. 
الأم سلمى ان شآء الله يرجع يا بنتي واشوفك عروسة وافرح بيك زى ما فرحت بإخواتك وبكده اكون اديت رسالتي. 
سلمى ربنا يخليك لينا يا ست الكل بس يا ست ماما قولى لولادك يطلعوا يناموا في شققهم بلاش شغل الحموات ده يا سوسو . 
الأم كده يا سلمى بقي انا حموات انا ام مراتتهم قبل ما اكون امهم. 
سلمى متزعليش يا سوسو بقي يلا سلام ادعيلي يلا سلام. 
الأم سلمى دى اخر سنة لو مجاش في الميعاد الدبلة اللي لبساها دى ترميها في البحر وتنسيه نهائى كفاية االسنين اللي فاتت وانت مستنياه لولي وعدتك يوم ما جيتى وحكتيلي وانا شفت اهتمامه بيك وانت عامله العملية وقد ايه كان مهتم بيك ماكنتش وافقت انك تضيعي عمرك بإنتظارة 
سلمى ماما احنا بنا اتفاق خلاص بس عندى يقين انه هيرجع قلبي بيقولي كده انه راجع بس حاسه بحاجه مش عارفه اوصفها ادعيلي ياماما. 
الأم ربنا يريح بالك وقلبك يا بنتي يارب.
خرحت سلمى ركبت عربيتها وراحت على نفس المكان قبل المعاد بساعة فضلت تتمشي وذكريات تمر قدمها ابتسامة على وشها رفعت اديها تفتكر اخر لقاء ومحمد بيلبسها الدبله . 
خرجوا من
محل الصاغة ورجعوا وقفوا بنفس المكان. 
محمد سلمى من اللحظه دى انت خطبتي ودبلتى دى متخرجهاش من ايدك لليوم اللي هرجع فيه وننقلها من اليمين للشمال وتبقى زوجتي على سنة الله ورسوله اوعديني مهما حصل ما تقلعهاش من صباعك
ووطى باس اديها. 
سلمى بحرج بعدت اديها بسرعه. 
محمد بعدتي ايدك ليه مش هتلبسيني دبلتك في صباعى. 
سلمى محمد نزلني الناس بتتفرج علينا وارجوك بلاش تعيد الكلام ده احنا اتفقنا اوعدك هنتظرك وهحكي لمامتي ولاخواتي وهنتظرك لو العمر كله. 
محمد نزلها بشوبش وبيقربها منه حاول يقرب رجعت رأسها . 
سلمى محمد ما يصحش اللي عملته ده وعيب وحرام لو سمحت. . 
سلمى مقطعه فيها كتير يامحمد فيها ان حرام حتي مسكك لأيدي ده حرام وربنا ممكن يعاقبنا عليه بعد اذنك بلاش مشاعرنا تخلينا ننجرف وننسي الحړام. 
محمد بعد عنها خطوتين اوعدك حبيبتي مش هعمل كده تاني غير وانت مراتي وحلالي.
تيجي نقعد شويه.
سكت وضحك بعد عنها لما التليفون رن.
محمد ايوه يا ماما انا فى الطريق اهو وعاملك مفاجأة حلوة.
مامته مفاجأة ايه وانت طيارتك مش فاضل عليها غير تلات ساعات يدوب تاخد شنطتك وتطلع على المطار.
محمد 
يفتح الاسبيكر وهو بيقول لحظه واحده.
ماما لو قولتلك انى عايز اعتذر عن البعثة.
أمه بشهقة مهمها كانت اسبابك اوعى تتنازل عن حلمك انت طول عمرك بتحلم انك تسافر ولما خلاص قربت توصل لحلمك عاوز تتنازل عنه .
محمد افهمينى يا ماما.
امه محمد من غير ما تتكلم انت لما بتضيع حاجه من ايدك بتقعد شهور تلوم نفسك يبال حلم عمرك ارجع يا بنى متضيعش حلمك. 
سلمى وهى بتكتم ضحكتها بتشاور على التليفون ورافعه حاجبها بمعنى مش قولتلك
أمه محمد ما تجيش على البيت معدتش فيه وقت انا وبابا واخوك هنروح المطار وهناخد شنطك معانا وانت تعالى على هناك.
محمد ماما افهمينى.
امه محمد خلاص.
سلمى بهمس محمد قرارى مافيش تراجع وانت هتسافر 
محمد بيتنهد بقله حيله خلاص يا ماما هجيلكم على هناك.
محمد قرب منها وعنيه فى عنيها بيقولها انا ما بحبش الوداع ارجوك اسمحيلى اعمل حاجه ضروري.
سلمى هزت راسها خطڤها 
بقوة وهو بيكلمها ودموعه نزلت على رقبتها.
سلمى اول ماحست بدموعه اتنهدت وعنيها بتدمع كلمته بصوت متوتر حزين من لحظة الفراق انا متأكدة من مشاعرك. وأوعدك وعد اخير انى انا ليك مهما طال الزمن والمسافات واستحالة هكون لغيرك.
بعد محمد عنها وعنيه لسه في عنيها بيحاول يجمع شتات نفسه سلمى وأنا أوعدك ان راجع ليك ومشاعري وحبي ليك هيذيدوا طلب أخير ممكن رقم تليفونك عشان اتواصل معاك . 
سلمى انا معيش تليفون دلوقتي بس هديك الرقم ده رقم تليفون ماما عادى لو اتصلت بيها لان هحكلها كل حاجه وكمان رقم تليفون البيت الارضي خده. 
سجل محمد الأرقام وشال التليفون سلمى أخر طلب ممكن اوصلك بالعربية للبيت عاوز اقض معاك أطول وقت ممكن. 
سلمى لو مش هتتأخر تمام وصلني.
محمد حاول يمسك ايد سلمى رفضت وبعدت مسافة صغيرة محمد بلاش ارجوك أنا لسه بلوم نفسي على اللي حصل من شويه
وشعور ان ارتكبت ذنب مسيطر
عليا ساعدني أحفظ تربيت والدتي واحفظ نفسي ليك لو اسهلت معاك دلوقتي انت نفسك صورتي هتهتز قدامك. 
محمد رغم سعادتي من تدينك وتربية والدتك ليك الأ انت هتفضلي سلمى حبيبتي لا حضڼي ليك ومسكت ايدك يقللوا منك ومن تربيتك حبي ليك لسلمى نفسها بعيد عن اي حاجه. 
سلمى ومحمد ركبوا العربية سلمى قالتله على العنوان ومحمد ساق العربية كل ما يكلم ټخونه دموع عنيه و هي كمان على قد ما كانت قوية وبتقنعة يسافر على قد ما بتتمنا دلوقتي يقولها انه مش هيقدر يسافر ويفضل معها تقسم جواها لو قالها المرة دى هتوافق بعد شويه وقف العربية والټفت ليها. 
محمد... وصلن بسرعة كنت اتمنا الطريق يكون أطول من كده بس ما بليد حيله نهاية الطريق دايما بتبق قصيرة مهما طال يا رب الطريق
اللي يجمعنا يكون قصير ومينتهيش سلمى استنيني بنفس المعاد وإن شاءالله هرجع وأنا كلى شوق ليك مع السلامه يا أجمل صدفه فيحياتي مع السلامه يا حب عمري .
نزلت سلمى من غير ما تتكلم دموعها وصوت شهقتها مدهاش فرصة تتكلم ودعها محمد وساق العربية ومشي ووقفت سلمى تبص عليه لحد ما العربية إختفت من قدمها.
رجعت من ذكرياتها على نغزة شديدة بقلبها وصوت تليفونها بيرن بصت حواليها والشمس اللي اختفت بالبحر واللون البرتقاني الإ اختفي معها وتلون البحر بلون الغيوم كأنه دخان متصاعد .
فتحت الاتصال اول ما شافت رقم المستشفى.
الو.
دكتورة سلمى لو سمحت ممكن تجي المستشفى في حالة حرجة جدا ولازم يدخل عمليات حالا ومعظم الدكاترة يا في عمليات يا مسافرين.
سلمى جهزوا اوضة العمليات انا جاية بالطريق ان شآءالله عشر دقايق وهكون عندكم.
قفلت التليفون وتنهدت بحزن إظاهر ان مشاعرة فعلا اتغيرت وكمل حياته هناك. 
تركب عربيتها رايحه المستشفى سرحانه وهى بتفتكر وقتها لما رجعت لمامتها مڼهارة فى العياط اترمت فى حضڼ والدتها ال اتخضت اول ما شافتها وحكت ليها كل ال حصل من وقت ما قابلت محمد لحد ما وصلها بالعربية.
امها بعدتها عنها .
_انا سعيدة من كلامك وال عملتيه على الرغم من كل التجاوزات ال انا مش راضية عنها ال ميصحش بنت تعملها كان عندى تجيبيه هنا قدامى ويحصل ال عملتيه ده
واتأكد من صدق كلامه اللى أنا متأكده