وعد باللقاء

أهدى يا سلمى انا هفهمك كل حاجه.
سلمى هزت راسها وسكتت والدموع في عينيها. 
محمد سلمى زى ما سمعتي ماما في التليفون انا مفروض معاد طيارتي الساعه تمانيه بليل طالع بعثه.
سلمى بعثة والنهاردى. 
محمد بس انا هعتذر عنها مش عايزك تقلقي انا خلاص لقيتك وانت عندى اهم من اى حاجه.
سلمى مفزوعه بتسمع ليه وعقلها سرحان فى حاجه تانى .
سلمى لالا لا متعتزرش سافر البعثة مضحيش بمستقبلك.
محمد معقولة يا سلمي تقولى كده اسافر واسيبك لا انا هعتزر انتى عندى اهم يا سلمى. 
سلمى بصوت موجوع عندك اهم دلوقت بس بعدين لا هكون انا السبب في تضيع حلمك حياتنا هتتحول لعتاب ولوم طول الوقت واحد مظلوم واحد بيدافع عن نفسه دايما هتشوفني العائق في حياتك سبب ضياع حلمك 
محمد مش فاهم اللي تقصدينه بس اوعدك انك هتكوني بأمان معايا و حبي ليك هيذيد مشهيقل .
سلمى مفيش وقت افهمك انت متعرفش انا ليه سبت البيت ال عشت فيه السنين دى كلها سافر وشوف مستقبلك واوعدك انى هستناك وحبي ليك مش هيقل ولا هكون لغيرك لحد ما ترجعلى بالسلامة ولو مشاعرك كانت اتحركت لحد تأنى وانت هناك فصدقنى مش هلومك ولا اعاتبك هنسحب بهدوء
محمد ازاى هتستنى ومفيش حاجه تربطنا
بعض وايه مشاعري تروح لحد تاني 
سلمى ا ازاي
وعد باللقاء الجزء الثاني 
هستناك لأن بساطة انا لسه فى الجامعه وقدامى سنين لحد ما اتخرج وابني مستقبلي واحقق احلامى اللي انت اهمها وباللي اقصدة بمشاعرنا مش في ايدينا انت هنا حوالين منك كتير أهلك زميلك مرضاك معظم وقتك مشغول عكس وانت مسافر عالم تاني وهتقابل بنات وستات اشكال وألوان واكيد ممكن مشاعرك تتحرك لوحده فيهم .
محمد انتى ازاى تقولى كده المفروض تفرحي انى بضحى علشانك انا هقعد هناك سنين طويلة بدل ما توصيني احافظ على حبي تقولي مشاعرك تتحرك لوحده ثانيه .
سلمى لازم اقول كده احط كل الاحتمالات واوعدك مهما طالت السنين انك اول ما ترجع هتلاقيني مستنياك وانتى بانى مستقبلك ومحقق كل أحلامك ترجع ليا نكمل حلمنا سوا.
محمد بلهفه سلمي ارجوك افهميني انت ماتعرفيش السنة عدت ازاى عليا وانا بادور عليك انا وفقت على البعثة علشان انتى كنت بعيد بس دلوقتى انت قدامى المفروض توافق وتتمسك بيا سلمى انا عايز ارتبط بيكى.
سلمى وانا اكثر منك عاوزه ده بس صدقني هنندم احنا الاتنين وكل اللي حوالينا واهلينا وخصوصا اهلك هيشفوني وقفت في طريق مستقبلك بس عندي أمل ويقين زى ما قدرة ربنا جمعتنا بعد ماكل واحد فاقد الامل إنه يقابل التاني وحبينا بعض في صمت وكل واحد فينا ميعرفش حاجه عن التاني تفتكر حبنا مش هيقوي واحنا بعاد وتركين المستقبل لربنا و كل واحد فينا فضل وافي للتاني ويحافظ على مشاعرة. 
محمد وليه نتعب نفسينا واحنا في أيدينا نسعد بعض ولو على الدراسة والبعثة هدرس واللي هعمله هناك هعمله هنا.
سلمى متعرفش قد ايه انا سعيدة بكلامك ده وتمسكك بيا ولو في ظروف تانية ووقت غير الوقت ده كنت وافقتك وشجعتك نكمل لكن دلوقت لا استحالة اكون أنانية واختار سعادتى على مستقبلك ونرجع نندم احنا الاتنين.
محمد طول ما انا معاكى عمرى ما هندم. 
سلمى كلامك يؤكد ان احنا اكيد هنندم. 
محمد معقولة انتى ال بتقولى كده.
سلمى بعقل عن تجربة عشتها ولسه پتألم من آثارها. 
محمد تجربة ايه
سلمى مش وقت احكيلك بس اعتبر ان انا ليك و هفضل مستنيه العمر كله ومن اللحظة دى اعتبرني خطبتك ومن ناحيتي هعرف إمى كل حاجه وهفهمها انك كنت مصمم تتقدملي لكن سفرك هو اللي آجل الخطوبة كام سنة لحد ما ترجع بالسلامة محقق حلمك. 
محمد بص في ساعته قام وقف مد ايده مسك ايد سلمى قومهامن مكانها بعد ما ساب حساب المشاريب .
محمد والدتك فين دلوقتي. 
سلمى ماما. 
محمد بسرعة يا سلمى مفيش وقت. 
سلمى ماما في البيت بس فهمني عاوزها في ايه. 
محمد هخطبك منها واقراء معها فاتحة وان شاء الله كام شهر اظبط دنيتي وارتب نفسي وارجع نعمل خطوبة وكتب كتاب. 
سلمى بسعادة انا موافقة بس تفتكر اي ام هتوافق على خطوبه بنتها بالشكل ده واهلك هيوافقوا. 
محمد ساب اديها ووقف قدمها سلمى حيرتني معاك تديني الأمل وبعدين تحبطني. 
سلمى صدقنى انا أتمنا اننا نتجوز واسافر معاك مش بس نتخطب بس في حاجات كتيره اوى بتخليني أفكر قبل اي خطوة . 
محمد طيب فهمنى في ومدام مشاعرنا وحده ليه رافضة اي فكرة قلتها. 
سلمى ممكن تقول من تجارب عشتها. 
محمد تجارب ايه اللي انت عشتيها فب سنك ده. 
سلمى بعدين هقولك كل حاجه عندى فكرة ايه رايك كل سنة في نفس المعاد أجي هنا بنفس المكان واقف استناك ويوم ما ترجع نكتب كتابنا ونتجوز. 
محمد للاسف معند يش رفاهية الرفض او ادى اي افكار تانيه اوك
يا سلمى انا موافق بس ليا شرط ولازم توافقي عليه من غير اي اعتراض. 
سلمى ايه هو الشرط. 
محمد تعالى معايا وهتعرفي. 
محمد مسك ايدها مرة تانيه وجري وياها وعدوا الطريق لحد ما وصلوا محل صاغة ودخل بيها وسط ذهولها وهي بتسمع كلامه للصايغ. 
محمد لو سمحت ممكن تفرجنا على الدبل مقاس الأنسة ودبل رجالى وياريت يكونوا نفس الشكل وتكتب عليهم اسامينا وتاريخ النهاردة . 
رفع ايده يبوس الدبلة ليفوق على صړيخ صاحبة. 
صاحبة حاسب حاااااسب يامحمد العربية. 
نايمة على السرير بتحرك اديها وصوت ضحكة عالية بتردد في الاوضة تفتح عنيها على صوت إمها بتصحيها. 
الأم سلمي قومي يا حبيبتي سلمى قومي يابنتي اخواتك عاوزين يناموا الله يخليك. 
سلمى بتتطمتع والابتسامة على وشها اممم. 
الام انت لسه هتتمطع قومي فزى تعبتنا اخواتك راجعين تعبانين عاوزين يناموا عندهم نبطشية خفي عليهم ياحببتي. 
سلمى قامت في ايه هو الواحد ميعرفش ينام في البيت ده ياماما . 
الإم لا محدش بيعرف ينام من حضرتك. 
سلمى ربعت اديها ورجليها على السرير ليه ادوني سبب واحد انكم تعاملوني معاملت مرات الأب دى ويا ست ماما هم ولادك عندهم نبطشية وانا بلعب ما أنا راجعة من المستشفى نص الليل ممكن بقي تسبيني أنام. 
تنام مرة تانيه على السرير وتشد الباطنية على راسها امها تسحب البطانيه من عليها.
االام انت لسه هتنامى مشبعتيش نوم كل ده. 
سلمى ماما الله يخليك سبيني اكمل الحلم فاضل طفطوفه فيه. 
الام حلم ايه يا اخرت صبري قومي يا بنتي الساعة تلاته. 
سلمى قامت قعدت وبتتاوب ماما يانور عيوني انا راجعه بليل الساعة كام. 
الأم اتناشر بليل. 
سلمى والساعة دلوقتي تلاتة يعنى انا نمت تلات ساعات تلات ساعات ياناس ليه ليه ليه يا امي تعامليني كده وانا مش بنتك حببتك الصغونه اخر العنقود. 
الأم تلات ساعات يامفترية من اتناشر بليل لتلاته العصر كل ده مشبعتيش نوم مش مفروض عندك نبطشية.
قامت مفزوعه من على السرير تتلفت حوالين منها وتكلم والدتها بتوتر. 
سلمى ايههه تلاته العصر ليه ياماما تسبينى نايمة كل ده انتى ناسيه النهاردة ايه. 
الأم هتفضلى تلفي حوالين من نفسك كتير يلا جهزي نفسك وصلي فروضك على ما أجهزلك الأكل. 
سلمى جريت على الحمام اتوضت ورجعت لبست هدومها وصلت واخدت شنطتها وخرجت
بسرعه وهي بتكلم والدتها. 
سلمى