سكريبت وقعت بنت بقلب حزين في حب الطف راجل

! أنت مش مأجرها
لأ دي بتاعتنا 
اشترتها أمتى
من تلت شهور وكنت ناوي اعمهالك مفاجأة بعد ما 
وسكت وكان لازم يسكت هنا بصيت الأرض بصمت كئيب قطعه لما
قال 
مكنش قصدي
أفكرك 
مردتش على أساس اني نسيت لحظة مثلا !
قررت أرمى الذكرى الكئيبة على جنب وقلت بعصبية
شيل السجادة عاوزة أخلص 
لما تطلبي حاجة أطلبيها بأدب 

شيل السجادة يازين أنا مش عارفة ارفعها من على الأرض حتى 
دي مشكلتك مش مشكلتي 
علفكرة احنا محبوسين في البيت دا سوا فخلي عندك ذوق وساعدني 
طب شيل السجادة و إن شاء الله 
فاكرة أول مرة شفتك فيها
الدنيا سكتت الزمن رجع لورا وقلبي قرر يتمردد عليا ويحن لصوته ويسمعه 
كان يوم غريب وجميل كنت واقفة بتضحكي مع صاحبتك في الجامعة وأنت بتحاولي تصلحي الشنطة الي تقريبا اتقطعت وأنا كنت بتكلم في التليفون عادي ولما انتبهت ليك كأن الدنيا وقفت لحظة لحظة علشان أشوفك فيها ولحظة تانية تختفي مني 
زين 
وقفت قدام الكلية الي شوفتك عندها وبعدها بكام يوم كان إحساسي بيقولي إنك فيها وإنك موجودة النهاردة وإني هشوفك وفعلا شوفتك 
زين أسكت 
ساعتها الدنيا ابتسمت ليا وأنا وقفت بحاول أستوعب أنك بجد قدامي مش حلم مش وهم مش لحظة وهتمر أنت واقفة من تاني هنا وعلى بعد أربع خطوات مني فضلت واقف أفكر إزاي أتكلم معاكي مثلا أقولك ازيك أنا زين ولا أقولك أنا اتعلقت بيك من غير ترتيب ولا أقولك إنك جميلة أوي
كفاية 
وقبل ما أمشي مسك دراعي بقوة وقال 
كفاية لية علشان دي الحقيقة ولا علشان مبقتيش عاوزة تفتكري ولا علشان عارفة إن حبك جوايا مش بيقل وكل الي احنا فيه دا ملوش سبب دا مجرد قضاء وقدر
واحنا مؤمنين وعارفين إن ربنا هيعوضنا 
زقيت دراعه بعصبية متتكلمش في الموضوع دا أنا مش عاوزة أتكلم بقى ارحمني شوية 
بصلي سكت وبدون ولا كلمة رفع السجادة ودخل البلكونة ينفضها بنفسه وانا وقفت على بابها ببص عليه وڠصب عني عقلي غرق في الذكريات 
مرة كنت قاعدة بشرب قهوة معاه في صمت حاول يفهم فيه أية بس أنا كنت زي
عادتي لما بحزن أوي بسكت
لازم أفهم مالك 
مش مهم يا زين 
مهم ليا يا رحمة مهم ليا 
فعلا 
ابتسم وشجعتني ابتسامته إني اتكلم فقولت بصوت متوتر ساخر 
في وقت من الأوقات في سنة من السنين في يوم من الأيام قلبي أتكسر في أكتر يوم بحبه في حياتي ومن اللحظة دي بقى يعدي اليوم دا كله وأنا بغمض عيني عنه وبنام ورغم حبي الكبير ليه في الماضي عجز الحب أنه ينسيني ۏجع فكنت كل سنة بنام وأغمض عيني وأعيط زي اول مرة 
واليوم دا هو النهاردة مش كدا علشان كدا مكنتيش عاوزة تنزلي تقابليني 
هزيت راسي فسكت وبان على ملامحه التفكير 
طب أية رأيك نزق الذكرى الۏحشة لبعيد ونخلق ذكرى جديدة
ازاي
تيجي نعمل سباق جري
تعرف إنك غشاش
طب تعرف إني بحبك
لف رأسه بسرعة تنح وفضل ساكت فضحكت 
جاوب بسرعة عارف ولا لأ
تتجوزيني
خلص السجادة وحطها على جنب ومر من حنبي بدون ولا كلمة فمشيت وراه وقررت اعتذر على اسلوبي معاه هو برضه ملوش ذنب 
زين أنا 
مش هجبرك تاني على انك تكملي معايا أنا داخل اوضتي وانتي اعملي ما بدالك في الشقة وبكرا هروحك علشان الليل ليل 
بلعت لساني وسكت استسلمت بسرعة لية يا زين لية !
مبسوطة كدا 
لأ مش مبسوطة 
ودخلت أوضتي وقفلت الباب من غير مفتاح استنيه شوية