سكريبت وقعت بنت بقلب حزين في حب الطف راجل

افتح الباب يا زين 
طب اسمع الكلام وافتح الباب أنت لسه والله ما فاكرني بهزر معاك 
بص السقف بملل وحط إيده في جيبه 
مش معايا المفتاح 
كداب دا كان لسه 
وقبل ما أكمل كلامي طلع المفتاح من جيبه وفجأة رماه من الشباك قدامي بكل برود !
تعالي فتشيني 
أنت أنت يا نهارك أسود !
تؤ تؤ عيب لما زوجة محترمة بنت ناس محترمين متجوزة زوج محترم تقول كدا 

توهت منه أنت بتقول أية
كلتي
حاولت أتكلم معرفتش حدفت عليه مخدة وجريت بدور في الشقة زي المچنونة على أي مخرج 
أنا في رأيي المتواضع توفري شوية الطاقة دول لأن كدا كدا مفيش مخرج غير باب الشقة الي مفتاحه مش معايا وتدخلي المطبخ زي الشطار تعملي فطار لجوزك حبيبك 
وقفت مكاني اعمل أية يا عنيا أما أنت إنسان 
كنت بتقولي أية يا قلب زين علشان مسمعتش
أنا أنا 
متتكلمي ولا بلعتي لسانك 
رجعت لورا 
قرب خطوة كمان مين أكدلك
بعدت نفس الخطوة أنت إنسان كويس ومحترم ومش هتعمل كدا أبدا 
وهو الاحترام ينفع مع واحدة لسانها طويل زيك 
واحدة زي مين ولا علشان ساكتة ولا تكونش فاكر 
زعق رحمة 
عاوز تفطر أية يا حبيبي
قلبت البيض بالشوكة ياكش يكون ممشش ويفضل في الحمام طول النهار ماشي يا زين ماشي اصلا كانت جوازة سودة وحياة اتنيلت من يوم ما حبيته أنا ازاي حبيت زي دا 
خلصتي الفطار يا حبيبتي
ها! ولا حاجة قربت قربت اخلص 
طب تحبي أساعدك
لا لا ابعد خلاص الأكل خلص أصلا 
تسلم ايدك معلش لو مش هتعبك اعمليلي كوباية قهوة مع الأكل من إيديك الحلوين 
أنا مش عاملة حاجة تاني أنت فاهم
سكت دقيقة مظبوطة كالعادة متنسيش 
وخرج من المطبخ بكل هدوء ! يشوف مين الجارية الي هتعمله القهوة بتاعه جنابه بقى 
مسك ايدي متشكر على القهوة 
من أمتى الأدب
شرب بوء وبدأ ياكل طول عمري مؤدب يا حبيبتي 
على يدي 
الصبر يارب 
مش هتاكلي ولا مكسوفة مني 
غمضت عيني وكتمت ابتسامتي عارفة أنه بيلعب بيا والمصېبة إني مش متضايقة أنا مني لله 
لا متتعبش نفسك نفسي اتسدت 
أكيد علشان بقالك فترة مشوفتنيش 
لا والله
علشان شوفتك 
خلص أكل وافتح الباب وروحني يا زين ودا أخر كلام عندي 
أخر كلام
أخر كلام 
قام وقف وقال وهو رايح الحمام 
ماشي اخبطي دماغك في الحيط 
مشيت وراه بقى كدا طيب لو مفتحتليش الباب هنط من الشباك وأخلص منك للأبد 
بصلي بهدوء ونشف أيده بالفوطة 
البيض كان حلو اوي تسلم ايدك يا حبيبتي 
ابتسمت بجد عجبك طب أنا المرة الجاية المرة الجاية أية مش هتبطل أسلوبك دا بقى!
تشربي سحلب
بتهزر فيه هنا
جبت كيلو وخليته علشانك عارف إنك بتحبي تشربيه في الشتا 
ابتسمت شكرا يا زين استنى هعملنا كوبايتين و 
سكت وبصتله فضحك سيبته واقف مكانه ودخلت أول أوضة قابلتني وقفلت الباب بالمفتاح بسرعة بالمفتاح !
وقفت مكاني وبصيت للمفتاح بحزن من أمتى وأنا بحط حواجز بينا من أمتى وأحنا بنعامل بعض بالشكل دا 
قعدت على السرير ساكتة من شهرين حدث صعب حلم حلمت بيه خمس سنين وفي الآخر راح مني ومن ساعتها وأنا واقفة مكاني مش عارفة لا أكمل لا معاه ولا مع نفسي حتى 
لما طلبت الطلاق رفض أنا مش طالبة الطلاق علشان مش عاوزاه في حياتي أو علشان كرهته بالعكس دا عمره ما عمل حاجة تكسر نفسي أو تزعلني لأيام أخرنا في الخصام كان يوم بالكتير وفي آخر اليوم كنا