ابن ليل ل اميره اسامه

الموقف ده هواجهه لا هقدر أتجبر علي حاجه مش عيزاها ولا هقدر أخبي بيتهيألي مفيش افضل من الصراحه في المواقف دي
درهانتي اللي صح يا دانه الصراحه مهما كانت بتوجع بس بتريح انا لو كنت زمان بعقلية الوقت كان زمان اوضاع كتير اختلفت بس للاسف وقتها مكنتش قادره اواجه كرم وبصراحه خۏفت من ابويا وعبدالله لو عرفوا اني روحت وقفت قصاد كرم وقولتله اني بحب واحد تاني في النهايه ابويا جزار والجزارين ليهم عقليه مختلفه في المواقف اللي زي دي يعني ازاي بنتي تروح تقول لخطيبها انها بتحب راجل تاني خۏفت الموضوع يدخل في كرامه ورجوله وشرف وحجات كتير وعبدالله كان شاب يعني دمه حامي لما يعرف من صاحبه ان اخته جات وقفت قصاده وقالتله انها بتحب واحد تاني مش بعيد كان شرب من دمي

ديمابس حضرتك قولتي ان جدو طول غمره بيحبك وبيدلعك ومش بيرفضلك طلب وخالوا كمان كنتوا صحاب ومتفاهمين
درهودي حقيقه بس رد فعلهم في موقف زي ده مكنتش قادره اتوقعه وخۏفت جدا
دارينعموما اللي حصل حصل الموضزع ده فات عليه سنين وبيتهيألي احسن حاجه حصلت المواجهه
ديمابس اقولك علي حاجه يا مامي
درهقولي يا ديما
ديمايمكن لما كرم ده طلع وهددك انا خۏفت منه ومكنتش فاهمه حاجه بس بعد ما عرفت بصراحه صعب عليا اوي وحسيت قد ايه هو بيحبك 
دارينوصعب عليا انا
كمان
درهكرم طول عمره طيب ومحترم مكانش كده خالص اللي حصل ده اثر عليه في كل تصرفاته عشان كده مضايقه من نفسي ومضايقه عشانه
دانههو صعب عليا بس كنان بصراحه هو كمان غلط زي ما كلكم غلطتوا يعني من وجهه نظري خلاص هو عرف انك سيبتيه واتجوزتي كان لازم يكمل تعليمه وحلمه لان محدش اجبره انه يوقف كل حاجه بعدك كان المفروض حتي لو زعل وقتها بس الزعل ميأثرش عليه ويغيره بالشكل ده فا انا شايفه ان هو كمان غلط في حق نفسه لما قرر يعيش دور الضحيه
درههو كان ضحيه يا دانه كرم وقتها زي ما قولت كان طيب وخجول وهادي يمكن متحملش اللي حصل فا كان رد فعله مش محسوب يعني عرف ان خطيبته سابته واتجوزت غيره وسافرت عرف ان اخوها اللي هو صاحبه وقف معاها جوازها اكيد اتوجع لما هو شال عنه السچن وفكر ان عبدالله خان عشرته وباعه يمكن معاكي حق كلنا غلطنا بس في النهايه عقلياتنا كلنا كانت مختلفه
دانهطيب ممكن أسألك سؤال يا مامي
دره أسألي يا دانه
دانهيعني لما عرفتي انه كان بيحبك كل الحب ده وان مشاعره مكانتش بارده زي ما كنتي شايفه مندمتيش انك سيبيته واتجوزتي بابي خصوصا بعد اللي عمله معاكي
درهانا الحاجه الوحيده اللي ندمانه عليها اني موقفتش قدام كرم وصارحته بس لو علي جوازي من بباكم واختياري ليه مندمتش عليه لان وقتها انا كنت متأكده من حب يوسف وحبي ليه ويمكن طول السنين اللي عشتها مع يوسف محستش مره انه مس قد الثقه اللي ادتهاله كان ديما واقف معايا في كل تفاصيل حياتي كنت مبسوطه معاه 
بجد واكيد مش هرجع الوقت اندم علي حب كرم لان انا محبتهوش انا موجوعه بس عشانه لاني خذلته وانا جربت خذلان الحب وعارفه وجعه كويس اوي 
اللي حصل بيني وبين يوسف في النهايه هو نصيب زي ما كان نصيب بيني وبين كرم فا مش من حقي اندم علي جوازه انا اللي فضتها ولا اندم علي حب وثقه ادتها ليوسف 
دارينويمكن لو كنتي كملتي مع كرم وبابي مظهرش في حياتك اصلا مكانتش حياتكم هتبقي حلوه مع بعض في النهايه ربنا كان كاتب انكم مش لبعض بغض النظر بقي عن مين فيكم اللي غلط ومين اللي ظلم
درهبالظبط يا دارين كل حاجه مكتوبه واكيد في حكمه احنا لسه منعرفهاش يمكن مكانش هيبقي سعيد معايا يمكن مكنتش هقدر اديله الحب اللي يستحقه مني يمكن كنت حبيته بس هو اتغير معايا يمكن تدخلات الاهل باسم الحب كانت ډمرت علاقتنا محدش عارف الخير فين
المهم انا حكيتلكم كل حاجه وخلاص عرفتوا سبب خلافي مع اهلي وسبب تصرفات كرم الغريبه
دارينواحنا اكيد مبسوطين ان حضرتك فتحتيلنا قلبك
اتصل حسن علي سماح بس مردتش عليه فضل يتصل كذا مره ويبعتلها بس مردتش
سونهمين اللي قاعد يتصل بيكي ده دماغي باظت
سماحده حسن يا سونه
سونهاممممم ايه فاق اخيرا لروحه عشان تبقي تسمعي كلامي لما نقولك طنشيه وهيجيلك زاحف
سماحوادبني سمعت كلامك و اهو مش مبطل رن ولا رسايل يكش بس ميقلبش عليا
سونهويقلب عليكي ليه هو انتي يابت اللي مطنشاه
سماحطيب نعملوا ايه يا سونه نردوا عليه و نقوله اللي في قلبي ولا نسيبه علي عماه
سونههتردي عليه طبعا بس مش الوقت خليه يتربي الاول ويعرف ان الوصول ليكي مش سهل عشان ميكررهاش تاني 
سماحيعني منردش انهارده خالص
سونهوالله دي بقي علي حسب هو هيطنش ويقول انا كلمتها وعملت اللي عليا ولا هيفضل مصمم انك تردي
سماحمش فاهمه تقصدي ايه
سونهنقصد يابت الهبله لو فضل يرن وبقي شايط عشان مش عارف يطولك يبقي بيحبك ولو بطل زن يبقي قال بركه يا جامع جات من عندها
سماحفهمتك
سونهالمهم تعملي باللي فهمتيه
سماحهنعملوا يا سونه وهنجيبوا أخر حسن 
سونهلما نشوف ويلا سيبيني بقي نخطط للسنيوره في حاجه تطلع من نافوخها
سماحاحيه عليكي يا سونه انتي لسه مصممه علي اللي في بالك انتي وابله مها
سونهاه لسه ومنبقاش سونه لو
مخليناها تقول حقي برقبتي وتطفش من هنا خالص
سماح يارب بس يكون رجوعها ده مش هيقلب التربيزه عليكي 
سونهتقصدي ايه يا بت
سماحاقصد ان اللي بيحب بيسامح يا سونه ومش بعيد كرم يسامحها
سونهيسامح
سماحلو عندك امل ان كرم يحبك بعد ما اتجوزتي خمسه غيره يبقي بيتهيألي ممكن يسامح اللي اتجوزت عليه واحد
سونهانتي بټحرقي دمي يا بت الكلب انتي بتقارنيني بدره طب انت بنحبه لكن هي لا كان معاها وسابته وراحت لغيره بس انا كنت بنضايقه
سماحواحد ياسونه مفيش فرق في النهايه تكفي ان هو كان بيحبها ولحد انهارده بيحبها وإلا كان زمانه اتجوز وزي ما قولتلك اللي بيحب بيسامح ومن رأيي بلاش تمشي وراء كلام ابله مها عشان التربيزه متتقلبش عليكي
سونهبصتلها وسكتت وهي من جواها هتولع
فصل حسن يرن عليها وكل ما تقفل الصوت يرجع يتصل
سونهبعصبيه بنقولك ايه خدي المخروب ده من هنا وروحي ردي عليه بدل ودين النبي ننزل نفرجوا عليه الخلق وانا مټعصبه كده
سماح لا وعلي ايه الوقت ردي عليه ما من شويه قولتي مترديش
سونهغوري يابت من قدامي 
سماحطيب براحه شويه متزوقيش
دخلت سناح اوضتها وقفلت عليها الباب وردت عليه
سماحايوه يا حسن
حسننعم يا اختي من صباحيه ربنا بنتصلوا عليكي ونبعتولك في رسايل والوقت بتردي بكل برود وتقولي ايوه يا حسن
سماحوطي يا حسن وبلاش تزعق
حسنانتي متقوليش اعمل مبترديش ليه يا سماح
سماحمش عايزه نردوا يا حسن عليك
حسننعم
سماحزي ما سمعت بقالي اكتر من ثلاث ايام بنكلمك وانت مبتردش و اضح انك مشغول مع ضيوفك فا قولت نبطلوا نتصلوا عليك ونسيبك براحتك
حسنانتي عبيطه يابت ما قولنالك اني مشغول معاهم وكان في حوارات كتير حصلت 
سماحوانا سيبتك لحواراتك ومشاكلك وقولت نريحوك مني خالص
حسنسماح انا مش طايق روحي اتعدلي
سماحمش هنتعدل يا حسن ولازم تعرف ان مش كل حاجه بتمشي علي كيفك فاضي ومفيش حاجه ورايا نكلموا سماح مش فاضي منعبرهاش نكلمك مېت مره متردش وتكنسل ولو حنبت عليا ترد ويادوب اسمع منك كلمتين هنكلمك بعدين يا سماح عشان معانا حوار وامبارح اتصل عليك وانت واقف تحت تكنسل وتبص في الموبايل ومتردش وفي الاخر اشوف بنات عمتك نازلين وانت واخدهم بالعربيه وماشي ادام فرحان برجوعهم اوي كده يا اخويا يبقي مبروك عليك وسيبني في حالي يا حسن
حسنبابتسامه انتي غيرانه عليا يا بت
سماححط نفسك مكاني يا حسن لو انا اللي في نفسك موقفك كنت هتعديها
حسنكنت هنطين عيشتك 
سماحوانا مش هنطين عيشتك يا حسن بس هنسيبك براحتك وانت كمان سيبني براحتي افرح بحياتك الجديده وسيبني مع روحي 
حسنيابت انتي عارفه اني بنحبك والله لو حكيتلك اللي حصل اليومين اللي فاتوا هتعذريني
سماحوانا مش عايزه نعرفوا يا حسن ونجبهالك علي بلاطه يا حسن وهنقولك اللي انت مش عارف تقوله حبيت سماح واتعلقت بيها وعلقتها بيك عشان مكانش في غيرها بس لما جالك بدل الواحده تلاته سماح اترمت علي الرف وانا مبنترميش علي الرف يا حسن
حسنبابتسامه

وهدوء طيب ممكن تهدي وتبطلي عياط يابت انا بنحبك ودين محمد ومش عايز من الدنيا دي غيرك مش هننكر اني اه اتشغلت في الحوارات اللي حصلت ولا هننكر اني فرحت برجوعهم و شوفت عمتي واتعرفت علي بناتها بس كمان انا مكنتش عارف انك ممكن تزعلي وكنت عارف انك هتقدري الموقف اللي فيه
سماحنقدروا لو الموقف اللي انت فيه موقف كبير لكن اللي انت فيه مش موقف من الاساس يا حسن عشان تفضل بالتلات ايام متعبرنيش ولا حتي ترد علي رسايلي واتصالي انت بس اضايقت لما بطلت نبعتلك او يمكن تكون افتكرتني لما بنطلنا نزن عليك
حسنليه وانا كنت ناسيكي يابت
سماح أسأل روحك يا حسن ده اللي يشوفك وانت مبسوط وبتضحك معاهم امبارح يقول ان مفيش واحده في حياتك 
حسنيابت بطلي عياط متوجعيش قلبي والله يا سماح بنحبك وهما مش اكتر من بنات عمتي وزي اخواتي يابت البنات ميعرفوش هنا اي حاجه و من ساعت ما وصلوا وهو شايفين حوارات كتير بتحصل قدامهم ومش فاهمين شويه رفض ستي وابويا وجودهم وكانوا عايزين يطردوهم شويه طلوع كرم وتهديده لدره غير المشاكل اللي حصلت مع جوز عمتي هناك ورجوعهم بالطريقه دي يعني حطي نفسك مكانهم فجأه حياتهم اتغيرت بقي كلها مشاكل سابوا البلد اللي اتربوا فيها سابوا دراستهم واصحابهم وكل حاجه وجم لمشاكل اكبر منهم وياريتهم
فاهمينها صعبوا عليا والله يا سماح وحبيت نبعدهم شويه عن كل الوش ده مش اكتر ونحسسهم ان زي ما في حجات وحشه بتحصل حواليهم ان في بردوا حجات كويسه كمان حبيت نخفف حملهم عن دره شويه عشان هما كان فاضل تكه ويحملوا الذنب كله علي دره وهي بصراحه مكانتش ناقصه ضغط صدقيني البنات طيبين لو عرفتيهم هتحبيهم والاهم من كل ده لازم تعرفي انهم اخواتي وبنات عمتي مش اكتر
سماح كانت بتسمعه وهي ساكته
حسنساكته ليه مش مصدقاني بردوا
سماحمصدقاك يا حسن بس اتوجعت منك ولما شوفتك امبارح وانا بتصل بيك وانت بتشوف وبتكنسل وبعدها خدتهم ومشيت كنت ھنموت
حسنبحب بعد الشړ عليكي يابت عموما يا ستي انا غلطان وانتي معاكي حق كان لازم نردوا عليكي ونوعدك انها مش هتتكرر تاني المهم قولي انك سامحتيني
سماحماشي يا