رايات العشق بقلم فاطمه الالفي
لتلك الصغيره
فتحدث برفق انتي بتعطي ليه دلوقتي
كنت اتمنى ان يكون لي شقيق اكبر وعندما أتت الى هنا علمت بوجود شقيقين تمنيت ان اصبح بمكانه رؤى داخل قلب كل منكما والتمس الفقد الذي عانيت منه طوال حياتي ولكن خاب الامل داخلي عندما لم تحتويني وتضمني لصدرك باول لقاء جمع بيننا علمت وقتها بأني غريبه عنك وسقف احلامي تبعثرت كما تبعثرت مشاعري أيضا كنت ارء بك الشقيق الاكبر الذي يغمدني بحنانه ويقترب مني ويستمع اليه واذا اغصبني احد يجلب لي حقي ولا يجعل دمعتي تزرف ويقولي لي لا تبكي أنا موجود جانبك لا تغصبي أنا معك لا تحزني ولا تجعلي الحزن يسكن قلبك تمنيت الكثير والكثير ولكن لم أجد كل هذه الامنيات لم تتحقق ولذلك أردت ان اودعك قبل اناغادر واعوده من حيث اتيت
تسمرت مكانها عندما أستمعت لتلك النبره الحانيه بصوته وهو ينطق اسمها لأول مره
ايسل تعالي هنا
الټفت لتنظر اليه قبل ان ترحل ولكن تفاجئت بانه يفتح لها ذراعيه ويبتسم لها وهو يرفع حاجبيه ويهز براسه بايمائه بسيطه دعوه صريحه منه بانه يريد احتضانها
أنا بضعف قدام دموع رؤى وانتي عندي زي رؤى ماتعيطيش تاني بسببي أنا آسف انتي مالكيش ذنب باللى بمر بيه حقك عليا ممكن ماتزعليش مني وماتمشيش بسببي وبعدين أنا اخوكي الكبير فعلا
ابتسمت بسعاده بسبب تلك الكلمات البسيطه التى بدلت حاله الحزن التى سيطرت عليها لفرح
وأنا كمان هشتاقلك بس قوليلى مين بقى مزعلك وأنا همحيه من على وش الدنيا حتى لو كان الجن الأزرق
جحظت عيناها پصدمه من
أيه ده ماتعرفيش الجن الأزرق ولا أنا وحياتك بس معناها أي كان مين زعلك انا مش بسامح فى حق اللى يخصني وبتحول فى ثانيه لازم تعرفي إن اخوكي بجد وفي ضهرك
لا يوجد احد هذا مجرد حديث
وضع كف يده اعلى رأسها وهو يحرك خصلات شعرها برفق
خلي بالك من نفسك وأنا بنفسي هوصلك المطار هغير هدومي بس
غادرت غرفته وهى سعيده بعدما استشعرت الصدق بحديثه وعلمت الان بانها حصلت على اشقاء حقيقيين سيظلوا جانبها للأبد
عندما راءها امامه شعر بالارتياح واقبل عليها يضمها لصدره
واحشتيني يا يويو
انت واحشتني اكتر يا دوك
ابتعد عنها ورفع يده يمسك بذقنها قوليلى اخبار الشغل مبسوطه فيه
تنهدت بقوه عندما تذكرت ماجد وابتسمت لشقيقها باطمئنان
الحمد لله الشغل تمام وكمان اسوان بلد جميله جدا واستمتعت هناك اكتر من الفوج السياحي وربنا
طيب يا حبيبتي انا عندي شغل ولم ارجع نبقى نتكلم
تمام بابا وماما فى البيت
لا بابا طبعا فى المستشفى لكن ماما موجوده سلام أنا بقى احسن بابا فى الشغل مايعرفنيش
سلام يا حبيبي الله يقويك
ودعت شقيقها لتدلف لداخل المنزل تبحث عن والدتها لتجدها تقف بالمطبخ دلفت بهدوء وهى تسير على اطراف اصابعها بعد أن خلعت حذائها واقتربت من والدتها باشتياق تعانقها بقوه من الخلف وهى تصرخ بسعاده
واحشتيني يا مامتي اوووى
حمدلله على سلامتك يا قلبي انتي اللى واحشتيني اوى وكان روحي ردت ليه دلوقتي البيت كان وحش اوي من غيرك يا حياه شوفيلك حل سفر تاني لا مش هفضل قلقانه عليكي طول الوقت يا بنتي
قبلت وجنتها وهى تبتعد عنها
ماما حبيبتي ده شغلي ومعلش يا جميل مع الوقت هتتعودي
نظرت لها زينه بقلق وتحدثت بانفعال
بقولك ايه تشتغلي زي ماانتي عايزه لكن هنا فى القاهره وبس سفر تاني ممنوع تبقى مرشده على عيني وراسي لكن هنا فى البلد دي
حاولت السيطرة على انفعال والدتها وهى تبتسم لها وتتحدث بمرح
حاضر هقول لمدير الشركه ماما بتسلم عليك وبتقولك بلاش تسفرني تاني بره القاهره عشان ماتزعلش منك وتدعي عليك حاكم دعوه ماما فى السماء على طول هههه حلو كده يا زوزو
انتي بتهزري يا بنت
الله طب أعمل ايه طيب بصي يا مامتي يا قمر انت أنا راجعه تعبانه ممكن ادخل استلم سريري عشان انام شويا ولم اصحى نبقى نكمل خناق زي ماتحبي
ارسلت إليها قبله عبر الهواء وغادرت المطبخ متوجهه الى غرفتها لترتمي باحضان الفراش فهي بحاجه للنوم الان
بفيلا زيدان الراسي
التف الجميع حول مائده الطعام يتناولونه بصمت فكل منهما يشعر بالحزن بسبب عوده ايسل لفرنسا بعد أن تعودو على وجودها بتلك الايام القليله فهى كالملاك ټخطف القلب من اول نظره
تنهد زيدان بحزن ونظر الى معتز
هتوصل ايسل مش كده
أكيد طبعا يا بابا أنا ورؤى هنوصلها ثم وجه حديثه لايسل
بجد هتواحشيني اوى يا بنت عمي
نظرت للجميع بحب
كلكم هتوحشوني جدا جدا جدا
تحدث ماجد وهو ينظر لها بابتسامه حانيه
أنا اللى هوصل ايسل
جحظت اعينهم پصدمه فتحدث معتز
انت جاى من سفر ومحتاج تريح
هز راسه بالنفي مايمنعش ان أكون معاكم واوصل ايسل بنفسي واطمن عليها
تنهد زيدان بارتياح وصوب انظاره اتجاه ماجد
حمدلله على السلامه يا حبيبي
فهم ماجد حديث والده وبادله الابتسامة
الله يسلمك يا بابا
تحدث معتز بعدم فهم
ايه يا بوب حضرتك بتنسى ولا ايه ماجد هنا من بدري وحضرتك مسلم عليه قبل كده
لا ما نستش يا معتز بس اخوك عارف وفاهم أنا بقوله كده ليه
طب مانفهم احنا كمان
ابتسم زيدان وتحدث بجديه وهو ينظر لمعتز
حمدالله على سلامته فى وسطينا لو لسه مش فاهم بكره تفهم
نهض ماجد لينهى ذلك الحديث
مش يلا عشان نوصل ايسل طيارتها كمان ساعه كده هتتاخر
نهضت ديما لتضم ايسل لصدرها بحنان وتنساب دموعها
هتوحشيني اوى يا بنتي اوعى تنسيني لازم تيجي تاني
أكيد يا طنط وعمري ماهنسى اهلي طبعا
عانقها زيدان بحب وربت على ظهرها بحنان
اشوف وشك على خير يارب مابحبش الوداع يا قلبي هستناكي تنوري عيلتك من تاني مع ابوكي زي ماوعدتيني
انسابت دموعها وهى تضم عمها بقوم
اوعدك في اقرب وقت هنكون جنبك
كفكفت دموعها بعدما ودعت عمها وزوجته وغادرت المنزل لتستقل سياره ماجد وهى تجلس بجانبه وبالمقعد الخلفي تجلس شقيقته رؤى ومعتز
أنطلق ماجد بسيارته صوب المطار
داخل مشفى نبص الحياه
دلف باسل ليتابع حاله رامي كما أخبرته ايسل بان يهتم به
اثناء متابعه حاله رامي
حمدلله على سلامتك تجازت مرحله الخطړ وهتتنقل لغرفه عاديه
الحمد لله شكرا يا دكتور
العفو ده واجبي
ممكن أسأل حضرتك سؤال
أكيد اتفضل
ابتلع ريقه بتوتر وهو يبتر جملته
هي دكتوره ايسل فين
هى مش موجوده حاليا بس أنا هنا بدالها لو محتاج حاجه بلغني أنا اسمي باسل
لا شكرا مجرد استفسار بس
غادر باسل العنايه ووجد بان لديه استدعاء من دكتور عاصي فأسرع بخطواته الى حيث مكتبه
اما رامي فقد شعر بالحزن بعدما علم بعدم وجودها وعلم بانه سبب اختفائها بعدما تجرا عليها فعلته
حدث نفسه بضيق
أعمل ايه هي بصراحة زي القمر ومااقدرش أمسك نفسي فقربت منها بس كنت غلط يا رامي مش هتبطل تهورك ده هي غير أي بنت عرفتها واهي اختفت من حياتك فجاه زي ماكان ظهوره بردو فجاه
دق باب مكتبه ودلف بهدوء بعدما اذن له عاصي بالدخول
اقترب باسل منه بتسأل حضرتك طلبتني يا دكتور
مختفي فين يا باسل مش عارف ان عندنا
عمليه مهمه ولازم تجهز المړيض
موجود يا دكتور بس كنت بطمن على رامي الشيمي بس
زفر بضيق عندما أستمع لاسم ذلك الشخص
وانت مالك ومال حالته مش
هو تبع الفريق الفرنسي
حضرتك عارف الفريق الفرنسي سافر وكانت ايسل مكمله متابعه لحالته لكن امبارح طلبت مني اتابعه
تسأل بقلق ولا هي ماجتش
هز راسه بالنفي لا يا دكتور ماجتش
طيب اتفضل انت جهز المړيض يلا
حاضر يا دكتور
ظل عاصي شاردا بحديث باسل عن غياب ايسل وايقن انها تركت المشفى بالفعل كما أخبرته بالأمس وانها كانت صادقه تسرب الحزن لقلبه وشعر بوخزه داخل صدره لا يعلم بما أصابه عندما علم بعودتها من حيث أتت
معقول تكون سافرت بالسرعه دي
ودعت أبناء عمها بعناق حار ودموع الفراق ثم صعدت على متن الطائرة المتوجهه الى باريس لتجلس بمقعدها المخصص لها بجانب النافذه وتنظر من عبرها لموطنها التى ستشتاق اليه وتنهدت بحزن عندما بدءت الطائرة فى الاقلاع لتبتعد عن بلدتها بقلب منفطر وعيون باكيه رغم انها لم تقطن بها الا عده ايام الا انها عشقتها وعشقت اهلها وأصبحت تنتمي إليها رغما عن الجميع
اما عن اسر فكانت والدته تجلس بجانبه اعلى الفراش تطمئن على حالته
كان نائم ولكن شعر بملمس والدته الرقيق يمسد على خصلات شعره بحنان وتقبل جبينه بحب
نهض من نومه وظل ينظر إليها لعده ثواني قطعه صوت شهقاتها الباكيه ليرغمه على عناقها والتشبث بها بقوه
سامحني يا حبيبي ان خبيت عنك طول السنين اللى فاتت عاتبي لومني قول ايه حاجه بس ماتسكتش ولا تكتم جواك
ابتعد عن احضانها وهو مدمع العينين
أقول ايه يا ماما أقول إن حبيت اختي وكان ممكن اتعلق بيها اكتر من كده مشاعري اتحركت لأختي عارفه يعني ايه اختي يمكن لو كنا نعرف بعض ماكنتش حاجه زي كده حصلت من الأساس
اقول إيه اكتر من إن عشت إحساس اليتم وابويا عايش رغم ان بابا حاتم ماقصرش معايا فى حاجه وأنا مديون ليه بعمري كله بس كان نفسي ابويا يكون جنبي فى اوقات كتير ليه يا ماما ليه خبيتي عني الحقيقه ليه
بابا سأبني كده ببساطه من غير مايسأل عني ولا مره مش عايزني فى حياته لدرجادي
هزت رأسها بالنفي
لا يا حبيبي ابوك كان عايزك انت كمان وعايز اختك ولم قررنا نطلق كان مصر ياخدكم معاه ويسافر بس أنا رفضت يومها باباك كان راجع من السفاره عنده سفريه مهمه لكندا بس هيفضل فيها خمس سنين وكانت دي اول خطوه فى تحقيق حلمه كان نفسه يبقي سفير وأنا رفضت أسافر بيكم وقتها خيرته السفر او الطلاق
وليه رفضتي فرصه زي دي بابا يحقق حلمه فيها
خۏفت عليكم من الغربه والبهدله والعادات غير العادات خۏفت عليكم من المجتمع الغربي أنا رفضت عشان عايزه احميكم واخليكم مش تشتتو فى كل بلد شويا لكن هاشم وقتها قال هسافر وهاخد الاولاد معايا وانتي عندك يومين تفكري لا تيجي معانا لا انفذ رغبتك واطلقك
ايسل كانت صاحيه وقتها وكانت متعلقه بيه اوى ويومها خدها معاه وأنا فضلت اصړخ عايزه بنتي بس هو كان عايز ياخدك انت كمان هاشم قالي ماتبقيش انانيه عيالي هم حياتي وروحي متعلقه بيهم ازاى عايزه تحرميني منهم وكمان ايسل كانت متمسك بحضنه ومش عايزه تسيبه خدها معاه وقالي هسيب اسر معاكي عشان ماتبقيش لوحدك وهبعتله كل اللى يخصه ومش هيحتاج لحد فعلا كان بيبعت مصاريف ليك وبزياده كمان اول سنه مع عمك زيدان وكان عمك بيصورك ليه دايما بس أنا خۏفت ياخدك مني بعدت وبعت الشقه ونقلت مكان تاني ماحدش يعرفه واتعبت وقتها وجالي الضغط وقابلت حاتم كان دكتور قلب فى مستشفى فى نفس المنطقة الجديدة اللى نقلت فيها عرف بظروفي وطلب يتجوزني وفعلا وافقت عليه ماكنش ينفع اعيش من غير راجل فى حياتي يكون ليك اب وليا سند وبعد الجواز جاله عقد عمل فى مستشفى كبيره فى دبي وسافرنا معاه وقولت كده هحافظ عليك وابعدك عن اهل باباك خالص وفضلنا فى دبي اول خمس سنين وكانت روحي متعلقه باختك وكنت رافضه اخلف من حاتم غيرك انت واختك وكنت بتمني يجي الوقت اللى اخدها فى حضڼي بس صعب عليا حاتم هو محتاج
يكون ليه اولاد هو كمان بس وقتها كان حصلتلي مشكله تمنع الانجاب ومافيش علاج غير عمليه حقن مجهري وفعلا عملنا العمليه واخواتك جم على الدنيا والحياه استقرت ودخلانك مدرسه فى دبي ووقتها عرفت ان اسمك اسر هاشم مش حاتم وجيت سالتني ليه بابا اسمه متغير وقتها حاتم طلب اعرفك الحقيقه بس أنا خۏفت عليك كنت صغير وقولت مش هتفهم عشان كده قولتلك بابا هاشم عند ربنا لكن بابا حاتم باباك بردو وهو اللى مربيك وحاتم جدد عقده هناك وكملنا حياتنا عادي حاتم كان فعلا ابوك اللى رباك واهتم بيك وسهر ياما على تعبك انت حبيت الطب عشانه وكان دايما فخور بيك وانت بنفسك قولت كان ليك فعلا اب ولم رجعنا مصر كان عشان انت تدخل الثانوية هنا واحنا نستقر فى بلدنا وعشان كده قولتلك ان أهل باباك لو عرفوا بوجودك هيحرموني منك ده كل اللى حصل يا بني
كث الحزن وجهه وتحدث پانكسار
رفضتي تسافري مع بابا واختي لكن وافقتي على سفرك وغربتك مع بابا حاتم عادي انتي ماكنتيش بتحبي بابا صح عشان كنتي تتنازلى عن حياتك هنا وطلبتي الطلاق وقتها
للأسف أنا وايسل اللى بندفع تمن اخطائكم وللأسف الاكبر حضرتك وبابا ماحدش قدر يتنازل عن حاجه عشان الحياه تستمر بنكم واحنا بردو بندفع تمن البعد والفراق كل واحد فيكم كان عايز يخلي التاني يعمل اللى هو عايزه وشايفو صح ماحدش فكر فينا احنا عايزين ايه وهنعيش ازاى من غير بعض واحنا كنا كلنا بنكمل بعض حضرتك كنتي انانيه فى اختيارك وبابا كمان كان اناني وماحدش اتظلم بينكم غيرنا طب أنا ربنا عوضني عن وجود الاب لكن ايسل عاشت اليتم اللى بجد وعاشت كمان متغربه عن اهلها بجد مصډوم فيكم ومش عارف اقول ايه غير إن بجد موجوع ومكسور وقلبي بينذف ومحتاج اشوف تؤامي عشان ارتاح بجد يمكن إحساس الخنقه اللى بيحصلي دايما يختفي بوجودها معايا أنا بقى مش هسيبها تاني ابدا بعد مالاقيتها مش هدير وشي وابعد عنها هى اكتر حد اتظلم بينا كلنا
معاك حق فعلا اتصرفنا زمان بانانيه وكل واحد فكر فى نفسه سامحني عشان خاطري أنا نفسي اشوف اختك وآخدها فى حضڼي واعوضها عن أي حرمان شافته وأنا
