اترفضت ولكن بقلم ماء البحر

الفلوس في فرن البوتاجاز
فضلت ترجع لورا وهو يقرب لغاية ما ظهر وشه فبصتله پصدمة وقالت أنت
ضحك عليها بصوت عال وقال يا بنتي فكرتك بقيتي قوية وقولت أختبرك عشان أشوف هتتصرفي إزاي لوحدك وبعدين كنت خاېف لتعرفي صوتي
خبطته في كتفه وقالت اها يا رخم نشفت دمي حسبي الله
وطلعت
برا لقيت أختها قاعده بتاكل لب وبتتكلم عالموبايل
فقالت بعصبية بقى تبيعي أختك عشان شوية لب رماهم خالد ليكي
ندى بدون اهتمام وإيه يعني هو يعني باكله كل يوم وجابلي مكسرات أهو
بصتله نجلاء بعصبية وهو بصلها بابتسامة وطلع من جيبه وعشان حبيبتي العصبية جبتلها شوكولاته زي ما بتحب
ضحكت نجلاء وقالت هاخدها طبعا بعد الړعب اللي عملته ليا دا
خپطها على كتفها وقال يا خسارة تدريبي ليكي اللي ضيعت وقتي عليكي فيه
نجلاء بضحك ما أنت علمتني نظري مش عملي
خالد بضيق اها صح الغلط طلع عليا أنا وبعدين أنا لحقت أصلا لقيتك خدتي أختك ومشيتي من عندنا عشان بقى معها شوية فلوس ولقيت شغل فهتدوس علينا اسكتي يا شيخة بلا نيلة دا أنا كدا هعيش معكم هنا
نجلاء لا يا باشا المكان على قدنا المهم عايزاك تتجوزني
وهخليك تقعد معنا
خالد پصدمة أستغفر الله أنت هبلة يا بت أنت نسيتي إننا أخوات في الرضاعة ولا إيه
وبص لندى اللي بتسمع كلامهم وقال ما تقولي لأختك المچنونة دي حاجة
قالت نجلاء يا بني افهمني مش جواز حقيقي فهمت يعني هنمثل إننا متجوزين
خالد بعدم فهم لأ بصي بقى فهميني إيه الحكاية كدا عشان ماقومش أرميكي من بلكونة المطبخ
بقلم ماء البحر
قعدت نجلاء وحكتله اللي حصل مع مؤمن وتهديده ليها
خالد وإزاي مش تعرفيني إن في حد اتقدملك عشان أجي أقابله لازم يكون في راجل معكم في القعدة دي مش تقابلي من نفسك كدا كأنك مالكيش حد ولا أنا مش أخوكي ولا إيه
نجلاء بتنهيدة ماكنتش أعرف أصلا إنه جاي حد رن الجرس لقيته بيقول إنه جاي يطلب إيدي ماعرفتش أعمل إيه وكمان طريقته الغريبة دي إنه يجي بدون ميعاد
ندى أنا اللي فتحتله الباب ودخلته في الصالة هو أنا عشان وافقت تقعدوا لوحدكوا يبقى مابقاش ليا لازمة في حياتكوا ولا إيه
لولا إنكم بتتحرجوا من والدي ماكنتش وافقت إنكم تعيشوا لوحدكم أصلا وبعدين ما أنا بتصل كل يوم عليكم ما قولتوش ليه ها ولا عشان سافرت أسبوع لشغلي فتخبوا علينا حاجة زي دي
بصت نجلاء في الأرض لانها عارفه إنها غلطت وكمان مابقتش بتحكي تفاصيل زي الأول عن حياتهم عشان مش عايزه تشغلهم بمشاكلها
فقالت ندى دا أنت ماتعرفش الكبيرة بقى وقالتله على اللي حصل معها في الجامعة
بصلهم پصدمة مش عارف يقوم يو لع فيهم ولا يعمل فيهم إيه
فقال يا حلاوة يا ولاد كمان دا حصل اممم ما أنا بقيت غريب عنكم وماينفعش أعرف حاجة صح كمل كلامه بعصبية
فخاڤت ندى منه ونجلاء قاعده مش عارفه تعمل إيه
ياترى هيوافق على طلب نجلاء
اترفضت_ولكن
بارت
رواية اترفضت ولكن الفصل السادس بقلم ماء البحر
قالت بتردد يعني هتساعدني إننا نمثل إن احنا متجوزين ولا إيه
بصلها خالد بتفكير وقال لأ
نجلاء بإحباط ليه أنا عارفه إني غلطت أوي من بعد لما بعدت عن بيتكم بس حقيقي أنا ماكنتش عايزه أشغلك بمشاكلنا كل شوية
خالد بزعيق يا بنتي أنت ليه مش مستوعبة إنكم أخواتي يعني لو مش أنا اللي هقف معكم في مشاكلكم هنجيب ابن الجيران
هو اللي يساعدكم... حقيقي مش عارف بتفكري إزاي
ندى باحراج حبينا نعتمد على نفسنا يا خالد كفاية
إنك بتهتم بينا من