اترفضت ولكن بقلم ماء البحر

فيه إيه احنا في الشارع واللي رايح واللي جاي بيتفرج عليكم حد يفهمني إيه اللي بينكم ومتعصبين من بعض ليه
بصوا لبعض بقرف وسكتوا
يا ترى حكاياتهم هتوصل لفين
اترفضت_ولكن
بارت
بقلم_ماء_البحر
قال ببرود طب بصي بقى يا بت أنت هيبقى كتب كتابنا آخر الأسبوع وإلا هتشوفي حاجة مش تعجبك عشان تبقي تطولي لسانك حلو عليا
وركب عربيته قبل ما تقول أي كلمة وقال بدون ما يبص عليها ألين اركبي يلا خلينا نمشي
ونجلاء وندى واقفين مصډومين من اللي سمعوه
بصت ندى لنجلاء وقالت هو بيتكلم بجد ولا بيهزر بس نبرته كانت بتقول إنه مابيهزرش ولفت بفرحة وقالت واو شبه الروايات والمسلسلات
خبطتها نجلاء بعصبية وقالت اتكتمي... وبصت قدامها بشرود وهي بتقول ماشي يا مؤمن هنشوف هتكتب عليا إزاي
وخدت أختها ورجعوا عالبيت أما عند مؤمن وألين كانوا لسه ماوصلوش للمكان اللي رايحينه
فقالت ألين مؤمن أنا عايزه أعرف إيه علاقتك بنجلاء وإيه الكلام اللي قولته ليها دا
مؤمن وهو بيبص قدامه قال دي اللي كنت متقدم لها ورفضتني لما كنت بحكيلك امبارح
ألين أكيد أنت عملت حاجة ضايقتها بس اللي أنت قولته غلط إزاي هتتجوزها وأنت
مش عايزها ماتخليش غضبك يخليك تعمل حاجة ټندم عليها بعدين
الزواج مش بالاجبار ولا بالڠصب وكدا هتدمر حياتك وحياتها
مؤمن ما هي كل لما تشوفني تفكرني نحس في حياتها مش عارف حقيقي بتفكر إزاي وبعدين أنا قبل ما أروح أتقدم لها صليت استخارة وكنت مرتاح نفسيا بس مش عارف لقيتها غبية في كلامها
وهي عايشة مع أختها لوحدهم لا لحقت أسأل عن أهلها ولا أعرف هي مين بالظبط ولا بتصرف على نفسها وأختها منين 
بقلم ماء البحر
حتى لما واحد دلني عليها مايعرفش عنها حاجة غير إنها جت من ست شهور هي وأختها يعيشوا في الشقة اللي قصادهم وكمان متأجرينها
بس قوليلي أنت تعرفيهم منين
اتنهدت ألين وحكتله اللي حصل وإنها لسه عارفاهم النهاردة
مؤمن طب قوليلي مش أنا اللي هكون ليها الضهر والسند وكمان لأختها بدل ما هما ملطشة لأي واحد عديم القيمة والرحمة والإنسانية
ألين بابتسامة صراحة اها بس نفسي أعرف قفلت منك إيه تلاقيك قولت حاجة ضايقتها لما خدت عنك فكرة وحشة كدا بس بلاش تعمل الهبل اللي قولت عليه دا
سيبلي أنا الموضوع دا وهخليها توافق عليك برضاها ياعم بس تعد الجمايل ماشي مش عارفه ليه ترفضك لولا إن أمك رضعتني مع أخوك كان زماني اتجوزتك بس يلا النصيب نكون أخوات وأجدع أخ الصراحة
مؤمن بابتسامة أنت تستاهلي كل خير يا لولو أنا أديكي اللي تطلبيه هو أنا عند مية أخت دا هي واحدة
واحنا في خدمتها
ألين بفرحة تسلم يا حبيبي... إن شاء الله تبقى من نصيبك
ياترى ألين فعلا هتقنع نجلاء بمؤمن ولا إيه
اترفضت_ولكن
بارت
بقلم_ماء_البحر
آسفة عالتأخير كان ڠصب عني
لو لقيت تفاعل عالبارت دا هنزل واحد كمان
رواية اترفضت ولكن الفصل الخامس بقلم ماء البحر
بالليل كانت قاعدة في بلكونة المطبخ ومطفية النور وبتتفرج عالعمارات اللي حواليها لقيت حركة غريبة وراها
كانت لسه هتلف عشان تشوف مين اللي واقف وراها لكن مالحقتش وكان حط إيده على بوقها وهمس جنب ودانها اوعي تصوتي أحسنلك
خلاها تترعش وتخاف والدموع ملت عينها مش عارفه تعمل إيه ومين أصلا اللي دخل شقتهم من غير ما يعرفوا وكمان جه المطبخ يرعبها
هو بسخرية أكيد يعني مش هخاطر بحياتي عشان أجي أسرق أكل من المطبخ
نجلاء پخوف طب جاي تسرق سكا كين طيب ولا عايز الحلل بتاعتنا ما هو غريبة حرامي يجي المطبخ يدور فيه على حاجة عايزها
أصل مش هنخبي