قصة ورقة جواز عرفي للكتابة سكوبي دوو

انى بس اتعودت عليه بس بعد ما سبت البيت حسيت انا قد ايه بحبه 
ليلى هو خلاص طلقك عند الماذون 
شرين مش عارفه ومسألتش ............عمو عبد الرحمن قالى انه هيخلص الموضوع 
ليلى خير .......... ان شاء الله هيبقى خير ...........خلاص بقى بطلى عياط عشان نفرح بشهد واحمد
........................................................................................
قبل الفرح بيوم نزل هشام مصر عشان يحضر الفرح وفاليوم ده كان عند كريم وليلى بالليل 
هشام شرين وحشانى اوى .......متعرفيش اخبارها ايه ياليلى 
ليلى كويسه
كريم انتم الاتنين معذبين نفسكم على الفاضى 
هشام انا بجد بحبها بس مش عاوز اضايقها ........خليها براحتها مادام مبسوطه كده
ليلى هشام بصراحه كده شرين مش مبسوطه وهى كمان بتحبك
هشام بجد .........ازاى يعنى 
ليلى انا هحكيلك 
وهحكت ليلى لهشام وكريم كل حاجه وكلام شرين ليها 
هشام بفرحه بجد ..........هى نرمين الغبيه دى .......بس خلاص انا هتصرف 
ليلى هشام هو انت طلقت شرين 
هشام لأ بابا اللى قال هيعمل الاجرائات وقالى هبقى اقولك وبعدين انا سافرت
ليلى بفرحه يعنى انت وشرين لسه متجوزين 
هشام وهو بيضحك ههههههههههههههه احنا نسينا نطلق 
كريم والله انتم مجانين
..........................................................................................
يوم الفرح الكل فى القاعه وشرين وليلى مع شهد فى الكوافير وشويه جه احمد عشان ياخدهم هو كريم 
شرين بصت بعنيها تدور على هشام ملقتهوش مشت وهى زعلانه كانت نفسها تشوفه وراحو كلهم على القاعه 
فى القاعه الكل قاعد وشرين عنيها على الباب وشويه ودخل هشام وفى ايده نرمين وهى لابسه فستان تقريبا عريان 
شرين من الصدمه مقدرتشى تمسك دموعها وقامت دخلت الحمام 
شويه وحاولت تمسك اعصابها وتمسح دموعها ودخلت تانى القاعه 
شرين لسه داخله لقت هشام واقف على البيست وماسك فى ايده المايك وبيبص عليها 
شرين وقفت متجمده مكانها 
هشام فى المايك السلام عليكم .......انا هشام عبد الرحمن ........معلشى هاحكلكم حكايه كده ومش عاوزكم تزهقو ........من حوالى سنه وشهرين كنت انسان مستهتر جدا وصايع وباشرب مخډرات وكل حاجه وحشه فى الدنيا انا عملتها لدرجة انى اتجوزت عرفى من وحده هى اصلا متعرفنيش .....اه بجد متستغربوش ............كانت لعبه برضى بيها وحده رخيصه اوى ومش محترمه بتحب اذية الناس وبس 
وبص لنرمين وهو بيضحك نرمين قامت بغيظ وسابت الفرح ومشت
هشام وهو بيكمل وعشان البنت اللى اتجوزتها دى كانت محترمه اوى وبتحب اهلها اوى وخاڤت عليهم من الڤضيحه وافقت بالاتفاق مع والدى انها تتجوزنى رسمى لمدة سنه وشافو انهم كده بيعاقبونى وانهم ممكن يعلمونى حاجه صح .............وفعلا اتجوزت احسن انسانه فى الدنيا انسانه رغم اذيتى ليها محاولتشى تكرهنى ولا تضايقنى كانت بتعملى كل حاجه علمتنى ازاى اصلى واقرأ قرآن.. علمتنى ايه هو معنى العيله.. علمتنى ازاى اسامح واساعد غيرى حتى لو اذانى.. بمعنى اصح علمتنى اكون انسان.. وعلمتنى ازاى اكون راجل محترم وقد المسؤليه.. ومكتفتشى بكده وبس لا دى كمان علمت اهلى وخلتنا لاول مره نتجمع ونكون مبسوطين ونحب بعض ونهتم ببعض 
..........وكمان علمتنى اهم حاجه.. علمتنى ازاى احب وازاى اضحى.. كل مره كنت بصلى فيها كنت بادعى وانا ساجد زى ماقالتلى.. كنت بقول ربنا يخليها ليا وتحبنى زى ما أنا بحبها ونكمل حياتنا طول عمرنا مع بعض واحنا مبسوطين ... وهفضل ادعى بكده طول عمرى ........شرين انا بحبك بجد والله العظيم بحبك مش شفقه ولا تعود ولا عشره ..........وعارف انك انتى كمان بتحبينى رغم كل عيوبى بس قلبك الطيب حبنى.. عشان خاطرى بلاش نعذب بعض اكتر من كده تعالى نبدأ من جديد .......قدام كل الناس دى قدام اهلى واهلك انا بقولك انى بحبك وعاوزك تكونى مراتى طول العمر .......موافقه 
شرين كانت واقفه ودموعها بتنزل ڠصب عنها مش عارفه هى دموع فرحه ولا دموع حزن ولا دموع اشتياق لهشام 
وشويه وقربت منه وهزت راسها بالموافقه 
هشام بفرحه بجد موافقه 
شرين بعياط موافقه ....... وبحبك اوى 
هشام بيقرب عشان يحضنها شرين رجعت لوراء مينفعشى لما نتجوز
هشام وهو بيشدها لحضنه احنا مطلقناش اصلا يا مجنونه 
هشام شالها وقعد يلف بيها جامد من كتر الفرحه والكل كان مبسوط وبيصقفلهم 
وشريفه كانت بټعيط من الفرحه هى وفريده 
النهايه
.........................
التربيه والعيله بيفرق كتير فى تصرفات كل واحد فينا وياما ناس عامله نفسها محترمه ومن جواها سواد وغيظ من كل الناس وياما ناس بتعمل حاجات غلط بس هى كويسه وده مش معناه انهم صح بس مفيش حد فهمهم الصح من الغلط 
فى ناس كتير بجد بتعمل حاجات غلط وهى متعرفشى وفى ناس اكتر عارفه بس مش عارفه ايه الصح ...........لو فايدنا ننصح لحد بس بطريقه مناسبه عشان يتعلم ياريت منبخلشى بلاش نتريق على تصرفات غيرنا واحنا مش عارفين اسبابها 
وياريت كل واحد قرر انه هيكون اسره يكون قد القرار ده ويكونها ويربيها صح عشان دى مسؤليته قدام نفسه والمجتمع وكمان قدام ربنا 
وبلاش نهتم بالناس وكلامهم ومشاغلنا وننسى عيالنا وننسى اهتمامنا بيهم عشان كده احنا ممكن نطلع جيل جاهل مش متربى وكمان ميقدرشى يتحمل المسؤليه ربنا يهدينا ويحمينا من كل شړ