قصة ورقة جواز عرفي للكتابة سكوبي دوو

مش قادر يستوعب ان شرين مشت خلاص
فتح العلبه لقى شبكة شرين
وفتح الجواب لقى شيك ب الف جنيه وورقه مكتوب فيها 
النهارده السنه خلصت وكل حاجه بينا سواء حلوه او وحشه برده خلصت انا سبتلك الشبكه وشيك المؤخر انا مش محتجاهم وكمان قدمت استقالتى من الشركه عشان احس انى خلاص مبقتشى استغلاليه وارجع بقى لشرين بتاع زمان .........انا مش هنكر ان مشاعرى اتحركت ولاول مره وانا معاك بس مش هقدر اقول انه حب ولا انت برده اللى حسيته ده حب ده بس حصل عشان احنا كنا مع بعض فتره كبيره ممكن نسميها تعود او عشره او شفقه اى حاجه بس الاكيد انه مش حب .......انا عارفه ان هشام اللى بيشوف الكلام ده مش هو هشام اللى عرفته من سنه وعشان كده انا مبقتشى بكرهك ولا زعلانه منك بس ياريت كفايه لحد كده عشان بجد انا تعبت ومن حقى انى اعيش بقى حياتى زى ماكنت بحلم وزى مانا عاوزه من غير ما ابقى مغصوبه عليها انا بجد بتمنالك السعاده وان شاء الله هتلاقى البنت اللى هتحبها بجد وتكمل معاها بقيت حياتك انت انسان كويس اوى وان شاء الله هتلاقى اللى تستاهلك ........اخر طلب هطلبه منك انى بجد مش عاوزه اشوفك تانى ..... اه وبعد اذنك اناهحتفظ بالسلسله اللى كنت جايبهالى فى عيد ميلادى عشان هى غاليه عليه اوى ......مع السلامه
هشام مسك الورقه ودموعه بتنزل بس والله انا بحبك ......بجد بحبك اوى يا شرين .....بس انا هنفذلك طلبك عشان انا واعد نفسى انى مش هزعلك وهعمل كل اللى انتى عاوزاه ....بس بجد انا بحبك اوى
.....................................................................................
شريفه بتحضر الفطار لشهد عشان تنزل كليتها وفجاءه لقت جرس الباب بيرن
شريفه شهد شوفى مين ......خير الله ما اجعله خير 
وطلعت من المطبخ وشهد بتفتح الباب
شهد باستغراب شرين
شريفه جيه تجرى من المطبخ شرين .....فى ايه مالك ......وايه الشنطه دى 
شرين ممكن ادخل الاول وبعدين هحكى كل حاجه
شرين دخلت وشهد وشريفه بيبصو لبعض بقلق
شرين انا هاحكى لكم على كل حاجه بس ياريت محدش يزعل منى 
شرين بدأت تحكى لمامتها وشهد كل حاجه وازاى اتجوزت هشام والورقه العرفى ووسط كلامها بدأت ټعيط 
شريفه قربت منها واخدتها فى حضنها كل ده كنتى شيلاه لوحدك .....ليه مقولتيش من الاول 
شرين بعياط كنت خاېفه على بابا وقتها كان تعبان الله يرحمه 
شريفه بقى هشام كده واحنا اللى حبناه بجد ربنا ينتقم
شرين لا ياماما متدعيش عليه هشام حبكم بجد هشام كويس والله بلاش تكرهيه هو عمل كده عشان مكنشى يعرف الغلط من الصح وكان بياذى نفسه اكتر ماذى الناس حرام نبقى احنا والزمن عليه عشان خاطرى متكرههوش
شهد انتى بتحبيه يا شرين 
شرين بارتباك لأ دى مجرد شفقه ......مش حب 
شهد متاكده
شرين انا هقوم ادخل اوضتى انا تعبانه اوى 
ودخلت شرين اوضتها وفضلت شهد قاعده جانب مامتها 
شريفه اختك شكلها مش طبيعيى 
شهد عشان شرين بتحب هشام بس غاويه تتعب نفسها
شريفه بعد اللى عمله
شهد ماما متظلمهوش هشام بيحبها بجد واتغير وهو معانا ومشوفناش منه حاجه وحشه بجد هو صعبان عليه اوى 
شريفه واختك مش صعبانه عليكى 
شهد بزعل صعبانه عليه برده ........ ربنا يهديهم لبعض .......انا هنزل بقى سلام 
فات شهر وحالة شرين بتسوء مش بتكلم حد على طول فى اوضتها وبتلعب بالسلسله اللى فى رقبتها وبتفكر فى هشام وتفتكر كلام نرمين ټعيط 
هشام برده حالته النفسيه وحشه بس بيروح شغله وبيضيع وقت كبير فيه ورفض يروح عند باباه وفضل قاعد فى شقته وكان بينام فى الاوضه بتاع شرين عشان ريحتها فيها وكان دايما بيصلى وبيدعى لشرين فى كل صلاه
وكان على طول بيتصل بشهد وشريفه وبيعرف اخبار شرين بس من غير ما تعرف حاجه
......................................................................................
فى يوم شهد كانت فى كليتها وقاعده فالكافتريا حزينه اوى لوحدها
........ سرحانه فايه 
شهد وهى مبرقه احمد ....... انتى جيت امتى 
احمد لسه واصل من ساعه ..........انا نازل عشان نتجوز 
شهد بحزن معدشى ينفع
احمد ليه بتقولى كده
شهد انت معرفتش اللى حصل 
احمد للاسف عرفت وزعلت اوى بابا كلمنى وحكالى على حالة هشام 
شهد وشرين كمان حالتها وحشه اوى 
احمد عشان كده احنا لازم نتجوز
شهد ايه الجنان ده .......... احنا فاايه ولا فى ايه .
احمد احنا لازم نربط العيلتين ببعض عشان نقرب المسافه ......صدقينى ده مصلحه ليهم ولينا كمان اكيد
شهد تفتكر ماما وشرين هيوافقو بعد اللى حصل 
احمد بلاش مقاطعه ........احنا نحاول ونشوف هيحصل ايه 
شهد اوكى لما نشوف
.........................................................................................
شهد روحت دخلت على شرين وهى فرحانه 
شهد شيرى حبيبتى عندى ليكى خبر حلو اوى 
شرين بجد قولى نفسى افرح بقى 
شهد انا جايلى عريس 
شرين بجد .... مبروك يا شهد ربنا يسعدك ....بس مين ده بقى اللى امه داعيه عليه 
شهد داعيه عليه قصدك دعياله .........العريس يا ستى يبقى احمد
شرين باستغراب احمد مين 
شهد بارتباك احمد اخو هشام 
شرين اول لما سمعت اسم هشام سكتت شويه لأ يا شهد
شهد لأ ليه ........ احنا بنحب بعض 
شرين مفيش حاجه اسمها حب ......... انا قولت خلاص لأ يعنى لأ 
وقامت شرين وسابت شهد ودخلت اوضتها 
لقت تليفونها بيرن مسكته لقت اسم هشام على التليفون
شرين وقلبها بيدق جامد وصوتها متحاش السلام عليكم
هشام وعليكم السلام .............وحشتينى 
شرين ساكته مش بترد
هشام بحزن انا بكلمك عشان موضوع احمد وشهد .......بصى يا شرين انا ظلمتك زمان فبلاش تخلينى ابقى سبب فى ظلم احمد وشهد كمان احمد وشهد فعلا بيحبو بعض وانتى عارفه احمد كويس بجد راجل وهيحافظ على شهد هو مش زيى مقدرتش احافظ عليكى ........عشان خاطرى ده لو عندى ليكى خاطرى او عشره زى مقولتى بلاش ترفضى بسببى ......ولو رفضك ده عشان انتى خاېفه تشوفينى انا بوعدك انى هنفذ طلبك انك متشفونيش تانى 
هشام سكت شويه انا هسافر دبى بدل احمد وامسك المكتب هناك عشان مضايقكيش اكتر من كده ........بس بعد اذنك تسمحيلى بس احضر الفرح وصدقينى مش هضايقك ..........وانا بحد بتمنالك السعاده ......مع السلامه 
شرين ساكته ودموعها بتنزل من غير صوت ولما خلص هشام مع السلامه وقفلت التليفون واڼهارت جامد فالعياط
.........................................................................................
هشام سافر واحمد خطب شهد والفرح بعد شهر وكان الكل مشغول وقبل الفرح باسبوع شرين كانت قاعده فى اوضتها مع ليلى 
ليلى انتى عجبك شكلك ده
شرين بتحدى ماله شكلى
ليلى انت خسيتى يابنتى النص وعينك بقت سوداء من كتر العياط وقلة النوم .........ليه بتعملى كده فى نفسك ........انتى بتحبيه اعترفى بقى وبلاش تظلمى نفسك كده
شرين بعياط اه بحبه ارتحتو كده .......بحبه اوى كمان وواحشنى اوى نفسى اشوفه ونفسى اتكلم معاه زى الاول.......نفسى احس بالامان وهو جانبى اهتم بيه واهتم بحاجاته واحضرله الاكل ..............حتى خڼاقه معايا وحشنى ...... انا تعبانه اوى يا ليلى 
ليلى وهى بتحضنها طب ليه عملتى كده ليه مكملتيش وسمعتيه 
شرين حكت لليلى كلام نرمين ليها ومقبلتها لهشام
ليلى تانى نرمين يا شرين ...........متسمعيش ليها هى اكيد بتقول كده عشان تضايقك.......... انتى مش عرفاها........ وبعدين لو كلامها صح متجوزوش ليه وهشام سافر ليه
شرين مش عارفه بس انا وقتها كنت مضايقه اوى .........كنت بحاول اقنع نفسى انى مش بحبه