قصة ورقة جواز عرفي للكتابة سكوبي دوو

طب ليه
هشام الفرح فيه شباب كتير وانا هخاف عليكى 
شرين بكسوف خضتنى والله .........يلا بقى بلاش غلاسه 
ومشو ركبو العربيه مع بعض 
فى القاعه الكل كان فرحان ومبسوط وشرين وهشام كانو واقفين طبعا مع كريم وليلى على البيست 
وفجأه الموسيقى سكتت واشتغلت اغنية للعروسين علشان يرقصوا 
ليلى وكريم بدؤ يرقصو سلو 
وشرين لسه بتنزل من على البيست لقت ايد بتشدها ليه 
شرين باستغراب انت بتعمل ايه
هشام ارقصى معايا 
شرين وهى بتحاول تمشى لا مش عاوزه
هشام على فكره الناس بتبص علينا وماما وشهد كمان عاوزاهم يخدو بالهم اننا متضايقين
شرين بصت على مامتها لاقتها فعلا بتبص عليهم وهى مبسوطه
هشام يلا بقى الناس بتبص علينا
شرين وقفت وحطت إيدها حوالين راقبته كانت حاسه ان قلبها هيوقف من كتر الدق وحاسه إنها مكسوفه أوى وبتحاول تهرب بعنيها بعيد عن هشام 
هشام تعرفى ان شكلك حلو من قريب كده
شرين بصت فى الارض ووشها جاب ألوان الطيف
هشام بابتسامه بس شكلك وانتى مكسوف احلى 
شرين بارتباك هشام لو مبطلتش هسيبك وامشى 
هشام طب تعرفى ان النهارده عيد ميلادى .....هتبخلى عليا ترقصى معايا بنفسك كهدية عيد ميلادى 
شرين بصتله بجد النهارده عيد ميلادك 
هشام آه أنا كنت ناسى كريم هو اللى لسه قايلى 
شرين وهى بتبصله وحاسه ان كل جسمها بيرتعش كل سنه وانت طيب
هشام وانتى طيبه يا أحلى شرين فالدنيا 
وسكتو هم الاتنين واكتفو بانهم بيبصو لبعض وشويه وخلصت الاغنيه
وكانو زعلانين أوى انها خلصت
....................................................................................
عدى كام شهر كمان ومفيش جديد
شهد كانت قاعده فى كليتها مع اصحابها وبتضحك معاهم زى العاده
هدى ايه دى يا بنات مين الولد الامور اللى جاى علينا كده
شهد وهى بتضحك فين ده اصل انا عارفه زوقك فالاخر هيطلع بواب 
هدى بواب ايه ........ بصى كده
شهد وهى بتبص الناحيه اللى بتبص ليها هدى 
شهد باستغراب احمد!!!
هدى ايه ده انتى تعرفيه ...........طب متعرفينى عليه
شهد بضيق احترمى نفسك يا بت 
شهد قامت ومشت فى اتجاه احمد وهى مستغربه وقلقانه
شهد بقلق احمد فى ايه حصل حاجه
احمد بابتسامه انا الحمد لله تمام .......ايه يا بنتى مش فى حاجه اسمها ازيك اخبارك ايه ومفيش مانع من وحشتنى 
شهد بكسوف احنا جاين نهزر بقى......هتوحشنى ليه يعنى 
احمد انا عن نفسى انتى وحشتينى اوى 
شهد انت طبيعى فى ايه مالك انت شارب حاجه
احمد طب ينفع نقعد شويه ..........عاوزك فى موضوع مهم
شهد واحمد قاعدو على اول تربيزه
شهد ها بقى اتكلم فيه ايه 
احمد فى انى بحبك وعاوز اتجوزك
شهد پصدمه انت مچنون مش كده
احمد اه مچنون بيكى .....انتى اكتر واحده علمتينى الجنان وجننتينى ....اتحملى المسؤليه بقى 
شهد مسؤلية ايه انا معملتش حاجه 
احمد بيبص فى ساعته بصى نتكلم جد بقى عشان عندى ميعاد مهم
شهد بزعل يعنى انت كل ده بتهزر ..........وميعاد مع مين ان شاء الله
احمد وهو بيضحك شوفتى مين بقى المچنون ........انتى بتغيرى عليا .......طب ليه بتحبينى مثلا وزعلتى ليه بتموتى فيه مثلا 
شهد بابتسامه والله مچنون .........اتكلم بقى 
احمد بصى يا شهد انا بجد بحبك ومن زمان بس مكنتش عاوز اقولك غير لما اتقدملك رسمى احتراما لشرين وهشام بس المشكله واللى خلانى اجيلك انهارده انى مسافر دبى بكره 
شهد بخضه ايه مسافر هتقعد قد ايه
احمد بزعل كتير .........بابا بيفتح مكتب هناك وعاوزنى اكون مسؤل عنه.......انا جيت النهارده عشان اعترفلك بمشاعرى واعرف انتى كمان عاوزانى ولا لأ 
شهد ساكته وهى زعلانه
احمد ها يا شهد هتستنينى 
شهد اه يا احمد هستناك لو حتى 100 سنه
احمد اوبااا يعنى بتحبينى مش كده
شهد لا هستناك عشان اقټلك امشى يا احمد من هنا
احمد طب قوليها بقى متبقيش غلسه
شهد بكسوف لا.....يلا بقى سافر وارجعلى بسرعه
احمد وانا بمۏت فيك ربنا يخليكى ليا 
شهد كفاية بقىعيب.....بس احنا مش هنقول لحد
احمد لأ انا هقول لهشام .....بس بلاش شرين وطنط دلوقتى لحد ما آجى واخطبك رسمى 
شهد اوكى
..........................................................................................
وفعلا احمد كلم هشام وقاله كل حاجه وكان فرحان اوى عشانهم 
هشام اعمل حسابك .........أنا اللى مسؤل عن شهد لو زعلتها أو كنت بتلعب بيها ھقتلك
أحمد هتقتل اخوك حبيبك
هشام فى الموضوع ده مفهوش أخويا .........شهد دى أختى الصغيره وأى حد يأذيها مقولكشى ممكن اعمل فيه ايه
احمد ما تخافشى يا اتش انا راجل وهحافظ عليها وبحبها بجد 
هشام ربنا يسعدكم يارب 
أحمد ويسعدك يا احلى اخ فالدنيا 
ويسافر احمد وتعدى الايام ومفيش أى اتصال من أحمد لشهد
وفى يوم 
شهد قاعده زعلانه وقلقانه على أحمد
لقت موبايلها بيرن
شهد السلام عليكم ..........اهلا يا هشام ......... لسه معرفتش تكلمه
هشام لا كلمته النهارده من الشركه هو اتصل عشان كل الارقام ضاعت منه واديته رقمك وهيكلمك باليل
شهد بفرحه بجد
هشام بابتسامه ايوه بجد 
شهد بص بقى عشان الواجب ده انا لازم اعمل معاك الصح
هشام هتعملى ايه يعنى يالمضه
شهد هقولك على حاجه تخص شرين 
هشام اول لما سمع اسم شرين قلبه دق ها قولى 
ونكمل الحلقه اللى جايه
قصة ورقة جواز عرفي
الحلقة السادسة عشرة
شهد قاعده زعلانه وقلقانه على احمد
لقت موبايلها بيرن
شهد السلام عليكم ..........اهلا يا هشام ......... لسه معرفتش تكلمه
هشام لا كلمته انهارده من الشركه هو اتصل عشان كل الارقام ضاعت منه واديته رقمك وهيكلمك بليل
شهد بفرحه بجد
هشام بابتسامه ايوه بجد 
شهد بص بقى عشان الواجب ده انا لازم اعمل معاك الصح
هشام هتعملى ايه يعنى يالمضه
شهد هقولك على حاجه تخص شرين 
هشام اول لما سمع اسم شرين قلبه دق ها قولى 
شهد عيد ميلاد شرين كمان يومين ....كنت عارف ولا لأ
هشام لأ
شهد طب اشكرنى بقى 
هشام هههههههههه متشكر ياستى ........طب هتساعدينى 
شهد معاك يا معلمى 
هشام والله انتى لسعه ..........هو احنا عصابه
شهد اه ريا وسکينه ..........يلا قول بقى 
هشام طب اسمعى بقى هتعملى ايه .............
.........................................................................................
يوم عيد ميلاد شرين
هشام وشرين كانو مروحين زى العاده 
شرين انت رايح فين ده مش طريق البيت 
هشام هنروح مشوار 
شرين مشوار ايه انا تعبانه وعاوزه اروح اكل وانام
هشام مش هنتاخر هقابل واحد صاحبى فى كافيه هنا ونروح على طول
شرين اوكى 
شويه ووصل هشام ونزل من العربيه وشرين لسه مكانها 
هشام ايه مش هتنزلى 
شرين انا انزل ليه ........ مش بتقول صاحبك
هشام انزل اقعدى معانا واجبلك نسكافيه
شرين اوكى 
نزلت شرين ودخلت معاه لقت الكافيه فاضى ومليان زينه وبلالين 
ولسه هتتكلم لقت الدنيا ضلمت 
شرين هشام ...........هشام
شرين لقت شهد ومامتها وليلى وكريم وهشام وماسكين تورته وبيغنو 
Habby birthday to you 
شرين بصتلهم وكانت فرحانه اوى هشام كان حاجز الكافيه كله عشان شرين وكلهم قعدو يضحكو يهزرو ويدو لشرين الهدايا 
وشويه وقام هشام من مكانه وراح العربيه جاب منها علبه صغيره وقرب من شرين 
هشام كل سنه وانتى طيبه
شرين وانت طيب يا هشام 
هشام اتفضلى ....افتحيها 
شرين فتحت العلبه لقت سلسله فضه فيها لعبه على شكل فراشه 
شرين بابتسامه حلو اوى بجد
هشام انا كان نفسى اجبلك حاجه اغلى من كده .......بس شهد قالتلى انك بتحبى الفضه
شرين بجد حلو اوى ودى اغلى هديه 
هشام ممكن البسهالك 
شرين هزت راسها بالموافقه 
شرين شكرا اوى يا هشام ربنا يخليك
هشام ربنا يخليكى ليا 
شرين ملامحها اتغيرت من الفرحه وبان عليها انها اضايقت
وحاولت تهرب من هشام وتنشغل مع الباقى لحد ما خلص عيد الميلاد
..........................................................................................
بعد كام يوم 
شرين كانت حاسه بالضيق ومش عارفه تنام وطلعت تقف فالبلكونه شويه 
شويه وخرج هشام هو كمان بس شرين كانت سرحانه