أنين الكاتبة رحمه محمد

وقال هتعرفوا.. 
شاديه وحسين وانين بصوا باءستغراب.. 
امجد راح عند الميك وسط استغراب الجميع.. بس كلهم انتبهوا ليه وهو بيكلم 
امجد مساء الخير.. انا حابب اهنيكوا واقولكم الف مبروك علي التخرج.. يااحلي دكاتره.. وحابب اهني اختي وبنتي انين اي نعم هي أكبر مني بستنين بس انا بتعامل معاها علي انها بنتي مش اختي.. الف مبروك ياانين انا فخور بيكي قوي ومبسوط ان ليا اخت زيك.. 
انين ابتسمت ليه وبعتتله قبله علي الهوا.. 
امجد انا مش هطول عليكم.. بس حابب انهي كلامي بحاجه هي مهمه بالنسبالي وده وقته اني اقولها.. وساب الميك وقرب من تالين الي كانت واقفه  مستغربه وحاله صمت رهيب والكل منتظر.. 
امجد قاعد علي ركبتيه وفتح علبه خاتم وقال تالين.. انا بقولها قدام كل الناس.. بحبك.. تتجوزيني 
تالين رمشت كذا مره ومش مصدقه الي سمعته.. وانين وشاديه وحسين فرحانين وبيتمنوا انها توافق والكل فرحان.. 
امجد كان خاېف من رد فعلها وانها تحرجه قدام الناس والكل كان منتظر ردها.. 
تالين دموعها نزلت تلقائيا وقالت موافقه 
امجد بقي مذهول وفرحان في نفس الوقت مش مصدق انها وفقت ولبسها الخاتم ومسح دموعها وشالها ولف بيها.. والكل سقف ليهم.. والكل كان فرحان قوي.. 
بتعدي الايام وامجد حبه بيزيد.. وتالين اعترفت لامجد بحبها وهو كان طاير من الفرحه. وقال لاحسين انه واخد اجازه وعاوز يخطب تالين قبل مايسافر.. وحسين كان مبسوط ووافق وشاديه وانين وعملوا الخطوبه علي السريع والاتنين كانوا طايرانين من الفرحه .. بس جيه يوم وغير كل الموازين دي.
حسين كان بيكلم مع فارس وبيقول... 
حسين انا كنت خاېف توقع قدامها بالكلام ومتقولش الي اتفقنا عليه
فلاش بااك 
حسين وايه هو بقي الموضوع المهم 
فارس انا جاي علشان اقولها علي حكايه اخوها 
حسين جاي ايه 
فارس في ايه يافندم 
حسين هو انت مين سمحلك اصلا انك تقولها من نفسك.. 
فارس يافندم اهدا.. كده هتسمعنا 
حسين اهدا ايه وزفت ايه..
فارس يافندم اهدا واسمعني لو سمحت 
حسين اتنهد  هديت اتفضل 
فارس انا مكنتش هقولها علي الحقيقه 
حسين امال كنت هتقولها ايه
فارس كنت هكدب عليها.. واقولها اخوكي وهو راجع من السفر الطياره وقعت بيه وماټ 
حسين كنت هتقولها كده بجد 
فارس ايوه يافندم 
حسين طمنتيني 
فارس هي فين بقي 
حسين هقول لانين تنادهلها حالا 
نرجع للواقع... 
حسين لا برافو عليك يافارس .. انك مقولتش ليها الحقيقه.. اه اصل هي لو عرفت هتزعل اوي وهتسبنا وتمشي
تالين كانت معديه من جمب اوضه المكتب سمعت حسين وهو بيكلم بصوت عالي نسبيا وبيقول الكلام ده وحست انه عليها فا وقفت تسمع 
حسين   لالا مش هخليها تعرف دلوقتي بحكايه اخوها.. انه ماټ مقتول 
تالين كانت بتسمع وهي مصدومه  وحاطه ايديها علي بوقها والدموع بداءت تنزل من عنيها يعني ايه .. يعني اخويا مامتش بسبب الطياره وقعت زي مافارس قال يعني كل ده كان كدب
شالت ايديها من علي بوقها ومسحت دموعها وفتحت الباب
حسين بلع ريقه بتوتر وقفل التليفون وقال تالين.. انتي
تالين قربت منه والدموع نازله من عنيها وقالت الكلام الي انا سمعته ده بجد
حسين ك ك كلام ايه.. وسمعتي ايه.. وبعدين تعالي هنا انتي ازاي تسنطي عليا
تالين بدموع  رد عليا.. الكلام الي سمعته ده صحيح.. رامي اخويا ماټ مقتول..
حسين بحزن ايوه صحيح..اخوكي.. اخوكي ماټ مقتول فعلا
تالين بټعيط جامد وانت كنت عارف 
حسين ايوه 
تالين ومخبين عني كل الفتره دي 
حسين مكنتش عايزه اقولك ولا اعرفك ساعتها.. لانك صغيره وانا خاېف عليكي 
تالين خاېف عليا! 
حسين ايوه خاېف عليكي.. لأنك زي بنتي.. كنت خاېف لما تعرفي تعملي في نفسك حاجه ولا كنتي هتروحي فين.. وانا عارف انك ملكيش حد.. علشان كده
تالين بدموع وبصوت عالي علشان كده اخترعت كدبه جديده.. وقولت اخوكي مسافر.. وكاتب في الجواب الي سيبهولك.. اني اخدك وتقعدي معنا.. مش كده 
صوت تالين خلي كل الي في الڤيلا يصحي
شاديه في ايه صوتكم عالي ليه.. في ايه ياحسين 
حسين مفيش حاجه ياشاديه اطلعي نامي 
انين بصوت فيه نوم في ايه ياجماعه.. ايه الصوت العالي ده
امجد صباح الخير.. مين پيتخانق 
وبصوا كلهم لقوا تالين واقفه قدام حسين وعلي وشها علامات ڠضب وبتعيط جامد 
شاديه بقلق في ايه مالك ياتالين يابنتي
تالين زقتها وقالت بهستريا اوعي انا مش بنتك.. سامعه انا معرفكوش اصلا.. انتوا مش اهلي.. انتوا مش بتحبوني.. ايوه صح.. انتوا مش بتحبوني..
شاديه مصدومه الي انتي بتقوليه ده ياتالين.. 
تالين لو كنتوا بتحبوني صحيح.. مكنتوش خبيته عليا مۏت اخويا كل الفتره دي.. انتوا اييه.. معنتكوش قلب.. وأكملت بدموع بتنزل بغزاره انتوا ازاي تخبوا علي واحده ان اخوها ماټ طول الفتره دي.. ازاي مفهمني انه كل ده مسافر.. ازاي.. ازززاي حرام عليكم.. حرام عليكم بجد.. اخويا يبقي مايت.. وانا معرفش.. وعاملين حجه انكم خايفين عليا.. انتوا لو كنتوا قولتلولي من الاول.. يمكن كنت اعرف انكم بتحبوني وقلبكم عليا.. انما دلوقتي خلاص انا عرفت كل حاجه.. والمستخبي بان.. أما بالنسبه ليا فنا معتش ليا مكان في البيت ده 
وسابتهم ومشت وسط صدمه شاديه وڠضب حسين وحزن امجد وصډمته وقلبه وجعه لما شاف دموعها اما انين عيطت علي عياطها ومسبتهاش وراحت وراها.. 
تالين اوعي سيبيني ياانين
انين لا مش هسيبك تمشي
تالين اوعي ياانين بقولك
انين مش هسيبك ياتالين.. تمشي.. مينفعش تمشي وتسبينا
تالين وانا مينفعش افضل مع ناس كدبوا عليا وخدعوني المده دي كلها وخبوا عليا ان اخويا ماټ.. اوعي
واخدت شنطتها ونزلت وانين مش سيبها ماشيه وراها تترجها ماتمشيش 
حسين رايحه فين ياتالين 
تالين ماشيه 
حسين ماشيه رايحه فين 
تالين محدش ليه دعوه بيا ونزلت من علي السلم وهي شايله شنطتها وخرجت تحت دموع شاديه عليها لأنها اتعلقت بيها وحبتها زي انين وامجد وڠضب حسين وزعله 
انين بابا.. انت هتسبها تمشي.. الحقها يابابا 
برا عن تالين 
تالين ماشيه وواخده شنطتها امجد لحقها بسرعه 
امجد تالين استني ارجوكي 
تالين ابعد عني وسبني 
امجد لا مش هسيبك. 
تالين ابعد عني بقي حرام عليكوا انتوا عايزين مني ايه 
امجد طب استني علشان خاطري.. مينفعش تمشي 
تالين بعصبيه ملكش دعوه.. محدش ليه دعوه بيا 
كانت هتمشي بس امجد مسك ايديها وقالها لا طبعا ليا دعوه انتي ناسيه اني خطيبك
تالين نفضت ايده وقالت بدموع انت مش خطيبي .. وادي دبلتك اهي 
قالت كلامتها ومشت وسابته ماسك الدبله ومصډوم 
في المقاپر... 
تالين قعده علي ركبتها قدام قبر اخوها وبتعيط كده يارامي.. تمشي وتسبني وانت عارف اني مليش غيرك.. ليه يارب خده مني.. لييييه.. طب انا اعيش من غيرك ازاي.. لييه مشيت ليييه انت مش عارف اني روحي فيك.. انت مشيت وخد قلبي وروحي معاك.. ارجعلي يارامي.. انا محتجاك اوي.. انا مليش غيرك يارامي.. سبتني لمين.. انا تايهه من غيرك.. وحيده مليش حد من بعدك.. رامي انت اكيد سمعني دلوقتي.. انا بحبك اوي.. ربنا يرحمك ياحبيبي 
كانت بټعيط بهستريا ومش مصدقه ان خلاص اخوها ماټ وبقت وحيده 
لقيت ايد بطبطب عليها بحنيه بصت لقتها شاديه ومش لوحدها ومعاها حسين وامجد وانين 
تالين انتوا ايه الي جابكوا هنا.. 
شاديه جايين نقراء شاديه  الفاتحه لرامي وناخدك معنا 
تالين ومين قالكم اني هوافق 
حسين مهو اسمعي بقي.. انا سبتك تمشي علشان انتي كنتي في ظروف ربنا عالم بيها ومكنتش عارف اكلم معاكي.. لكن متحلميش اني ممكن