أنين الفصل الثالث

بالنسبه لناديه خلفت ولد وسميته وليد كانوا مستغربين من الاسم بس قاله وماله اسم جديد بالنسبالهم وشاكر طبعا كان طاير من الفرحه بيه وفوزيه وكلهم كانوا فرحانين وبقت ناديه فرخه بكشك عند شاكر وفوزيه ماهي جابت الواد الي كان نفسه فيه. 
في يوم شاديه كانت قاعده علي السفره هي ومامتها وحاطه علي رجليها انين وبتاكلها 
عينيات قررت انها تكلم في موضوع حسين ابن عمها انه يتجوزها علشان يبقي معها راجل يحميها هي وبنتها بس شاديه قالتلها انا مش بفكر اعيد التجربه تاني ياماما هي كانت مره وخلاص وعرفت اني كنت غلطانه في المره دي واتنهدت بس معلش الانسان بيتعلم من غلطاته وانا خلاص قررت انسي الماضي واقفل اي ذاكره تفكرني بيه وافوق لبنتي وشغلي دول اهم حاجه ممكن افكر فيها 
عينيات قفلت الموضوع وقاموا من علي الاكل بعد ماخلصوا وشاديه خدت انين تذاكيرلها شويه ومامتها دخلت تنام شويه وهي قاعده بتذاكر لانين لقت الباب بيخبط قالت لانين اكتبي دي عما اجيلك 
وراحت فتحت الباب ولقت حسين ابن عمها قالتله تعالي ياحسين 
انين اول ماشافيته جريت عليه وحضنته عمو حثين وحثتني
حسين شالها وباسها وانتي كمان ياقلب عمو حسين.. عارفه ان جايب ليكي ايه
انين ببراءه سوكلاته الي بحبها 
حسين ضحك وباسها من خدها واعطاها الشوكلاته احلي شوكلاته لاحلي انين 
انين باسته ببراءه وحضنته انا بحبك اوي ياعمو حثين 
حسين وانا بمۏت فيكي ياقلب عمو حسين 
شاديه وقفه بعيد ومربعه ايديها وكان علي وشها ابتسامه من الي شافته ان بنتها بتحب حسين ومتعلقه بيه وهو بيحبها جدا زي بنته وكان نفسها يبقي مكانه شاكر سرحت شويه بس فاقت علي صوت حسين وهو بيقول ايه ام انين مفيش شاي كده من ايدك الحلوه ولا ايه
شاديه حاضر من عنيا 
حسين نزل انين وقعد معها علي السفره وقالها ها بتعملي ايه بقي اساعدك فيه 
عند شاديه كانت سرحانه وبتفكر في كلام امها ليها وانها تشاور عقلها في موضوع الجواز من حسين بس رجعت ونفضت الكلام ده من دماغها وقالت في نفسها لا انا مش هغير رأي انا مش هعيد التجربه تاني انا هعيش لبنتي وبس وبعد شويه عملت الشاي وجابته لحسين وقعدوا يشربوا الشاي وسالها علي مامتها فين قالتله نايمه وبعد ماخلصوا الشاي وقعدوا مع بعض شويه لقوا انين نامت شاديه شالتها ودخلتها الاوضه وحسين مشي  وهي راحت نامت جمب بنتها 
في يوم انين قررت انها تسال جدتها عن باباها قالتلها الحقيقه وكان حسين معاها اما شاديه مكنتش تعرف ان انين عارفه الحقيقه بس قررت انها تخبي علي مامتها 
وعينيات لما لقت انين متعلقه بحسين قالتلها مينفعش كده ياشاديه لازم تجوزي حسين علشان كلام الناس مينفعش يقعد داخل خارج عليكوا من غير مايكون في حاجه رسمي 
شاديه كانت رافضه تعيد التجربه تاني بس وافقت لما لقت ان انين بنتها متعلقه بحسين 
واتجوزه وانين كان عندها ٥ سنين 
عدت سنين  وانين كبرت وعينيات ماټت وانين كان عندها ١٠ سنين وبالنسبه لانين بقت متعلقه اوي بحسين كأنه باباها وشاديه ملاحظه ده وفرحانه ان بنتها لقت حد يعوضها عن باباها وحنان الاب الي اتحرمت منه وحسين طول الوقت معها من وهي صغيره لحد ماكبرت ماسبهاش وكمان شاديه بتروح شغلها وهو بيفضل مع انين بيذاكرلها ولو تعبانه يجري بيها عند الدكتور وياكلها ويشربها ويسال عليها ويجبلها لعب كتير وكان طيب اوي وحنين معها ومازال ومعوضها عن الأب حرفيا وقالها تقوله بابا وهي قالتله بابا لأنها حاسه معاه فعلا بالابوه الي اتحرمت منها من باباها الحقيقي وهي دلوقتي بقي عندها ١٨ سنه في ثالثه ثانوي 
انين پخوف وهي بتذاكر مع حسين انا خاېفه اوي يابابا 
حسين مسك ايديها وقالها ماتخفيش ياقلب بابا.. انتي شاطره ياانين ومش عايزك تخافي انا معاكي يلا ركزي كده وسمي الله 
انين حاضر وسمت الله وبدءوا يذاكروا سوا 
وشاديه جابتلهم شاي وبسكوت وخشت جوه تقراء قرآن وبعد شويه شاديه حضرت العشا واتعشوا سوا كلهم ومشي حسين وانين خشت تنام مع مامتها في الاوضه بس بتحاول تنام مش عارفه عندها توتر وخوف ومامتها كانت نايمه وحست بيها قامت وقالت مانتمتيش ليه ياانين 
انين پخوف مش جايلي نوم ياماما.. خاېفه