بسمة الصعيد بقلم إسراء ابراهيم كامله
انت في الصفحة 1 من 9 صفحات
بسمة الصعيد
البارت الاول
بقلمي اسراء ابراهيم
كيف يعني تچوز فتون بت عمي لسالم اخوي وانا اللي طلبتها يا ابوي
قال صالح الكلام ده بعصبية وهو مش متخيل ازاي جده يعمل فيه كدة ويخلي اخوه يتجوز الانسانة الوحيدة اللي حبها وكان رد عبدالقادر صاډم بالنسباله لما بصله پغضب وهو بيتكلم
هو اكده يا صالح سالم اخوك الكبير وهو اولي ببت عمك فتون وانت اني هختارلك بنتة زينة متجلجش
لا يا چدي انت طلبت فتون لسالم اخوي عشان هو ابن ولدك وبت اخوك لكن اني ابجي ابن مرته المصراوية اللي اتچوزها ڠصب عنك مع اني اتربيت اهنه وياك ودايما كنت في طوعك لكن انت دايما كنت بتفرج بيني وبين سالم وعشان اكده خليته يكرهني وربيت العداوة بيناتنا
اخرررس
قالها عبد القادر وهو بيقف بعصبية وشاور لصالح وكمل بقسۏة
ابتسم صالح بسخرية وقال لجده بكره
كويس انك فاكر اني لسة ابن مسعود ولدك يا چدي اني دايما كنت تحت طوعك وعمري ما فكرت اجف جصادك بس انت اللي اضطرتني دلوك لكده
قعد تاني عبد القادر وبص لصالح بتحدي وهو بيقؤل
اني خلاص قررت ان سالم اخوك هو اللي هيتچوز فتون بت عمك وهو ده اللي هيحصل
واني من انهاردة معدتش ليا مكان اهنه وخليك فاكر يا چدي ان اني اللي كنت شايل كل حاچة علي كتافي وعمري ما اشتكيت دلوك بجي اني ههمل كل حاچة وامشي وبكرة تترچاني ارچع عشان اصلح اللي هيخربه ولدك ووجتها اني اللي هجولك لا يا چدي
قال صالح كلامه وطلع علي اوضته فوق وعبد القادر كان متابع صالح بقلق لانه عارف ان هو اللي كان شايل كل حاجة علي كتافه بس كرهه لصالح خلاه ميعرفش يفكر خصوصا لما طلب يتجوز فتون بنت عمه ده خلي الڼار قادت في قلب عبد القادر لانه افتكر ان كدة صالح هيبقي هو كبير العيلة من بعده مش سالم
الا بجولك ايه يا سالم اخوك صالح اني سمعت اكده انه يعني مش اخوك لزم حجيجي الحديت ده
كشړ سالم اول ما جت سيرة صالح ورد بضيق
متجبليش سيرة الواد ده احسن نفسي بيضيج ثم ده مش اخويا ده ابن الست اللي ابوي اتچوزها علي امي ويلا بجي كفاية اكده كل واحد يروح يشوف مصالحه واني هعاود الدار
كيفك يا چدي
بص عبد القادر لسالم پغضب وقاله بضيق
اهلا يا ولدي بجي مش مسكوف من حالك وانت قاعد لحد دلوك برة الدار هتفضل لحد مېتي اكده ايه مش مسئول منك حد ولا فارق معاك حاچة
خير يا چدي هتكسف من حالي ليه ان شاء الله اني كنت جاعد مع صحابي عالجهوة
خبط عبد القادر بعصايته عالارض وبص لسالم وقال بعصبية
صحابك ايه يا خايب انت افهم يا سالم بجي انا رايدك تاخد بالك من الشغل زين مش رايدك تشمت صالح فينا يا سالم
اتنهد سالم بضيق وحاول يتكلم مع جده في موضوع فتون
بصراحة يا چدي اني كنت رايد اتحدت معاك في موضوع اكده
عبد القادر كان فاهم سالم عايز ايه بس حب يسمع منه فبصله بغموض وقاله
اتحدت يا ولدي رايد تجول ايه
سالم بتنهيدة كلها ضيق
اني مرايدش اتچوز فتون بت عمي يا چدي مجدرش اتچوزها واني خابر ان صالح اخوي عاشجها وكان رايدها مجدرش يا چدي
ضحك عبد القادر بسخرية وقال بخبث وهو بيرجع بضهره عالكرسي
خلاص عاد هملها لصالح يتچوزها ويبجي هو الكبير من بعدي وانت حيالله شغال تحت يده
كشړ سالم بضيق وهو بيقؤم وبيقؤل بحدة
كيف يعني يبجي الكبير وايه علاقة چوازي من فتون بت عمي بالشغل والارض
عبد القادر قام بتعب من عالكرسي وقرب من سالم واتكلم بقصد
ماهو صالح اللي ماسك الشغل كله وخابر كل حاچة عنه ولما يتچوز فتون بت عمك وجتها عمك هيعامله كانه كبير البلد لانه هيبجي شايل شغل عمك وشغل ابوك يعني اتمكن من كل حاچة
سالم قبض علي ايده پغضب وهو بيقول بهمس
واني علي چثتي ان ده يحصل يا چدي
في نفس الوقت كان واقف صالح عالسلم من فوق وسمع كل الكلام اللي دار
بين جده اخوه وعرف انه خلاص مبقاش ليه مكان في بيت جده بعد انهاردة وغمض عينيه بحزن واتنهد بحيرة وبعدين دخل اوضته وهو مقرر يمشي اول ماالنهار يطلع
كانت واقفة نسرين قدام باب الڤيلا وكل شوية تبص في ساعتها بقلق وبعد حوالي نص ساعة شافت عربية بنتها بسمة دخلت الڤيلا فاتنهدت براحة وبعدين اتبدلت ملامحها للڠضب واول ما بنتها نزلت من العربية وقربت عليها ولسة هتتكلم زعقت فيها نسرين پغضب
بقي في بنت محترمة تقعد لحد نص الليل في الشارع
قلبت بسمة عنيها بملل وبعدين قالت بزهق
مامي انتي مش بتزهقي بقي من الاسطوانة دي وبعدين انا كنت فين يعني ده انا كنت مع صحابي سهرانة شوية
مسكت نسرين ايد بسمة پغضب وشدتها علي جوة وقفلت الباب ورجعت سابت ايديها پغضب وهيا بتقؤلها پغضب
والنبي مش مكسوفة من نفسك وانتي بتقوليلي سهرانة مع صحابي هو في كدة وبعدين ايه اللبس اللي انتي لبساه ده في بنت محترمه تلبس قصير وضيق كدة دي قلة ادب
بسمة اضايقت من كلام نسرين امها فزعقت وعلت صوتها وهي بتقؤلها پغضب
كفايا بقي يا مامي قولتلك اني كنت مع صحابي وانا مش صغيرة عشان تعرفيني البس ايه وملبسش ايه انتي فاهمة لو سمحتي سبيني علي راحتي طالما مش بعمل حاجة غلط ولعلمك انا مش هتغير انتي فاهمة
نسرين اتكلمت بعصبية وهي بتمسك ايد بسمة بحدة
هي دي تربيتي ليكي بتعلي صوتك عليا لو كان باباكي عايش تفتكري كنتي عملتي كدة
شدت بسمة ايديها پغضب من ايد امها وهي بتقول ببرود
فعلا عندك حق بس لو كان عايش كانت حجات كتير هتفرق يا مامي فاعتقد دلوقتي مفيش غيري انا وانتي ومتنسيش انك دايما كنتي بتقوليلي لازمن تتغيري يا بسمة لازمن تبطلي تبقي تبقي ساذجة يا بسمة لازم متبقيش ضعيفة عشان الناس متجيش عليكي واديني اتغيرت فياريت كل واحدة فينا تعيش زي ماتحب وياريت منتدخلش في حياة بعض
بعد اذنك
طلعت بسمة علي اوضتها بعد ما قالت اللي قالته ووقتها رمت نسرين نفسها باهمال عالكنبة وحطت ايديها علي راسها وهيا بتقول بحيرة
انا لازم اتصرف يا بسمة قبل ما تضيعي مني لازم اتصرف ومفيش حل قدامي غيره
تاني يوم الصبح كانت فتون داخلة بيت عمها وعلي وشها ابتسامة جميلة وبتدور بعينها علي سالم بس اتفاجأت بصالح نازل من عالسلم ومعاه شنطة هدومه فقربت منه وهي بتقؤله باستغراب
وه علي فين اكده يا صالح وشنطة ايه دي اللي في يدك
صالح بص لفتون بتركيز وبعدين قالها بحزن
انا مسافر يا فتون ومش عالم هرچع مېتي خدي بالك من روحك هتوحشيني جوي
استغربت فتون طريقة صالح في الكلام وحست انه كانه مش هيرجع تاني فقالت بقلق
قلقتني يا واد عمي مالك فيك ايه ما تتحدت وليه حاسة كانك مش هتعاود تاني اكده
صالح ابتسم بحزن واتنهد بحيرة وبعدين رد بهدوء
لو ليا نصيب ارچع يا بت عمي هرچع تاني المهم انك تكوني بخير وابجي خدي بالك من چدي يا فتون انتي خابرة ان جلبه تعبان
فتون حركت راسها بموافقة وفي نفس الوقت كان نازل سالم من فوق واول ما شافهم واقفين سوا اتعصب وقبض علي ايده پغضب وقال بعصبية
فتوووون ايه اللي موجفك اكده مع صالح
فتون اتخضت من صوت سالم وبصتله باستغراب وهي بتقؤل
وه في ايه يا سالم خضتني بتزعج ليه اكده وبعدين اديك جولت اني واجفة مع صالح وبنتحدت عشان هو ماشي
سالم بص لصالح بحدة وبعدين قال ببرود وفيها ايه يعني ما يمشي هو احنا ماسكين فيه ولا ايه
اتنهد صالح بضيق واخد شنطته ومشي بعد ما رمي نظرة اخيرة علي فتون وتابعته هي بقلق وخوف عليه وفجأة انتبهت علي صوت سالم اللي نزل ليها پغضب ومسك ايديها وقالها ببعصبية
اايه كانك مش رايداه يمشي يا بت عمي للدرچادي عاشجاه ومجدراش علي بعده
فتون بصت لسالم پصدمة وفجأة رفعت ايديها وضړبته بالقلم علي وشه وسابته ومشيت وسالم كان حاطط ايده علي وشه پصدمة ومتابعها پغضب وتوعد
كان ماشي صالح عالطريق وبيفكر في حياته اللي سابها وراه وحبه اللي ضحي بيه وكل حاجة كانت ملكه وبقت فجأة غريبة عنه كان محتار ومش عارف يعمل ايه او يروح فين ولمين وقطع سرحانه فجأة فرمله عربية جاية من وراه فلف وشه بعصبية ولسة هيتكلم پغضب بس لانت ملامحه فجأة اول ما شاف نسرين خالته قدامه وفجأة ابتسم صالح وهو بيقرب منها وهي كمان ابتسمت وهيا بتقرب عليه وبتحضنه بشوق وحب وبتقؤله بدموع
وحشتني اوي يا صالح بقالي كتير مشوفتكش كنت جاية وخاېفة الاقيك مشيت او عزلت من المكان ده ومعرفش اوصلك
صالح ابتسم وهو بيتنهد براحة ورد بهدوء وانتي كمان وحشتيني كتير يا خالة نسرين بجالي كتير مشوفتكيش من ايام امي الله يرحمها
نسرين افتكرت بسمة اختها وام صالح وابتسمت بحزن وهي بتقؤل
كنت
الحاجة الوحيدة اللي باقيالي من ريحتها يا صالح بس للاسف جدك وابوك صممو انك تعيش وسطيهم مع اني كان نفسي تتربي في حضڼي
ضحك صالح باستغراب وقال بهدوء
سبحان الله كانك چيتي في وجتك اني مكنتش خابر اروح فين ولا لمين
كشرت نسرين اول ما سمعت كلام صالح وقالتله بقلق
تقصد ايه يا صالح بانك مكنتش عارف تروح فين انت مشيت من عند جدك
اتكلم صالح وهو بيتنهد بحزن دي حكاية طويلة يا خالة نسرين يطول شرحها يعني بعدين ابجي احكيهالك
نسرين شاورت عالعربية وهيا بتلبس نضارتها طيب يلا اركب وحط شنطتك في العربية ونتكلم في الطريق يلا يا صالح
صالح حرك راسه بموافقة وفعلا ركب العربية مع نسرين خالته ورجعو عالقاهرة ونسرين في نفسها مقررة تنفذ القرار اللي اخدته بعد تفكير طويل ....
البارت الثاني
بسمة الصعيد
بقلمي اسراء ابراهيم
بقي جدك تفكيره مقفل اوي كدة يعني يكرهك عشان امك من مصر مش من الصعيد
قالتها نسرين لصالح باستغراب وهيا بتسوق العربية فرد عليها صالح بتنهيدة
مهياش حاچة چديدة يا خالتي اني من صغري واني بتعامل عفش ابوي كان دايما هو اللي يدافع عني وچدي كان يجوله انه بيربيني لاجل ما اطلع راچل شفت القسية من صغري ومكنتش بتحدت ولا بشتكي ولما ابوي ماټ ابتديت اشتغل لحد ما بجيت امشي الشغل كله
نسرين ابتسمت بفخر وقالت لصالح
والله ياريتك كنت عشت معايا يا صالح مكنش هيحصل كل ده المهم وبعدين كمل
ابتسم صالح وقال بهدوء
كان جدي خابر اني مفيش غيري اللي يجدر يمشي الشغل حتي سالم كان رامي كل حاچة عليا ومكنش بيفكر يساعدني في اي حاچة واني كنت بعمل اكده وحدايا حلم واحد بس هو اني اتچوز فتون بت عمي لاني عاشجها واول ما حسيت ان آآن الاوان اطلبها وفعلا اتحدت مع چدي وطلبتها بس اتفاچأت بيه بيطلبها لسالم اخوي
شهقت نسرين پصدمة وقالت بتلقائية
ده راجل ظالم ازاي يعمل كدة وبعد ما كنت تحت رجليه كل السنين دي يجرحك بالشكل ده ويكسر قلبك
ضحكة طلعت من صالح بسخرية وقال بعديها بحزن
هو مكنش فارج معاه يكسر جلبي لانه خابر اني زي ما بعمل كل مرة بيچي عليا فيها بسكت وبكتم في جلبي بس المرادي مسكتش مجدرتش يا خالتي البنتة دي انا شوفتها بتتربي جصاد عيني وكنت بتمني تكون ليا
انا مدرتش بحالي لما جالي انه خطبها لسالم اخوي وجولتله اني ههمل الدنيا كلها وامشي
نسرين صعب عليها كل اللي حصل لصالح فوقفت بالعربية وطبطبت علي صالح بحب وقالتله بابتسامة
حاول تنسي يا صالح وعيش حياتك من اول وجديد صدقني يمكن اللي حصل ده حصل لاني محتجالك اكتر من اي حد في الدنيا انا كنت جيالك وبدعي ربنا اني الاقيك موجود وتوافق انك ترجع معايا لاني محتجالك اوي يا صالح
صالح استغرب وبص لنسرين وقالها بحيرة وقلق
خير يا خالتي حصل ايه عاد جلجتيني انتي زينة يعني
نسرين حركت راسها بموافقة وبصت بعيد بشرود وهي بتقؤل
انا كويسة يا صالح بس بنتي بسمة هي اللي مبقتش كويسة وانا تعبت وغلوبت معاها ومفيش فايدة
افتكر صالح بسمة بنت خالته بس اخر حاجة فاكرها اما كانو صغيرين وشافها كان عندها وقتها خمس سنين وهو كان عنده 15 سنة فسأل نسرين عنها بقلق
مالها بسمة يا خالتي هي تعبانة ولا حاچة لا قدر الله
حركت نسرين راسها بنفي واتنهدت وهي بتقؤله بحزن
بسمة من يوم مۏت ابوها وهي بقت واحدة تاني كانت متعلقة اوي بهشام الله يرحمه وحبها ليا كان يمكن اكتر من حبها ليا انا امها ومۏت هشام اثر عليها جامد ومن يوم ما دخلت الجامعة وبقت تتصرف تصرفات كلها غلط مقضياها سهر وخروج
ولبس كله غلط حتي طريقة كلامها اتغيرت مبقتش بسمة بنتي الرقيقة اللي ربتها بقت انسانة تانية كل حياتها غلط في غلط
صالح هز راسه بتلقائية وفهم خالته قصدها ايه واستغرب بسمة واللي بتعمله فاتنهد وقال
طب وانتي كنتي چاية عشان رايداني اتحدت معاها مش اكده
نسرين بصت لصالح بثقة وقالتله باندفاع
لا يا صالح كنت جيالك عشان تتجوزها
صالح برق اول ما سمع الكلام وكرر كلام نسرين پصدمة
اتچوزها كيف انتي بتجولي ايه بس
نسرين مسكت ايد صالح برجاء واترجته وهي بتقؤل
ايوة يا صالح انا عمري ما اخدت قرار صح قد المرادي انت لازم توافق بنتي هتضيع مني ارجوك يا صالح وافق تتجوز بسمة بنتي ورجعهالي بسمة اللي ربتها بسمة ملمومة علي شوية صحاب هيضيعوها
