اسكريبت بقلم فونا
وعهد عليا قدام ربنا عمري مهأذيكي أبدا
مش عارفه مين ده وايه اللي حصل واتجوزنا إزاي بس مفوقتش غير وأنا في بيت غريب مش بيتي كان بيته!
هو وأخته كانو ساكنين سوا هو كان عنده شقه بأسمه جنب الشقه اللي كانو فيها بس دلوقتي أنا هفضل في شقته هو مش مع أخته
نورتي يا عروسه
بصيتله بضيق مش فاهمة ليه مقعدتش عند ملك يعني
العزيز
بصتله بقرف وسع من طريقي عايزة أنام
مشيت شوية وبعدين وقفت وبصتله بضيق هنام فين
بصلي وأتكلم بخبث في أوضتين هنا وبرضو في حضڼي ممكن تنا
قاطعته بضيق أتلم
مشيت من قدامه ودخلت أول أوضه لقيتها في وشي
كانت بسيطه
حطيت شنطتي علي جنب وقومت غيرت هدومي كنت لسه بالفستان
لبست تيشرت أسود واسع وبنطلون واسع
مسحت الميكب اللي كنت حطاه ولمېت شعري
خرجت من الأوضه عشان أدخل الحمام لقيته واقف وبيحط أطباق علي السفره مهتمتش ودخلت الحمام
خرجت لقيته بينادي عليا
يلا عشان نتعشي
أتكلمت بتعب شكرا مش جعانه محتاجه أنام وبس
ولا أكني قولت حاجه
أتكلمت بضيق قولت مش جعا
قاطع كلامي وهو بيحط الأكل في بوقي
بصيتله پصدمه فبصلي وأبتسم معلش كلي لقمه اليوم أكيد كان متعب وتلاقيكي مأكلتيش من بدري
مش عارفه ليه كنت فرحانه بأهتمامه ده
بصيتله بأستغراب في ايه
أتكلم بحنيه أنا حابب أأكلك بإيدي يا مريم
متكلمتش مش عارفه ليه سكت بس حقيقي حقيقي كنت فرحانه أوي
لاحظت أنه بيأكلني بس مش بياكل
مش عارفه جبت الجرأة دي منين بس مسكت الشوكه وبدأت أأكله
كان باصصلي وعيونه بتلمع بصيتله وابتسمت بغلب
بتعملي ايه
هغسل المواعين
مسك الأطباق من ايدي هاتي وأدخلي أنت نامي وارتاحي
شديتهم من ايده واتجهت للمطبخ وأتكلمت بمرح هغسلهم يا عم مش حوار
بالفعل دخلت غسلتهم كان واقف معايا بيتكلم عشان ميسبنيش لوحدي
خلصت ونشفت ايدي ولفيت عشان أطلع
حابه تشربي حاجه
بصلي وابتسم ماشي يا تصبحي على خير
بصتله وابتسمت وأنت من أهل الخير
دخلت أوضتي واترميت علي السرير بتعب بفكر في اللي حصل انهاردة ولقيت نفسي تلقائيا ببتسم
صحيت الصبح علي خبط علي باب الأوضه قومت بنعاس فتحت لقيت يوسف في وشي
بصتله وأتكلمت بنوم عايز ايه
ضحك طب قولي صباح الخير
أبتسمت صباح الخير
أبتسم صباح الفل
أنا نازل رايح شغلي للأسف مش هعرف أخد اجازة وأفضل معاكي
أبتسمت بهدوء ربنا معاك
لو حصل اي حاجه رني عليا علي طول
بس أنا معيش رقمك
أبتسم هاتي طب موبايلك
خده وسجل رقمه وسجل رقمي عنده ومشي وأنا دخلت كملت نوم
مش عارفه نمت قد ايه بس قومت مفزوعه علي صوت حد بيخبط علي الباب بطريقه صعبه
مكنتش عارفه أعمل ايه خۏفت وأتوترت وكنت أتمنى اللي في دماغي ميحصلش وللأسف مش كل اللي بنتمناه بيحصل!
فتحت الباب لقيته أدهم ابن عمي باصصلي وعيونه حمرا من كتر العصبيه
حاولت أتصنع القوة نعم عايز ايه
بصلي پغضب وأتكلم بعصبية شديدة أنت بتعملي ايه في بيت راجل غريب
ملحقتش أرد وهوب لقيت قلم نزل علي وشي من قوته وقعت علي الأرض
في ايه!!
ملك جت علي الصوت العالي ولما لقتني علي الأرض شهقت پصدمه وبصت لأدهم وأتكلمت بعصبيه أنت متخلف ده أنا هوديك في داهية
كانت هتجري عليا بس أدهم مسك أيدها وزقها برا وقفل الباب
صړخت في وشه أنت مچنون أنت بتعمل ايه أطلع برااااا
وملك كانت من برا
