روايه حكايات الورد بقلم هاله احمد

طلع منديل من جيبه وودهولي ..وكمل رسم وأنا مستغربة
جدا ومش فاهمة حاجة ..
إفردي وشك مااتكرمشيهوش كدة
_ هو مسكن الروح وهوي الفؤاد هو هنا
_ قد عز علي الفؤاد غيبته وعلي فؤاده هنت أنا ..
كملت أيامي بروحله ..بدأ يكون فيه كلام بينا وضحك كمان ودي كانت حاجة غريبة من واحد زي عبدالرحمن ..
بإبتسامة هاااااع وأخيرا خلصت

بفرحة بجد !!! وريني وريني
اتفضلي شوفي
وراني اللوحة ..للوهلة الأولي خطفتني اللوحة كنت فيها بضحك وحواليا ورد كتير ..للحظة افتكرت كدة بس لما دققت في اللوحة كويس لقيت ان انا بضحك ااه بس الورد اللي حواليا خانقني وبقيت بقاومه ومش عارفة والمقاومة باينة علي وشي كإنها ضحكة ..اټصدمت جدا هو ليه راسمني كدة ! إيه الإنسان الغامض دة ! ..مااعرفتش أقول إيه ولا أسأله هو ليه راسمني كدة !! ..فافضلت السكوت ..
ااه نسيت أمضي هاتي
وخدها وكتب عليها بياع ورد ..الإمضا بتاعته ..
بإبتسامة بياع الورد ..بحب لقبك دة أووي
بياع ورد ..أنا بياع ورد مش الورد
فرقت يعني الألف واللام !
يووووووه تفرق كتييير
اممممم طب ليه بياع ورد ! ليه اللقب دة !
عشان أنا بعت ورد زمان
يااااه كنت بتبيع الورد زمان
ورد ..ورد مش الورد
مش فاهمة أنا إيه الفرق
بتنهيدة ولا عمرك هتفهمي
طب مااتفهمني إنت
ااه أصل أنا فاضيلك يلا وقتك خلص
بضيق ياساتر عليك ياساتر ياساتر
بضحك يلاااااااا
خدت اللوحة ومشيت كنت فرحانة رغم غموض اللوحة اللي مش مطمني ليه ..بس اشطا دي لوحة يعني مش حكاية ..بس برده كانت مسيطرة علي جزء كبير من تفكيري ..
ماقولتلك دا واحد معقد
مش معقد هو بس غامض شوية
اتوكسي عليكي وعلي خيبتك هو مابيرسمش البنات غير بالصورة اللي رسمك بيها يعني مش انتي لوحدك واتقوليلي غامض ..بلا نيلة
أكيد هو قصده حاجة من كدة مش هيرسم كدة من فراغ يعني ..هو شخص غامض
يغور هو وغموضه
كنت متضايقة من زينب أووي هي مش فاهماه ..قال يعني أنا اللي فاهماه أووي !! أيوة بس
هو فعلا غامض ..هي بس اللي مش طايقاه ..
تاني يوم كنت قاعدة علي سلم الكلية لوحدي ..فجأة كدة لقيته قدامي ..
عندي نص ساعة فاضي فيها هروح
الكافترية اشرب نسكافية ..هاتيجي ولا لأ 
بإستغراب عندي محاضرة بعد عشر دقايق
براحتك
ومشي خطوتين وبعدين ..
إيه دة !!! استني ياأخي إنت مابتصدق كنت بهزر
طب يلا ماأم ډم خفيف
روحنا الكافترية وجبنا نسكافية وقعدنا وماكناش بنتكلم ..وبعدين ..
إنتي عايزة تقولي حاجة فاأخلصي قولي بدل الصمت القاټل دا
وعرفت منين اني عايزة أسأل 
باين علي خلقتك مانتي مش بتسكتي كدة غير لما تكوني عايزة تسألي .. فاخلصي بقاا وإسألي
طيب ليه راسمتني كدة ! ليه راسم إن الورد بېخنقني !
امممم سؤال ممكن إجابته تزعلك
بإستغراب لييه !
عشان أنا شايف كدة ..إن الورد بيخنق وإنتي شبه الورد ..فالازم تدوقي من اللي بيدوقه الورد للناس
پصدمة ...........................
بس إكتشفت إنك
مش كدة إنتي مش شبه الورد اللي بيشوك ..إنتي وردة من غير شوك ..بس أنا كان لازم أكمل اللوحة
كنت لسة مصډومة يمكن عشان لسة مش فاهمة وكل مادي بيزيد غموضه بالنسبالي ..
طيب إيه الفرق بين ورد والورد !
نزل كوباية النسكافيه من إيده واتنهد وبعد كدة بص في ساعته ..
النص ساعة خلصت ..يلا
ياااباااااااي
مشينا وأنا لسة عندي فضول أعرفه أكتر وأعرف غموضه ..كنا ماشين جمب جنينة في الكلية مليانة ورد ..فضل باصص للورد بطريقة غريبة وكان بيدور بعنيه في الورد لحد مالقيته قرب من الورد وقطف وردة وجبهالي ..
اتفضلي
اممممم وردة تاني 
ماتخلصي بقاا خديها
خدتها منه وبجد شكلها كان جميل جدا و ...آآآآآآآه كان فيها شوكة ماشوفتهاش چرحتني ..ولتاني مرة ماخدتش بالي .. بصتله وكنت متضايقة وبعد كدة لقيته بيضحك وكنت لسة مستنياه يوديني منديل زي المرة اللي فاتت بس مشي وسابني ..فانديت عليه ..
مسيو چاك استني ماخدتش المنديل