يوميات احمد ومريم بقلم مريم سمير
انت في الصفحة 1 من 5 صفحات
_ألو أنا بخونك
إيييه!!
_بخونك يمريم بخونك
يخرابي يانى يلهوى على الضحك لما يدق بابك فجأة
_أنتى هبلة!! بقولك بخونك
أنت متصل بيا ومصحينى من النوم يا أحمد عشان تقولى بخونك اعمل اى يعنى ههه أجى اخوني معاك !!
_إنتى بتضحكى !!
أصل انت عجيب اوى .. وبعدين مين الحلوفه إلى رضيت بيك
_امال انتى راضيه بيا لى !!
_يبنتى فوقى من ام النوم دا.. ادعدلى بق .. انا بخونك
بتخونى مع مين .. بقولك يلا استنضف كد
_استنضف أنا عمرى مشوفت كد !!
يبنى اعقلها كد خطيبي متصل عليا بيقولى بخونك !! جاوبنى بصراحة ليك خال أهبل!!
_لمى لسانك وخدى البنت الى بخونك معاها أهى
ايدا هتخلينى اكلمها .. دا انت قلبك ماټ بق.. دهبي يرجعلى
إكمنى مليش حبيب ولا غريب تعمل فيا كد .. إكمن مش بعرف احط روج يعنى تقوم خاينى!!
_انتى مبتعرفش تحطى حاجة اصلا
ربنا يديم عدم القبول بينا ..
_طب اى اخونك ولا اى
يخربيت الأدب بجد انا مبهورة من كتر العظمة انت بتستأذن .. خونى يباشا لو عايز ..
_مفيش غيرة خالص!!
أحمد معاك مقشه!!
أصل مستغربه هتلم كرامتك منين ولا منين بعد مهزقك يعنى
_ها اى تان !!
يبنى مبدأيا انا عارفه انك بتلعب الشايب مع صحابك ودا اكيد حكم .. تانى حاجة مين الحولة إلى هتبصلك تالت حاجة أنا مرقباك يبيبي ولو رمشت كد بعرف .. ف الى هو أعقل بق عشان مفسخش ام الخطوبه دى
_خطوبه مين يروح امك إلى تتفسخ احنا فرحنا كمان شهر
_لاء
مدام مفيش أدب يبقي نتربي
_مستنيكى انتى تربينى
روح روح العب بعيد يلا يشاطر .. صحتنى من النوم على الفاضي خد بق 5 ساعات عشان ارجع انام تان وهيبقي فيه صراع بين عقلى وبطنى ومش هنخلص الله يحرقك
_الله يهدك
الحب عدى الكلام مش هزار
_اتخمدى عقبال متتخمدى ف بيتى
أحنا لو بنكره بعض اسلوب الحوار مش هيبقي كد .. خلصانة
دا المفروض بق .. يلا سلام يرايق
_سلام يفايقه ..
بارك الله لكما وبارك عليكما وجمع بينكما في خير
_انت هتعمل اى !!
المفروض انى احضنك حضڼ كتب الكتاب وكد
_يبنى دا بيحصل ف الافلام بس مفيش حاجة اسمها كد هو إيه إلى حضڼ كتب الكتاب !!
مشي الليلة عشان الناس متخدش بالها
مهبش المۏت بس انا بردو مش هنتحر لاء
_اى يعم الراب .. وسع كد .. أماااانى سيبي الطبق يا أماااانى متهزريش ..
_خشي بيتك يزفتة
اى دا حيوان بتكلم اول مرة اشوف حيوان بيتكلم أحنا لازم نعمل عليك حلقه ف العلم والايمان
_مش ههزقك واحنا لسه مدخلناش الشقه .. خشي
_استغفر الله العظيم.. خلصانة دا تكفير ذنوب
لاء البيت حلو مفيش كلام
_منا إلى جايبه
الأجهزة الكهربائية وكل حاجة بتاعتى وربي لو متعدلتش هاخد كل حاجة وهخلهالك على المحارة كد ..
_يشيخة اسكتى بق دا انتى بلاء ..
انا بلاء عظيم .. عظيم جدا حقيقي انا مبهورة بيا
_بقولك اى انتى كنتى بتنكدى عليا لى
انت بتقفل الباب لى .. اتصل بمامااااا تيجى تاخدنى بالللله علللليك
_انا ف الفرح تقوليلى قدام الناس انت دوست على فستانى طلقنى!!
منا إتاكد انى ادبست وانى مش هروح مع بابا وماما
_الصبر من عندك يرب .. المهم ..طب ايه بغمزة
انت بتعمل كده لى عينك بټوجعك ولا اى
_يخربيتك يشيخة
لاحظ أن بيتى هو بيتك يعنى لو اتخرب هنام ف الشارع ..
_طب خشي غيري
هو انا مقولتلاكش
_لا مقولتليش
فاتتنى دى حقك عليا مش انا
هنام كد ..
_لاء والله بس يجدع
والله يمان
