اسكريبت عوضني ربي خيرا

الستات انا مش بس بكرهم انا بلعنهم .
يا موج يا مهزقة .
احم طب و اي ال غير رأيك معاه و انك جبته يعيش معاك هنا !
كلامك اخر مرة معايا فوقني رغم كل الكره ال جوايا حسيت ان لازم اشبع منه حتي لو هتعامل معاه ڠصب عني خصوصا ..
لفت بنظره من الارض و بص في عيوني ف اتوترت
خصوصا اي !
كنت بدور ع ماما من سنين عرفت انها اټوفت من سنتين يوم ما شوفتك ف المستشفي و كنت متعصب قلبي لقيته بيتحرك و بيتجه للمستشفي كنت خاېف بابا كمان يروح مني بس وقفت في النص و انا مش عارف اتصرف و خاېف و جوايا صراع بين ال حصل في الماضي و ال المفروض يحصل في اللحظة دي ف بدأت اكسر زي ما شوفتيني .

مش عارفة اقولك اي البقاء لله اول حاجه و والدك ندم جدا ع كل ال عمله معاك و دفع التمن في بعدك عنه عايزاك تعرف ان ربنا بيعوض ماما قالتلي جملة مرة اننا جايين عشان نغلط و نصلح و ان طعم العوض نساي و اهو ربنا عوضك بإنه واحدة واحدة بيرجع الحنية في قلبك تجاه والدك احفظه و قرب منه وانا متأكدة انك هتكون بخير عم احمد طيب و بيحبك و دايما كان بيحكلنا عنك كتير .
كلامك بيريح قلبي اوي
و قلبك يستاهل الراحة
فضلنا فترة بنبص لبعض و ساكتين وعيونه بتقول كلام كتير وقلبي بيدق بشدة
ابتسمت بحياء و بصيت للارض بس ينفع تنزلني من البيت بالبچامة كدا !
ابتسم و سكت
ايدا دا احنا بنعرف نضحك اهو امال مخبي الابتسامة الحلوة دي ليه يا عم !
بجد حلوة 
اتكسفت و حاولت اغير الموضوع في فيلم عايزة اسمعه و كنت مستنياه
قام و شغل التلفزيون ع قناة اي و اسمه اي 
اسمه حسن و نعيمه فيلم قديم حبتين لو مش بتحب الافلام القديمة بلاش
ابتديت احبها !.
شغله و قعدنا سوا نسمعه لحد ما جت اغنية رمش عينه لمحرم فؤاد
كنت بندندها معاه وهو بيغنيها و كان في شعاع من عيني بيراقب بحر من
غير ما ابصله كنت عارفة انه بيبص عليا طول الاغنية
تعرفي الاغنية دي حلوة 
ليه !
بتوصف احساسي من ناحيتك
اي !
احم اقصد كلماتها مع صوته حلوة اوي
ابتسمت طب انا لازم امشي عشان ميتسببش ليا مشاكل في البيت
لا خليكي معايا قوليلهم اي حاجه قوليلهم انك في المستشفي انا اول مرة اجرب احساس اني مرتاح وحد جانبي بالشكل دا و مبقاش عايز حد يمشي ويسيبني خصوصا لو الاحساس دا اول مرة احسه تجاه ست و مش عارف في اي بس قلبي مرتاح لقربك .
ابتسمت ورفعت حاجبي هقولهم اني في المستشفي بالبيجامة 
ابتسم و فهم اني بغير الموضوع خلاص حاضر ال يريحك طب بابا كويس 
اها هيبقي كويس جدا بعد المحلول دا و هيصحي كمان ساعة او اتنين
قام وقف تمام يلا عشان اوصلك
يلا
وصلنا لحد البيت و لسه هنزل من العربية مسك ايدي و بصلي بنظره حلوة و مختلفة
اسف ع كل ال قولته ليكي اول مرة اتقابلنا هو فعلا ميستحقش واحدة زيك انتي انضف منه بكتير و تستاهلي ال شبهك .
انا ال اسفة اني ظلمتك عن اذنك
نزلت المستشفي تاني يوم حسيت بطاقة كبيرة اوي طاقة حب و امل و بهجه بتجدد جوايا و حاسة بحاجه حلوة بتشدني لبحر بس اي هي م عارفة دخلت مكتبي بعد يوم طويل و لقيت بوكيه ورد وفيه مسدج مكتوبة
مسكت الورد
و شميته كانت ريحته حلوة اوي و مسكت المسدج كانت عليها برفان بحر فتحتها بسرعة
شكلي عبيط اوي صح و انا ماسك الورد دا و ماشي بيه ! انا معرفش اي ال بيفرح الست و كدا لاني مليش تجارب و لا كنت حابب بس قلبي لاول مرة يحس بالحب لقرب واحدة ست انا مكنتش بكره في حياتي قدهم بس انتي لا انتي من يوم ما شوفتك و انتي في قلبي مختلفة فتحتي في قلبي مشاعر جديدة و جميلة حسيت ان الورد شبهك و حسيت ان كل حاجه حواليا شبهك مش عارف اعبرك عن ال جوايا بس محرم فؤاد امبارح عبر
عن كل حاجه في قلبي ليكي هسيبلك كوبليه واحد هنا و الاتنين الباقيين لما يحصل ال ف بالي .!
و لقيته سايب ليا اول كوبليه ف الاغنية
ليلة من ذات الليالي كنت خالي و قلبي خالي
السهر معرفش عيني و الغرام مجاش في بالي
فات عليا الحلو الاسمر رمشه قالي حب و اسهر
مين يا ناس يحكم ما بين قلبي و بينه ! 
مر شهر و بحر اتقدملي و وافقت و اتخطبنا
قربت و بوست ايده و ابتسمت كان طول الخطوبة بيبصلي انا و بحر و مبسوط بينا
يا قردة انتي قعدتي تقولي ليا يا ابويا و جد عيالي لحد ما بقت حقيقة اهي
يا بابا احمد وعهدالله انا بركة و خسارة في البلد دي .
بحر كان واقف بيبصلي بحب و كان بيعترفلي بحبه كل يوم بموقف يثبتلي اني كان معايا شخص بين الرجالة صفر ع الشمال و عرفت من حبي لبحر ان مش دايما الحب الاول بيكون صح انا اكتشفت ان بحر هو حبي الاول والتاني والاخير بيكون اعظم بكتير مما ممكن نتخيل انا كل يوم مع بحر بيتجدد جوايا له طاقة حب جديدة حنين و عاقل و رزين بعيدا عن عصبيته يعني يجماعة مش هننكر و بعيدا عن ان اسمي ع موبايله دكتور قلبي سرسج 
بس هو ألطف علاج ممكن يداوي قلبي بعد خذلان سنين من العشم 
يوم الخطوبة سابلي تاني كوبليه من الاغنية في مسدج
شفة وردي و سنة لولي من بعيد اتبسمولي
صورلي الحب جنة و اعمل اي يناس قوليلي !
ڠصب عني مش بخاطري للجميل سلمت امري
مين يا ناس يحكم ما بين قلبي و بينه ! رمش عينه ال جرحني رمش عينه 
مر خمس شهور و النهاردة اتكتب كتابنا استنيته في اوضتي و كنت مببص ع الباب منتظرة دخوله لقيت الباب بيخبط كنت عارفة انه هو ابتسمت و قمت وقفت و كنت حاسة بمشاعر لاول مرة بتحصلي كأنها اول مرة يتكتب كتابي !
ادخل
دخل و كان في ايده بوكيه ورد و فيه مسدج كنت
عارفة انها الكوبليه التالت من الاغنية
كان بيقرب و عيونه بتلمع و بيبتسم بحب وقف قدامي الف مبروك عليا انتي يا حب العمر
ابتسمت بإحراج الله يبارك في..
شدني في حضنه و فضلنا فترة كدا من غير كلام غمضت عيني و كنت بسمع دقات قلبه جميلة للحد ال ملوش حد ! كنت بسمعها كإنها موسيقي كلها حنية مش عايزاها تنتهي ابدا
همس ليا
من اول مرة شوفتني فيها لما اتخانقنا !
طعم العوض نساي
و يا بختي لان اخدت كل الطعم دا لوحدي