روايه براءه نهي

لو سمحت عاوزه اسحب ٥٠٠ الف محتاجاهم ضروري 
تحت امرك يافندم كام رقم حساب حضرتك 
لا انا ماليش حساب عندكم هو لازم يكون ليا حساب خلاص مافيش مشكله افتح لى حساب بس ارجوك تخلص الإجراءات بسرعه يعنى هقدر استلم المبلغ النهارده ولا هاجى بكره تانى بس انا محتاجه المبلغ فى اسرع وقت عشان الشقه اللى شوفتها هتروح منى لو اتأخرت على صاحبها 
يافندم انا مش فاهم من حضرتك حاجه عاوزه المبلغ ازاى وانت مالكيش حساب عندنا ومالكيش رصيد حضرتك جايه تهزري اكيد اتفضلي حضرتك لو سامحتى امامى شغل كتير 
شاب واقف لفت نظره الحوار 

الشاب اكيد تقصد انها تاخد قرض 
الموظف لا إجراءات القرض فى خدمة العملاء اتفضلي حضرتك 
الشاب تعالى معايا يا آنسه انا هفهمك 
نهى هو فى ايه هو ماله مش طايقنى كده ليه هو انا قولت حاجه غلط ما جارتي ساره قالت لى انها واخده مبلغ من البنك اشترت بيه شقه ونقلت فيها لسه قريب ايه المشكله يعنى لما يعطونى انا كمان 
سامح ايوه مافيش مشكله ولا حاجه بس الموضوع كله إجراءات وشروط تتوفر وده هتعرفيه لما تدخلى لخدمة العملاء اللى هنا فى البنك وتجلسي مع الموظف يفهمك ايه المطلوب الامر مش بالسهوله اللى متصوراها دى 
نهى انا مش فاهمه حاجه الموضوع شكله كبير ممكن حضرتك تساعدني وتدخل معايا للموظف ده 
سامح حاضر زى ماتحبي بس ممكن تنتظرى لما اخلص اللى جى عشانه وهكون تحت امرك بس دلوقتى روحى اسحبي رقم خدمة عملاء عشان انا رقمى قرب 
ودخل معاها للموظف ولما فهمت نهى المطلوب منها والشروط الازمه عرفت ان الموضوع مش سهل وخرجت وهى محبطه وتنعى حظها لدرجة انها بكت 
سامح انتى حكايتك ايه مالك واضح ان معرفتك بالامور قليله جدا طب ماحدش من أهلك فهمك الموضوع 
نهى انا عايشه الوحدي انا واخويا الصغير بعد ۏفاة والدي اللى كان لينا فى الدنيا وحتى جارتي اللى كانت مأجره شقه جنبي نقلت فى شقتها الجديده والراجل صاحب البيت عاوز يخرجنا عشان هيهد البيت وهيبنى مكانه مول كبير 
وانا مش عارفه هروح فين واضح ان معاش بابا مش هيوفر لينا سكن زى
ماكنت متوقعه دا كان صاحب البيت بياخد منى ايجار رمزى عشان كنت صعبانه عليه هعمل ايه دلوقتى 
ادخل سامح يده فى جيبه وأخرج كارت وقال لها طب انا هسيبك دلوقتي عشان عندى مشوار ضروري ابقي اتصلي عليا سلام
اتجهت نهى الى الشقه التى تسكن بها لتجد صاحب الشقه ينتظرها 
صاحب الشقه ها كنت قولتى اديكى فرصه ممكن اعرف اتصرفتى ولا لا 
نهى لا ما اتصرفتش والموضوع طلع مش سهل خالص ارجوك ادينا فرصه شويه كمان هروح فين انا واخويا الصغير ده حرام عليك
صاحب الشقه انا صبرت عليكم كتير لكن انا مرتبط بمواعيد مع الناس الصبح تكونى سبتي