روايه كامله للكاتبه شيماء فرج
إللى عرفهم خبرته أضعاف خبرتها لكن هى ايه حيعرفها لامها تعرف وتنصحها ولا أب مصاحبها علشان يعرفها الصح من الغلط ونرجع نقول يمكن تكون مسألة نصيب وقدر
خرجت بوسى تقعد مع اهلها شويه او بمعنى اصح توريهم نفسها قبل ماتدخل تختلى بتليفونها وتكلم حبيبها
بوسى لنفسها ألا هو انا فرحانه كده ليه يمكن علشان أول مره اسمع الكلام ده لالالا يابت علشان هو بيقوله من قلبه واللى بيخرج مت القلب بيوصل للقلب
يرجع عقلها وانتى تعرفى الدنيا التانيه منين يامفعوصه انتى
القلب يرد انا ده انا اعرف الدنيا التانيه والتالته اومال كل المسلسلات إللى بتفرج عليها دى ايه وبعدين ايه يعنى كبير ماهر سمر اتجوزت عدنان فى مسلسل العشق الممنوع
القلب بدوره لكن انا حكون مخلصه وهو حيدلعنى ويحبنى ويغير عليا اوى ايوه انا عاوزه اجننه واخليه يغير عليا
فاقت بوسى من جنانها على صوت أمها
الام انتى يابنت مالك قاعده مسهمه كده وعماله تكشرى شويه وتبتسمى شويه اتجننتى ولا ايه
بوسى يووه بقى ياماما ماانا كويسه اهو انتوا مش حتناموا انا داخله انام
الاب انا قايم انا كمان يلا ياواد انت وهى كل واحد على اوضته ادخلوا ناموا وراكوا مدارس الصبح
دخلت اهل البيت كلهم يناموا وبودي بعد مااطمنت ان الكل نام طلعت تليفونها واتصلت على العاشق الولهان وطبعا قفل عليها الاتصال وكلمها هو
سمير حبيبى لسه صاحى
سمير انا صاحى ليه وانا كتكوت زيك ياكتكوتى انت
بوسى لا انا كمان بسهر وخصوصا فى الصيف
سمير أيوه البحر بقى اسكندريه وجمالها فى الصيف
بوسى انا بحبها فى الشتا وبحب اوى امشى على البحر فى عز ما تكون المطر نازل
سمير بس كده تتعبى ياقلبى
بوسى انا متعوده على كده اناو اصحابى
سمير خلاص يا ستى لما اجى عندك فسحينى على البحر فى الشتا
فضلوا يتكلموا حوالى ساعه وبعدها تليفونها فصل شحن كانت حتتجنن وتكلمه تانى اكل عقلها بكلامه وغزله فيها وهى لسه قلبها اخضر قامت حططت التليفون فى الشاحن ورنت عليه تانى كلمها
بوسى معلش اصل تليفونى ده عقيم بيفصل شحن كل شويه
سمير ولا يهمك ياحبيبى انتى كمان لازم تنامى علشان مدرستك الصبح
بوسى حاضر تصبح على خير
بوسى بفرحه من عينيا
قفلوا التليفونات وسمير عامل زى الطفل إللى فرحان بلعبة العيد كان قلبه بيرقص من الفرحه نسى سنه ونسى حياته ومركزه واتهبل على عيله من دور عياله لو كان جاب ولاد
والانسه بوسى وماصدقت طبعا كلام حلو واهتمام وحنان هى مفتقداه
عدى الليل بكل أسراره وأشرقت شمس يوم جديد
فتحت بوسى عيونها وقبل ماتخرج من اوضتها تغسل وشها حتى مسكت تليفونها وكلمت سمير
سمير بنعاس ألو
بوسى انا اسفه صحيتك
سمير لا ياحبيبى أبدأ انا لازم اصحى علشان شغلى
بوسى عموما انا قولت اقولك صباح الخير قبل ماننزل
يمير صباح الورد والفل احلى صباح على قمرى ودنيتى كلها
بوسى ده كله ربنا يخليك ليا
سمير ويخليكى ياحبيبتى ليا انا لوحدى
بوسى ههههههه ان شاء الله
يمير يلا ياقمر علشان ماعطلكيش وعلى المدرسه علطول اوعى تكلمى حد
بوسى بغرحه حاضر
سمير انتى بيكون معاكى تليفونك فى المدرسه
بوسى ايوه طبعا
سمير لا طبعا على الصبح يلا بسرعه اقفلى وروحى خلصى نفسك على المدرسه
بوسى ماشى سلام
سمير مع السلامه
قفلت التليفون وهى حاسه كأن فى فراشات بتطير قدامها وبعدها لبست وراحت على مدرستها بعد مانور صاحبتها نادت عليها زى كل يوم.
نزلت بوسى لصاحبتها نور علشان يروحوا المدرسه بوسى كان وشها بيضحك وفرحانه ونور أول ماشافتها حست ان صاحبة عمرها متغيره
نور انتى فيكى ايه انهارده يابت
بوسى اقولك بس ماتقعديش بقى تزعقيلى وتنصحينى
نور احكى يااختى احكى شكلك عامله مصېبه
بوسى سمير كلمنى امبارح
نور وده إللى مخليكى فرحانه أوى كده ليه هو عاوز يتجوزك ولا ايه
بوسى هو قاللى انه بيحبنى وبعد كده حييجى يتجوزنى
نور وياترى الحاج عبد الله أبوكى حيوافق انتى بتكدبى على نفسك
بوسى مش قولتلك حتعمليلى فيها صوت الضمير
نور انا خاېفه عليكى يابوسى انتى صاحبتى الوحيده واحنا لسه صغيرين بكره ندخل الجامعه ونكمل تعليم ونشوف ناس تانيه لكن الراجل ده شكله كبير عليكى
بوسى هو من ناحية كبير هو كبير وأوى كمان لكن كلامه حلو أوى وتحسى انه شباب ورومانسى جدا
بوسى كانت بتتكلم وهى فى دنيا تانيه هيمانه ولا كأنها فى حلم ومش عاوزه تصحى منه
نور ماكانش عاجبها حال صاحبتها ولا تفكيرها وخاېفه عليها لكن مش بأيديها حاجه
دخلوا المدرسه وقضوا اليوم الدراسى و هما خارجين تليفون بوسى فضل يرن كتير لحد ماسمعته
بوسى وهى بتبص على الرقم ولقيته سمير كانت فرحانه الابتسامه اترسمت على شفايفها
بوسى ألو
سمير وحشتينى
بوسى وانت كمان
سمير خرجتى من مدرستك
بوسى ايوه لسه خارجه انا ونور دلوقتى
سمير تعرفى تروحى شركة الشحن إللى فى منطقة سموحه
بوسى أيوه انت عاوزنى اعملك حاجه هناك
سمير لا ياحبيبتى أنا بعتلك تليفون وعاوزك تروحى تستلميه هما المفروض يبعتهولك على البيت لكن علشان مايحصلش مشكله انتى روحى استلميه
بوسى لا شكرا انا مش هينفع أخده حقولهم ايه فى البيت
سمير يا ستى قولى بتاع صاحبتك او خبيه هانى خط تانى اكلمك عليه انا وخلى التليفون القديم بخطه
بوسى مش عارفه بس انت ليه تكلف نفسك
سمير مش عاوز أسمع منك الكلام ده تانى انتى حبيبتى وحتكونى مراتى ومسؤولة منى
بوسى بفرحه مراتك ربنا يخليك ليا
سمير ويخليكى ياحبيبتى ليا روحى علطول واول ماتوصلى طمنينى برنه علشان عندى اجتماع مهم وانتى على بعد الضهر تنزلى تستلمى تليفونك
بوسى حاضر مع السلامه
سمير الله يسلمك ياقمر ى
قفلت بوسى المكالمة وكانت زى المغيبه لكن نور فوقتها على كلامها
نور ايه إللى انا سمعته ده هو جايبلك ايه وعازك تستلميه
بوسى بعتلى موبايل علشان موبايلى فصل وهو بيكلمنى امبارح
نور مش شايفه انه غريبه يجيبلك تليفون وانتوا لسه تعرفوا بعض امبارح بس
بوسى انتى مش شايفه شكله ولا عربيته يعنى هو ده يفرق معاه تمن موبايل انتى ليه بتكرهينى فيه
نور يابوسى انا خاېفه عليكى ازاى تقبلى هديه من واحد ماتعرفيهوش غير انه بيحرضك تكدبى على اهلك وتخبى عنهم الهديه بتاعته
بوسى يعنى هو بابا لو شاف الموبايل حيسيبنى
نور باباكى مش حيسيبك لأنه حيكون خاېف عليكى
بوسى يوووووه يانور بقى انتى كل حاجه حتقفى فيها كده
نور خلاص يابوسى انا مش حتكلم تانى خلينى ساكته
بوسى يكون أحسن برده سيبينى افرح شويه
رجعوا البنات وكانت نور زعلانه على صاحبتها صحيح هما فى سن بعض لكن اهل نور كانوا مصاحبينها وعطينها ثقه فى نفسها وعلموها ماتخبيش عنهم حاجه أبدأ
رجعت بوسى على بيتها طلعت ارتاحت وامها قعدت تكلمها وتحكى معاها ونسيت تكلم سمير
شويه
وتليفونها رن أخدت
الموبايل ودخلت على
أوضتها كلمته
بوسى ألو
سمير بصوت غاضب انتى روحتى
بوسى أيوه من بدرى
سمير وانا مش قولتلك ترنى عليا تطمنينى عليكى
بوسى انا اسفه اصل ماما كانت بتكلمنى
سمير بعد كده لما أقولك على حاجه تنفذيها مش تسيبينى قلقان كده
بوسى خلاص حقك عليا ماتزعلش منى
سمير لا يابوسى انا زعلان وحقفل دلوقتى علشان عندى شغل وبعدين نتكلم
قفل سمير التليفون من غير مايستنى ردها سمير كان فعلا متضايق ان بوسى نسيته وإحساسه ان هى بتاعته هو وبس وانها لازم تكون طوع أمره بدأ يسيطر عليه
بوسى بقى فضلت ټعيط ازاى حبيب القلب زعلان منها وفضلت تتصل عليه لكن هو حب يعلمها انها تحترم كلمته وماكنش بيرد عليها فضل على كده لحد بالليل حس انه قلبه وجعه من كتر اتصالها ورسايلها إللى كانت كلها بتترجاه فيها يرد عليها استسلم وقرر يرد
طبعا فى الوقت ده كان اهلها ناموا على ودانهم وهى فى أوضتها رن تليفونها
بوسى بدموع ألو كده برده هونت عليك ماتردش عليا كل ده
سمير ماانا كمان هونت عليكى تسيبينى قلقان
بوسى انا اسفه
سمير وبعدين معاكى يابسنت دوختينى وغيرتى حياتى خلتينى زى الشباب المراهق مش عارف اشوف شغلى ولا حياتى
بوسى حقك عليا خلاص سماح المره دى
سمير روحتى جبتى التليفون
بوسى لا انا كنت متضايقه ومعرفتش أنزل
سمير خلاص ياحبيبى بكره تروحى تستلميه
بوسى ان شاء الله
سمير بوسى عاوز اسألك على حاجه مهمه
بوسى اتفضل
سمير انا عاوز ارتبط بيكى انا مش شاب صغير علشان افضل أحب فى التليفونات كده انا عاوز اتقدم لأهلك واتجوزك توافقى تتجوزينى
بوسى بفرحه طبعا
سمير يعنى مش حتندمى انك اتجوزتى راجل كبير عليكى مش شاب من سنك
بوسى لا مش حندم
سمير حبيبتى انا عمرى ماححسسك بفرق السن انا بطبيعتى بحب الخروج والمرح والأصحاب وزى ما انتى شوفتينى شكلى مش بيبان عليه سنى
بوسى انا مايفرقش معايا شكلك
سمير ايه إللى يفرق معاكى طيب
بوسى حبك وحنيتك اهتمامك هو ده إللى انا حبيته فيك بس احنا مانعرفش بعض غير من يومين
بوسى حتصدقنى لو قولتلك انا حاسه انى اعرفك من يوم مااتولدت
سمير بحب حصدقك طبعا لأن ده نفس شعورى من يوم ماسمعت صوتك فى التليفون
بوسى يوم المكالمة الغلط
سمير كانت اجمل مكالمه بالغلط
بوسى كانت تايهه فى كلامه المعسول وحاسه انها مالكه الدنيا طايره زى الفراشه احساس مراهقه أول مره تذوق طعم الحب لكن للاسف ماكنتش تعرف انها فى حلم جميل
فاقت على صوته وهو يكلمها
سمير بوسى انتى قفلتى ولا فى حاجه عندك
بوسى هااا لا انا معاك
سمير أمتى تبقى معايا بجد كان زمانى دلوقتى ضامك فى حضنى
بوسى بخجل سمير بس ماتقولش كده
سمير ليه ياقلبى مش حتبقى مراتى
بوسى لما أبقى مراتك لكن دلوقتى لأ
سمير وانا يا ستى حاجى بكره واروح لباباكى اطلب ايدك منه
بوسى بس انا خاېفه بابا مايوافقش
سمير ححاول اقنعه وانتى برده من عندك تقنغيه
بوسى پخوف لا أقنع مين ده بابا صعب جدا ده لو عرف انى بس اعرفك يموتنى
سمير بعد الشړ عنك ياحبيبتى بس لو انتى عاوزه حتضغطى عليهم
بوسى مش عارفه ححاول ربنا يهديه ويوافق علطول
سمير يارب حبيبتى يلا نامى بقى علشان انا كمان انام ساعتين واقوم اجهز نفسى علشان اجيله
بوسى حاضر تصبح على خير
سمير وانتى من اهله ياعمرى
قفلت بوسى التليفون وهى فرحانه وحاسه انها ملكت السما حتتجوز أول واحده فى صحباتها ومش أى جوازه راجل شيك ووسيم وغنى جدا لكن افتكرت باباها
تانى يوم الصبح سمير اتصل ببوسى
سمير صباح الفل ياقمر
بوسى صباح الورد والفل والياسمين على عيونك
سمير ايه الكلام الحلو ده
بوسى انت إللى كلامك حلو وبيخلينى فى دنيا تانيه
سمير ربنا يقدرني وأسعدك
بوسى اللهم امين
سمير حبيبى عاوز عنوان شغل بابا ومواعيده
بوسى پخوف بابا بيشتغل فى مصنع كرتون فى برج العرب وبيكون هناك الساعهالصبح لحد الساعه ٥ المغرب
سمير تمام انا حروحله الشغل
بوسى طيب ماتيجى البيت
سمير لا ياحبى فى الشغل احسن لانه حيخاف من ردود أفعاله ان حد يسمعها
بوسى صح ياحبيبى عندك حق
سمير كان بيتكلم معى بوسى وهو فى طريقه من الغردقه للاسكندريه
بوسى خرجت من أوضتها فرحانه ومبسوطه كل إللى شاغل بالها انه حييجى يتقدملها يتجوزها ومافكرتش فى كلامه ولا انه عاوز يروح لابوها الشغل واختار شغله بالذات علشان يكون نقطة ضعف له مافكرتش انها بتتعامل مع عقليه مش سهله وانها طفله عمر عقلها ماحيوازن عقله أبدأ
ام بوسى شافتها والابتسامة مرسومه على وشها
الام خير ايه إللى بيضحكك على وش الصبح
بوسى فى ايه ياماما هى دى صباح الخير
الام وانتى من امتى بتقولى صباح الخير انتى تعرفى تقولى صباح الغلاسه صباح الهزار صباح الرخامه
بوسى بكره ترتاحى من غلاستى
الام ليه ناويه تسافرى
بوسى لا اقصد لما اتجوز
الام لسه بدرى على الكلام ده انتى لسه صغيره وعلى مايبجى الوقت ده حتكونى جننتينى
بوسى أنا صغيره ده انا عندى ١سنه ده البنات فى الصعيد والأرياف يتجوزوا وهما أصغر منى
الام الكلام ده كان زمان أيام الجهل والفقر دلوقتى الناس اتحضرت واتعلمت وعرفت أن البنت إللى بتتجوز فى سن صغير بتتعب صحيا جدا
بوسى بدأت تقلق من كلام أمها هى كانت مفكره ان امها حتقف فى صفها لما سمير يتقدم لكن اكتشفت ان امها عندها أسباب للرفض كمان
قفلت بوسى النقاش وقلبت الموضوع هزار بعد ماانقذها صوت نور صاحبتها وهى بتنادى عليها كالعاده
نزلت بوسى وقابلت نور وحكيتلها كل إللى حصل معاها لكن رد نور كمان معجبهاش
نور انتى بتقولى ايه حيروح لباباكى الشغل
بوسى أيوه وانا فرحانه
نور وحتبقى فرحانه اكتر لما أبوكى يرجع يديكى العلقھ المتينه ان شاء الله
بوسى انتى بتتمنيلى اتضرب يانور كده برده
نور عارفه يابوسى انا لو مش خاېفه عليكى مش حقولك كده لكن انتى عاوزه إللى يهاودك مش إللى ينصحك
بوسى انتى غلسه والله انا بحبك وانتى اختى ونفسى تفرحيلى
نور افرحلك فى خطوه صح تعمليها مش تنهى حياتك قبل ماتبدأ
بوسى انا تعبت من كتر مابشرحلك احساسى من ناحيته انا بحببببببه
نور بنفس طريقة بوسي كل ده وووووووهم
وصل البنات المدرسه وقابلوا صاحبتهم التالته رشا
رشا فى ايه مالكم مكشرين كده ليه
بوسى علشان نور عملالى فيها عاقله
نور لا علشان بنصحها بالصح
رشا بس خلاص برضوا بحكمى
بوسى ونور أيوه
رشا خلاص تحكولى وانا حقولكم مين الصح
حكت بوسى الموضوع من أول ماحصل وضحكت نور وجهة نظرها وياريتهم ماحكوا
رشا ليه يانور بتعقديها فى وشها هو حد يلاقى راجل زى ده يحبه
تور يابنتي كبير اوى افهمى
رشا وايه يعنى سنه ماهى بتقولك مش باين على شكله وانتى اعترفتى بكده
تور هو الموضوع شكل وبس
رشا اسمعى يابوسى أوعى تضيعيه من ايدك هو حد لاقى ده شباب اليومين دول كلهم بياخدوا المصروف لكن ده يهنيكى ويدلعك ويعتبرك بنته وياسلام بقى
بوسى المشكله ان بابا مش حيوافق وسمير قاللى انى اقدر اخليه يوافق لكن مش عارفه اعمل ايه وخاېفه ماقدرش على بابا وسمير يفكرنى مش عوزاه
رشا ولا يهمك سيبيها عليا انا
اما سمير كان وصل اسكندريه وعرف بوصل لمكان شغل والد بوسى
وطلب
من امن الشركه يناديه
خرج الحاج
عبدالله وهو قلقان مين إللى ممكن يجيله شغله
عبدالله اهلا وسهلا خير أؤمرنى
سمير ممكن نقعد فى العربيه نتكلم شويه
عبد الله ماشى
