روايه غزاله بفك الضبع بقلم زهره الربيع

طلعني..وانبي ما تعمل كده وانبي يا شاهر ما تعمل كده حرام عليك ...حرام..لا ..لا. وانبي لا
بس شاهر فتح العلبه وبقى يغرق البيت بحيطانه پغضب شديد
البنت كانت پتبكي وتصرخ بقت تصرخ بكل صوتها وفي ثواني كانت الضباب عبت المكان و البيت من جميع التجاهات التهب وشاهر بص للمكان پغضب ودموع ومشي
بقلمي..زهرة الربيع
شاهر فاق من شروده على خبط على الباب وكانت هناء قالت..ايه يا ابني ساعه على ما تفتح
شاهر قال بضيق... خير يا امي فيه حاجه
هناء قالت..طبعا فيه انت ايه حكايتك انهارده استغربت لما عرفت انك هنا يا ابني اليله دخلتك ازاي سايب عروستك و

بس شاهر قال بتعب..ماما معلش والله انا تعبان جدا ومش قادر اتناقش..انتي عارفه ان الي فوق دي عمري ما هعتبرها مراتي فبلاش الكلام .ده لو سمحتي
هناء اتنهدت وقالت..تمام..اجبلك تاكل ولا مش عايز كمان
شاهر قال لا شكرا ..مش قادر
هناء مشيت بحزن وشاهر مدد على الكنبه الي في المكتب ونام
عند غزل هيه كمان خرجت من الحمام بحزن ودموع ونامت على السرير وفضلت وسط افكارها الشي الي بتوزلها انها تخلص عليه باي طريقه لحد ما نامت
في صباح يوم جديد شاهر خرج من المكتب وحس بحركه غريبه في البيت فنادي على مرات عمه وقال..فيه ايه يا منمون ايه الحكايه
منى قالت بفرحه..مش هتصدق يا شاهر..جيه عريس لحور..وعارف بظروفها..وموافق..وكمان مهندس و
شاهر قاطعها وقال..حيلك حيلك اهدي..لاحسن بفتكرنا مدلوقين عليه
منى قالت انت هتعملي زي عمك.. يا سيدي انا مدلوقه عيزاها تتجوز زي كل البنات...
شاهر ضحك وقال... طب يا ستي ربنا يتمم بخير هطلع اغير واجي اتعرف عليه
في الصالون كان راشد قاعد مع العريس وقال..وانت بقى اهلك فين يا وليد يا ابني
وليد قال..انا للاسف ابويا وامي اتوفو في حاډث بس يعني لو اتفقنا هجيب عمي ومرات عمي
راشد لسه هيرد نزل منزر ومعاه حور وراشد قال..تعالي يا حور يا بنتي سلمي على الباشمهندس وليد
حور مدت ايدها وقالت بضيق مكبوت ...اذيك..انا حور عاميه ومش بشوف ..خالص ووووووو
الفصل الرابع
مدت ايدها وقالت..انا حور عميه ومش بشوف خالص
وليد سلم عليها بدهشه وقال احم عارف..انا..انا وليد
ابوها ومنزر اتوترو لما قالت كده ومنزر قال .. احم .. نسبكم تتعرفو عن اذنكم
منزر وراشد طلعو وحور قعدت وقالت ...جبت جاتو معاك
وليد استغرب وقال ...ايوه..ايوه جبت ..ليه
حور قالت طب كويس ..افتح العلبه وهات حته
وليد قال في نفسو.. عبيطه دي ولا ايه ...وفتح العلبه ودالها قطعه
حور بقت تاكل الجاتو وقالت ...اممم حلو ...طبعا انت بتقول في بالك ايه الهبله دي
وليد قال ..الصراحه اه..مستغربك شويه
حور ضحكت وقالت ..لا متستغربش كل الحكايه اني مش عيزاك تروح ترجعها تاني..العامل الغلبان الي صدق ما باعها ملوش ذنب علشان ترجعها
عند شاهر طلع اوضتو علشان يستحمى ويغير فتح الباب ودخل وكانت غزال بتلبس واتخضت وقالت بزعيق...مش تخبط ..انت مبقتش لوحدك في الاوضه
شاهر بصلها من فوق لتحت كانت بدرس رقيق وردي ولسه هتلبسه بلع ريقه بتوتر من منظرها ..بس اصتنع الجمود وقال بسخريه...هقولك على معلومه ...واحده زيك مستحيل تغريني..حتى لو وقفتي زي
ما اتولدتي فمتتعبيش نفسك
شاهر لسه هيدخل الحمام قالت پغضب...واحد تافه زيك مش مستاهل اني اعمل كدا علشانه اصلا ..انت متاخدش معايا غلوه و انا لابسه ..بس طبعا الكلام ده لو كنت عايزاك تقربلي ...
بس ريح بالك انا
مستحيل اخلي الحيونات تقربلي
بقلمي..زهرة الربيع
شاهر بصلها پحده وقال پغضب رهيب...لمي لسانك ده..علشان تطلعي بيه من هنا ..لو كنتي عيزاه يعني وانا لو عايز اطولك مش محتاج اذن منك
ولسه هيمشي قالت بسرعه..طبعا..كنت هتعملها بالعافية ببساطه..ما دي عادتك
شاهر ضم اديه پغضب رهيب وكان هينفجر حرفيا بس حاول يهدي اعصابو بالعافيه وقال..معاكي حق..كنت هعمل كده...وبصلها باستحقار وقال. بس انتي متستاهليش التعب ولا المناهده.. قال كده ببرود عكس الي جواه ودخل على الحمام پغضب
غزال كانت هتتجنن من بروده وطريقتو وكلامو ..لبست هدومها ونزلت بضيق ولقت الستات متجمعين سوا... منى وهناء وسهام وقاعدين بتوتر مستنين يعرفو رأي العريس
غزال بصت لهم باستغراب وقاات..صباح الخير
هناء قالت..صباح العسل يا عروسه نزلتي ليه كنا هنجبلكم الفطار فوق
غزال قالت..مفيش داعي انا اصلا مش بحب قعده الاوض ..هو فيه حاجه ولا ايه..حاسه الاجواء متوتره
منى قالت ..ادعيلي ...على وشك القمر في عريس كويس جدا اتقدم لحور بنتي..اه صحيح انتي متعرفيش انا معايا بنت وولد حور ومنزر حور مع عريسها جوه..وشاورت على منزر وكان بيتكلم مع راشد بعيد وقالت..وده منزر ابني ودي سهام مراتو
غزال ابتسمت وسلمت على سهام وقالت .اهلا وسهلا 
سهام قالت بابتسامه..مبروك يا عروسه
غزال قعدت معاها وفضلو بتكلمو سوا
عند وليد كان مستغرب جدا كلام حور وخصوصا لما قالتلو انو هيرجع الجاتو وقال بدهشه....معلش مش فاهم ..وانا هرجعها ليه يعني هو انا جبتها علشان ارجعها
حور قالت ...شوف يا باشمهندس انا اكتر حاجه بحبها في حياتي الصراحه مهما كانت عواقبها..انا عميه مش بشوف..وممكن ميكونش فيه امل اني اشوف..وحضرتك العريس العاشر الي يتقدملي ويمشي لان كل واحد اتقدملي جاي علشان حاجه معينه في دماغو ومنهم الي جاي وميعرفش اني مش بشوف اصلا ..واكيد حضرتك كمان ذيك زيهم ..ايه الي يخلي واحد في عز شبابو مهندس وناجح وقالولي كمان انك زي القمر..فانت مش مضطر تتجوز واحده في ظروفي الا اذا كنت جاي علشان حاجه معينه
وليد حس بالحزن عليها وقال ..احم..بس انتي مش ناقصك حاجه يا انسه حور..وموضوع نظرك ده امر ربنا
حور قالت ...انا فعلا مش ناقصه حاجه يا باش مهندس بس الناس هيه الي ناقصها كتير..ولانك واحد من الناس دول مفيش داعي تضيع وقتك ووقتي وقولي بصراحه انت اتقدمتلي ليه طالما عارف اني عميه ومتخافش الكلام ده هيكون بنا .. هقول مفيش نصيب وتاخد باقي الجاتو وتمشي
وليد ابتسم على كلامها اللطيف وبقى يبص لملامحها الكامله الهاديه وعيونها الجميله سود جدا وبيلمعو رغم انها مش بتشوف اتنهد وقال..الحلو ميكملش يا انسه حور
حور ابتسمت وقالت..اممم..مش عايز تتكلم..براحتك..كل حاجه هتتعرف مع الايام انت الي مصر تضيع وقت
وليد لسه هيرد دخل راشد وقال..ها اتعرفتو
وليد قال..اه..اتعرفنا...وممكن نتفق ونقري الفاتحه في اي وقت تحددوه
راشد فرح جدا عكس حور الي كانت متأكده ان وراه حاجه
راشد قال تمام يا ابني ممكن نستناك انت واهلك الجمعه الجايه و
بس قطع كلامهم دخول شاهر وقال...معلش اتأخرت عليكم يا جماعه
راشد قال لوليد..ده شاهر الضبع ابن اخويا
هنا وليد اتحولت ملامحو لڠضب رهيب حاول يسيطر عليه وسلم عليه بقوه وقال..اهلا وسهلا..يا شاهر باشا..مبروك..سمعت انك اتجوزت
شاهر استغرب طريقتو وسلامو الجاف بس قال بابتسامه..الله يبارك فيك يا باشمهندس..انا كمان سمعت اننا شغالين سوا ..ده هيكون مشروع هايل باذن الله
وليد قال پغضب بيداريه بالعافيه..فعلا..هيكون مشروع هايل جدا
راشد قال..طيب اقعد يا ابني انتو هتفضلو واقفين كتير
وليد قال..لا معلش..انا ورايا مشاوير كتير لاني امبارح رجعت من السفر..بس المره الجايه هجيب اهلي وهنتعرف ونتكلم..لاني حابه اتكلم معاكم اكتر وبص لشاهر وقال..وحابب نتعرف اكتر
شاهر كان حاسس بشئ غريب في كلامو بس مهتمش وطلعو كلهم سوا
في الصاله كانت منى بتقول لغزال..انا امنيه حياتي اشوفها بتتجوز زي البنات ..اصل انتي مش غريبه يا غزال حور لانها مش بتشوف اتقدمت لها عرسان كتير وكلهم طفشو فيه الي مشي بعد ما عرف ظروفها وفيه الي مشي لانو داخل علي طمع اصلا و
بس قطعت كلامها لما طلعو الشباب وراشد قال..فرصه سعيده ياباشمهندس كلهم راحو سلمو على العريس الا غزال الي اتجمدت مكانها وكانت هتقع من طولها لما شافتو
وليد بصلها بنظره عتاب وااستفهام وڠضب نظره فيها كلام كتير وغزال سبقتها ابتسامه جميله وكانت حابه تسلم عليه بقالها كتير مشافتهوش حبيب قلبها وابن عمها وخطيبها الي كانت هتتجوزو نزلت دموعها وفضلت متجمده مكانها
الكل خد بالو لنظراتهم وشاهر اتحولت ملامحو لڠضب رهيييب والجو فجأه اتوتر راشد حب يهدي الاجواء قال..تعالي ياغزال يا بنتي سلمي على الباشمهندش وليد
بس وليد فاجأ الكل وقال...معلش ياجماعه اصلها اتفاجأت ..اصل احنا قرايب غزال تبقى...بنت عمي
الكل اتفاجأ... الا حور اول ماسمعتو قربت
وهمستلو وقالت..بنت عمك..امممم..اجيب باقي الجاتو
وليد ضحك بخفه وهمس لها وقال...يوم ما احب اقطع علاقتنا يا انسه حور هجبلك علبه جاتو تانيه مش هاخد الي جبتها متقلقيش
حور ابتسمت بسخريه وراشد قال..خير يا ولاد فيه حاجه..وليد قال
..لا ابدا يا راشد بيه
حور بتسأل ازاي غزال بنت عمي ومقلتش
منزر قال..اه صحيح يا وليد ليه مجبتش سيره يعني
وليد بص على شاهر وقال...اصل اناكنت بره البلد والغريب ان محدش قلي على جواز غزال انا لما كنت هناك كنت ناوي اتقدم لبنت راشد باشا على السمع ورجعت امبارح ولما رجعت وعرفت ان غزال اتجوزت والصدفه انها اتجوزت برضو من عيلتكم مرضتش اجيب سيره علشان لو هترفضو مأحرجهاش يعني
راشد ابتسم وقال..والله دي صدفه جميله
اماشاهر فهم انو جاي وعامل الحوار ده كلو علشان غزال قال...هي صدفه تجنن الصراحه..واتقدم على غزال وشدها عليه قاصد يضايقو وقال..تعالي سلمي على ابن عمك يا غزال متتكسفيش
وليد فضل باصص پغضب وغزال مدت ايدها سلمت عليه بتردد ودموعها حبساها بالعافيه ووليد قال...مبروك يا بنت عمي ...
غزال مقدرتش ترد وهزت راسها بس ووليد سلم على الكل وبص لشاهر وقال ...هشوفك تاني يا شاهر بيه لسه فيه بنا مواضيع كتييير نتكلم فيها
شاهر ابتسم وبصلو بتحدي وبص لغزال وقال..اكيد..وهستناك
وليد مشي واول ما طلع غزال دفعت شاهر بقرف وطلعت جري على اوضتها
بقلمي..زهرة الربيع
والكل استغربو وهناء قالت..فيه ايه يا شاهر مراتك مالها يا ابني
شاهر قال پغضب وهو طالع وراها ..مفيش معدتها ۏجعاها من امبارح ...وطلع وراها بعصبيه
منى قالت بهزار..معدتها ۏجعاها معقوله تكون حامل
سهام قالت پغضب...دول اتجوزو امبارح يا حماتي حرام عليكي بقى هو مفيش معاكي غير الموضوع ده..اووووف...وطلعت هيه كمان على اوضتها بعصبيه
منزر بص لامه بيأس وقال...يماما وبعدين بقى مش تاخدي بالك
منى قالت ..والله بهزر..روح وراها المجنونه دي
منزر طلع ورا سهام وهو بيقول..سهام ..يا بت استني
راشد قال ..سبكم من لعب العيال ده..خلينا في المهم لما نتفق مع العريس هنعمل خطوبه لحور خلينا نعمل فرح منزر في نفس اليوم ونخلص علسان نعزم كل الناس وبالمره يعرفو ان ساهر اتجوز ونبقى خلصنا من العك ده مش كل يوم هنعمل حفله
منى قالت بحزن .بس منزر مش عايز يعمل حفلات وكده عاشان مراتو وبعدين انا كمان كنت عايزه اجوزو سكيتي علشان سهام
راشد اتنهد وقال..بس البنت الي خطبها متجوزتش قبل كده وعايزه تعمل فرح كفايه اننا معملناش لهم خطوبه واحنا ماصدقنا انها توافق تعيش هنا في نفس البيت ..خلينا نخلص وبعدين سهام مقدور عليها
عند شاهر
طلع ورا غزال وهو هيطق من الڠضب وفتح الباب