رايات العشق بقلم فاطمه الالفي

هحافظ عليهم 
بص يا معتز صحيح أنا بخاف على بنتي بس عندي ثقه فيك ولو كنت بس مش مطمن ليك يا بني أنا ماكنتش وافقت على ارتباطكم من الأساس بس الموضوع ان سفر البنات وكمان يبعدو عني كام يوم ده اللى صعب عليا بس اوعدك هفكر فى الموضوع وارد عليك بالليل لم اقعد مع نورا والبناات
نهض من مجلسه وصافحه وهو يغادر مكتبه ثم شركته ليستقل سيارته وهو يشعر بالضيق بسبب عدم رغبته بالموافقه ولكن اراد ان يفكر بالأمر أولا 
قاد سيارته وهو يتحدث بغيظ هو أنا هخطفها دي خطيبتي وبعدين مش لوحدنا معايا اخواتي وولاد عمي اوف بقى شكل عمى موسي مش ناوي يسبلي فرصه اقعد مع خطيبتي امال لم نتجوز هيعمل فيه ايه ربنا يستر 

داخل المشفى 
بعدما وصل اسر وايسل الى المشفى توجهو لمكتب دكتور نزار ليتحدث معه اسر وقف امام مكتبه يطرق الباب عده طرقات بعدما اذن لهم بالدخول دلف اسر أولا وايسل خلفه 
تحدث اسر بوجه باسم بشوش صباح الخير يا دكتور 
علت الابتسامة ثغره وهو ينظر لهم صباح الفل يا دكاتره 
تنحنح اسر قبل ان يحدثه بجديه بصراحه يا دكتور طالب من حضرتك إجازة بس يومين تلاته مش اكتر 
بس انت لسه راجع من اجازه يا اسر وكمان فى عجز فى القسم وماصدقنا ايسل كمان تبقى موجوده معانا انت عارف فى دكاتره فى لندن بسبب المؤتمر وكمان جدول
العمليات مليان الفتره دي 
تحدثت ايسل بهدوء ممكن نأجل العمليات الغير حرجه لفتره قصيره وانا مستعده ادخل العمليات من هذه اللحظه ونجرى اليوم العمليات الدقيقه التى لا تتحمل التأجيل 
فعلا يا دكتور مستعدين نبات انهارده فى المستشفى وماعندناش اى مشكله ننهي العمليات المستعجله ارجوك يا دكتور ده اول طلب بطلبه من حضرتك حضرتك أستاذي وكمان رئيس القسم ولازم اخد موافقه حضرتك 
والسفر طبعا ليكم أنتو الاتنين 
أنا حاليا لم استلم عملي بعد ولكن اشارك معكم العمليات لاجل الوقت 
هز نزار راسه بالموافقه تمام هبص فى الجدول واشوف الحالات اللى محتاجه تدخل فورا وبعد كده هرد
عليكم اتفضلوا انتظروني فى اوضه المساعدين 
بعد ان غادروا مكتبه التقط سماعه الهاتف واجراء اتصالا بالاستقبال بضرورة إحضار الممرضه كامله لمكتبه ثم أغلق الهاتف وهو يضيق مابين حاجبيه وهو يفكر بأمر ما 
عندما اتاها الاستداع توجهت على الفور لمكتبه دقت الباب بقلق ثم دلفت لداخل 
تحت امرك يا دكتور 
قوليلى يا كامله دكتور عاصي وصله خبر صله اسر بايسل ايه 
هزت رأسها بالنفي ماعرفش يا دكتور بس دكتور عاصي مابيهتمش باي حاجه داخل المستشفى غير باخبار المړيض وبس 
ومش عايز يوصله الخبر ده تحت اى ظرف مفهوم 
حاضر هو بعد اللى حصل من دكتور باسل والكل ألتزم بالصمت بس
ليه حضرتك مش عايز دكتور عاصي يعرف حاجه زى كده 
مالكيش فيه يا كامله انتى مطلوب منك تنفذي وبس 
تمام اللى تشوفه حضرتك فى حاجه كده حصلت ومش عارفه تهم حضرتك ولا ايه 
قولي وأنا اللى اقرر ايه يهمني وايه مايهمنيش 
من فتره اول لم دكتوره ايسل جت المستشفى واستلمت حاله ابن الوزير ودكتور عاصي مش طايقها ولا طايق وجودها فى المستشفى وكمان هو سبب غيابها الفتره اللى فاتت 
تسأل باهتمام ازاى وايه اللى حصل عاوز افهم 
كان فى حاله مريض دكتوره ايسل كانت مسئوله عن الحاله دي ودكتور عاصي اللى كان هيعمل العمليه ولم دكتوره ايسل جت تدخل اوضه العمليات حصل موقف غريب من دكتور عاصي وهو رفض تكون مساعدته فى العمليه ومش بس كده ده طردها قدام الطاقم الطبي كله وبصراحه وقتها كلنا اټصدمنا من رد فعله ده ومن يومها والدكتوره سابت المستشفى وبعدها عرفنا انها سافرت ورجعت بلدها لحد لم جت تاني مع دكتور اسر ولا حد يعرف سابته ليه وكمان رجعتله تانى ليه 
هو ايه ده 
المستشفى يا دكتور يعنى زى مافجاه عرفنا انها سافرت بردو فجاه كده وصلنا خبر رجوعها 
وازاى كل ده يحصل مااعرفش عنه حاجه هو أنا مش رئيس القسم ولا ايه طيب يا كامله روحي انتي استعدي عشان هتدخلي معايا العمليات انهارده 
حاضر يا دكتور 
بعدما غادرت كامله مكتبه لمعت عيناها بفرحه وهو يتحدث بمكر 
حلو اوى كده لو عاصي شاف ايسل تاني قدامه ممكن يفقد اعصابه وساعتها أنا هستغل الموقف لصالحي ايسل مش هتقبل باي اهانه وممكن تقدم فيه شكوى لاداره المستشفى وبعدين نعمل اجتماع وناخد قرار ضده ودي هتبقى نقطه سوده فى تاريخه المهني وهيكون غير جدير بان يبقى مرشح لرئيس الأطباء وكمان هيكون ليا ان الاولويه وساعتها هكون طيرت عاصي من طريقي ويفضل تحت ادارتي أنا 
ترك مكتبه بعدما نظر لقائمه المرضى المسئول عن حالتهم ووضع عده خطوات اسفل ثلاث حالات 
داخل شركه الراسي للسياحه 
كان داخل مكتبه يحتسي قهوته ببطئ وينظر لتلك الفتاه الجالسه امامه وهى تطلع لشاشه الحاسوب باهتمام وهو ينظر إليها خلسه دون ان تشعر بمقلتيه التى تراقبها 
تنهدت بارتياح بعد أن انهت العمل المكلفه به ثم رفعت عينيها عن الحاسوب لتطلع اليه والابتسامه تضئ وجهها 
خلاص حضرتك كله تمام واكدت حجز الفندق وسيفن استارز كمان رغم ان موضوع الكامب ده هيكون جديد ومتعه كمان 
اجابها بعمليه بس ماينفعش الفوج الالماني لان الفوج ده عباره عن مجموعه مستثمرين عرب واجانب دول 6 اشخاص ومن اهمهم اتنين من أهم للمستثمرين فى العالم مش بس فى الشرق الأوسط ولازم تكون اقامتهم على اعلى مستوي من الاهتمام والالتزام والدقه كمان مش ينفع يحصل أي غلطه يا حياه مفهوم 
فتحت فاها پصدمه أنا ماكنتش فاهمه كل ده بس اوعد حضرتك انهم هيقضو احسن اسبوع سياحه فى دهب 
ماتنسيش كمان الطيران 8 تذاكر لينا والفوج وكمان هيكون معايا افراد تانيه من عيلتي بصي اكدي انتى 8 اشخاص وأنا هبقى اشوف الاشخاص التانيه هظبط أمورهم بنفسي
نهضت من مجلسها وهى تحمل الحاسوب وتستاذنه بالمغادره 
أنا كده خلصت شغلي فى حاجه تانيه 
لا اتفضلي انتي بقى على مكتبك خلصي المطلوب منك 
غادرت مكتبه بهدوء وتوجهت الى حيث مكتبها وهى تتسال داخلها 
يا ترى جايب مين معاه من عيلته يمكن اخواته اه أكيد عشان رنا قالتلي ان هو سنجل يعنى مش متجوز ولا خاطب بس ممكن يكون فى حياته واحده لا لا اشك ده زي الرجل المقنع وغامض كمان مافيش فى حياته حد وانتي ايه يخليكي متاكده اوى يا حياه ايوه لو بيحب ماكنش هيبقي جامد كده فى التعامل وغامض وكانه بيتعامل مع كتيبه حرب مش فى شركه سياحه خالص بلاش تفكري كتير وتوجعي دماغك ياخبر بفلوس بكره مش بعيد هعرف كل حاجه فى وقتها اشوف شغلي احسن وابطل الفضول بتاعي ده شويا 
كان هاشم يهم بمغادرته لفيلا شقيقه ولكن استوقفه صوت شقيقه القوي مناديا باسمه 
استني يا هاشم انت رايح فين كده على الصبح ايه رايك تقضي اليوم معايا فى الشركه 
ابتسم له بحب وهو يربت على كتفه معلش يا زيزو اعذرني انهارده أنا ناوي اشوف اسامه معلش خليها وقت تاني يا حبيبي 
ماشي بس هتيجي معايا اوصلك الاول وبعدين اطلع على الشركه وكمان هكلم معتز يجبلك عربيه تناسبك وتقضي بيها مشاويرك وكمان يختار لك سواق كويس هو بيتعامل مع ناس كتير وهيقدر يساعدك 
استقل سيارته شقيقه وهو يتحدث بهدوء 
شوفلي موضوع الفيلا الاول ولازم تكون جنبك مش عايز أبعد عنك تاني وكمان الولاد يفضلو جنب بعض 
حاضر يا حبيبي ماتشغلش بالك بس قولي هو انت هتلاقي اسامه فى البيت مش عنده شغل ولا ايه 
تحدث بحزن لا اسامه تعبان ومابيخرجش من البيت
حماه اللى قالي كده هو كمان اداني رقم فونه بس أنا حابب اشوفه كده 
ربنا يشفيه ويعفو عنه 
اللهم امين يارب 
قاد زيدان سيارته وهو عازم على ايصال شقيقه أولا لمكان مسكن صديقه ثم يذهب الى عمله 
وبعد مرور نصف ساعة كان يصف السياره أسفل العقار ليترجل هاشم من السياره وهو يودع شقيقه ليكمل طريقه ويدلف لداخل البنايه ثم يستقل المصعد للطابق الثالث حيث يقطن صديقه وبعد لحظات وصل المصعد للطابق المنشود ليخرج منها وهو يتطلع امامه حيث الشقه وقف امامها ليدق الجرس وهو يزفر انفاسه بقوه 
بالداخل كانت زوجه اسامه بالمطبخ تجلى الصحون بعد أن تناول زوجها الطعام وتركت إبنتها الكبرى بجانب والدها لتعاونه على الحركه بارجاء المنزل وهو مستند على إبنته وعندما صدح رنين جرس المنزل اجلست والدها بالمقعد المجاور ثم ذهبت لتفتح باب الشقه لتتفاجئ برجل وقور ينظر إليها والابتسامه تعلو ثغره ويحدثها بود 
صباح الخير مش دي شقه اسامه الاباصيري
هزت رأسها بالايجاب صباح النور اتفضل ايوه دي شقته اتفضل حضرتك
اعطها علبه شكولا مغلفه كان يحملها بيده دي عشانك 
التقطتها منه شكرا على تعب حضرتك
دي حاجه بسيطه 
أقول لبابا مين 
ابتسم لها وهو يسير جانبها افضل يشوفني هو بنفسه 
هزت رأسها بتفهم ثم اشارت الى حيث يوجد والدها بابا 
ليلتفت إليها اسامه ويصوب انظاره بقوه على ذلك الشخص الواقف امامه ثم نهض من مجلسه برفق لتشق الابتسامة ثغره وهو يتفوه باسمه 
هاشم الراسي معقول 
اقترب هاشم منه بعناق قوي وهو يربت على ظهره برفق 
واحشتني اوى يا صاحب عمري 
ربت اسامه عليه بقوه عاش من شافك يا صاحبي انت كمان واحشني اوي ومالقتش صاحب يتصاحب من بعدك 
تنهد باسي ثم ابتعد عنه ألف سلامه عليك 
الله يسلمك اقعد كده الاول عشان نعرف نتكلم زى زمان عرفت منين عنواني 
جلس بالمقعد المجاور له روحت مكان بيتك القديم وقعدت على القهوه اللى كنا بنتقابل فيها زمان وسالت عنك هناك واستنيت حماك هو اللى قالي عنوانك الجديد 
تنهد اسامه وهو يخبره لم والدي توفى ماحبتش افضل هناك ماليش حد اقعد هناك عشانه وبعدين البيت قدم زى ماانت شوفت كده نقلت هنا بقى واخدت ايجار جديد 
نسيت اعرفك على بنتي البكريه روعه ده بقى يا روعه عمك هاشم صديق عمري 
ابتسم لها بحب روعه ما شاء الله ربنا يخليهالك 
عندي كمان بنتين غيرها يعنى بقيت أبو البنات روعه الكبيره فى اخر سنه فى كليه التجاره 
هاشم بابتسامه تجاره طلعالك بقى 
وعندي روضه ثانويه عامه واخر العنقود رحمه ودي بقي اولى ثانوي لسه 
ربنا يباركلك فيهم 
ويباركلك فى ولادك يا حبيبي هم عاملين ايه دلوقتي أكيد كبرو ما شاء الله 
هو راسه بحزن الحمد لله
نظر اسامه الى إبنته اعملي حاجه نشربها يا حبيبتي وبلغي ماما ان عندنا ضيف مهم اوى على الغداء
اسرعت إبنته لداخل المطبخ لتخبر والدتها بمطلب والدها 
ربت اسامه على ارجل صديقه وانت عامل ايه يااه على الغيبه يا هاشم وصلت وبقيت سفير زي ماكنت بتتمنى 
تحدث باسي وهو يزفر انفاسه بصعوبه وصلت وحاجات كتير ضاعت مني فى طريقي وأنا بحاول أوصل
ايه اللى حصل فريده رفضت ترجعلك ولا ايه حاولت اعرف باي اخبار عنك بس كنت انت قطعت الاتصال اللى كان بينا وكمان شقتك القديمه روحت سالت عنك قالو انها اتباعتك احكيلي حصل ايه معاك 
بعد لم قفلت معاك اخر مكالمه بينا وكنت عايز ارجع هنا عشان مراتي وولادي كلمت اخويا زيدان وقتها قالي ان فريده خلاص اتجوزت وسافرت وقص عليه ما حدث طوال الاعوام الماضيه 
أستمع إليه باهتمام الى ان انهى حديثه فشعر بالحزن من اجله وربت على كتفه مواسيا له 
المهم ان ولادك فى حضنك دلوقتي أكيد مش محتاج ازود عليك اقولك انك غلطت لم خبيت عن بنتك بس معلش بقي ده اللى حصل خلينا فى دلوقتي كويس اوي ان ولادك متفهمين ومتسامحين يا هاشم خدهم فى حضنك وهم هينسوى الماضي بكل وجعه وحزنه وربنا يخليهم لبعض ويباركلك فى صحتك عشان تفضل جنبهم وتعوضهم غيابك 
الحمد لله قولي انت ايه اخبارك واخبار صحتك 
الحمدلله كله خير من عند ربنا بيقولو ربه ضاره نافعه اهو ده اللى حصل معايا الشركه اللى كنت شغال فيها كانت على وشك الافلاس وخففت العماله الموجوده ورغم ان بنيت الشركه دى على كتافي وقضيت فيها عشر سنين الا ان كنت بين حلين لاكون من ضمن المستغنين عن خدماتهم لاسافر ماليزيا فرع شركه هناك كانو لسه بيأسسو وقال ايه يستفيدو
هنا بالخبرات الشباب اللى لسه متخرج واحنا يبعتونا فرع ماليزيا وقالو بمرتب اعلى وافقت بدون تردد أنا هعمل ايه يعنى وأنا كان عمري 40 سنه ومعايا زوجه وبنات المهم سافرت وبردو شيلت الشركه هناك ووقفت على رجلها والامور ماشيه تمام لحد لم إنتشر الوباء وقالو ماليزيا من
ضمن الدول الموبوءه مش خۏفت على نفسي خۏفت على مراتي وبناتي وبدل مااكون مسافر عشان امن ليهم حياتهم ارجع أنا واوصل ليهم المړض خۏفت ادخل عليهم بالمۏت مافكرتش كتير حجزت فى أسرع وقت وسبت هدومي كمان ورجعت بمبلغ بسيط وسبت كل مستحقاتي هناك بس ما بلغتهمش وقتها
برجوعي قولت اخرج من المطار على مستشفى خاصه كويسه هلاقي فيها الرعايه والاهتمام واعمل كل التحاليل واتاكد ان الفيروس ده ما صابنيش وفعلا وصلت هناك وربنا فى عز شدتي ومحنتي دي بعتلي ايد تطبطت عليه وتخفف حزني وألمي بعتلي ملاك رحمه ماسبنيش فضلت جنبي وماسكه ايدي لحد لم اطمنت عليه وبعد كده اختفت وكانها جند من جنود ربنا على الأرض عملتلي كل الفحوصات وقالتلي الحمد لله ماعنديش الفيروس بس اكتشفو ان فى مشكله فى المناعه وعشان يحددو ايه هى المشكله عملت ليه اشعه مقطعيه وظهر عندي ورم على الرئه وفضلت محجوز فى المستشفى ورفضت ابلغ حد من عيلتي وهى كانت جنبي كنت شايف فيها بناتي من حنيتها وقلقها عليه والعمليه اتعملت فى ظرف يومين بس من نزولي والحمد لله فص كامل من الرئه اتشال عشان الورم مايرجعش تاني وبعد العمليه فضلت جنبي لم فوقت واسترديت وعي بعد كده اختفت بس كانت مطمنه عليه بلغت مراتي وبناتي بوجودي فى المستشفى وقالتلهم على خۏفي وقلقي عليهم وان مش عايزيهم يشوفني وأنا كده بس أنا كنت غلطان وهى عملت الصح عشان رغم تعبي اول لم فتحت عيني ولاقيت مراتي وبناتي حواليا ماكنتش وقتها حاسس بأي ألم فعلا هم السند والضهر ليه هم الأمان والسعاده هم راحتي فعلا فضلت أسبوع كمان فى المستشفي وكل يوم انتظر اشوفها عشان اشكرها على اللى عملته معايا بس للأسف مارجعتش تاني بعد لم اطمنت عليه وكمان