قصه رائعه بقلم سولييه نصار

إلا أنها جوازها اثر فيا بشكل سئ ...حسيت أن لتاني مرة قلبي بيتكسر للمرة التانية وانا بشوفها لغيري...لسه فيه مشاعر في قلبي ليها ...رغم اني اتجوزت علا من سنتين وده بفضل منار اللي عملت المستحيل عشان تقنع أهل علا  ...وصحيح كان عندي اختيار اني اطلق علا لكن أنا اختارت اعيش معاها ...صحيح في برود ما بيننا نادرا ما بقرب منها علي أمل أن منار تديني اي امل انها حبتني بس للاسف انتهي الحلم بأسوا طريقة ..لما اخدها مني واحد واضح جدا أن منار بتحبه ....وده كان العقاپ الأسوأ علي الاطلاق ...
روحنا البيت راحت علا تنعزل في اوضتها كالعادة بس انا وقفتها 

علا ..ممكن اتكلم معاكي !
بهدوء راحت ناحية الانتريه وقعدت عليه بهدوء ...قعدت جمبها ومسكت ايديها وقولت 
انا عارف ان بدايتنا كانت غلط ...وانا غلطت ...وانتي كمان يا علا غلطتي ...
دموعها نزلت وهزت رأسها وقالت
وبندم كل يوم علي الغلط اللي عاملته ...متعرفش أنا كارهة نفسي قد ايه و...
قربتها مني وقولت
خلينا ننسي الماضي ...عايز نبقي طبيعين زي اي زوجين ...صحيح اللي بيننا مش حب كبير ...بس انا هحترمك وهقدرك والله وعمري ما هزعلك ...
بعدت عني فشديت علي ايديها وقولت
ادينا فرصة يمكن ننجح ...ارجوكي...
ابتسمت لي وهزت رأسها    جامد وانا بفكر أن مش كل الجوازات لازم تكون أساسها الحب ...انا قررت من النهاردة احترم علا واقدرها ...قررت أدفن مشاعري لمنار للابد واكون زوج يليق بعلا ...يمكن كان عقاپي علي غلطي اني اعشق واحدة مش ليا ...بس يمكن في يوم احب علا حب كبير ...يمكن 
تمت