رواية سيد القمر الاسود بقلم زينب مصطفى

تتأمل المكان بتوتر لتجد خلف الباب ثلاث غرف 
غرفتان انيقتان مفروشتان بعنايه وزوق عالي في حين الغرفه
الاخرى تتواجد في مكان منعزل قليلا و بعيد عن العيون فدخلتها مرام وهي تقول بمرح
تتااا تتاااا بتعملوا ايه من غيري أقدملكم حبيبه ذات الموهبه الرائعه و شريكتنا الرابعه في الشغل 
نظرت حبيبه بتوتر اليهم لتجد غرفه كبيره وواسعه جدا تتميز بانها عمليه وغير انيقه لا يوجد بها الا مكتبه بها العديد من الكتب والكاتلوجات الخاصه بالديكورات واربع مكاتب صغيره تحتل احدهم شابه سمراء جميله في منتصف العشرينيات من عمرها ذات عيون عسليه واسعه وشعر اسود مموج ترفعه بدون اهتمام في كعكه غير مترابطه وأمامها جهاز كمبيوتر محمول تعمل عليه وهي تمضغ علكه وتنفخها وهي تدندن باغنيه قديمه 

في حين جلس الى المكتب الاخر شاب انيق في اواخر
العشرينيات من عمره ذو شعر بني وعيون عسليه يعمل هو الاخر بتركيز على جهاز كمبيوتر محمول موضوع امامه 
مرام بمرح
هييييي نحن هنا
نظر ياسر اليهم بدهشه ثم انتبه
لوجودهم فإبتسم وهو يقف ويمد 
يده لحبيبه محييٱ
اهلا وسهلا استاذه حبيبه معلش مخدتش بالي كنت مركز في التصميم الي قدامي 
مرام بتبرم
اهلا لحبيبه بس مفيش اهلا ليا انا كمان ماشي 
ياسر وهو يتأملها بابتسامه جذابه
اهلا ليكي انتي كمان يا ست مرام ولا تزعلي 
ثم تابع بجديه وهو يوجه حديثه لحبيبه 
اعرفك بنفسي انا ياسر مسئول التصميمات هنا وطبعا بعد ما اضميتي لينا هتبقي مسئوله معايا عن القسم ده
اقتربت سارا منها وهي تسلم عليها وتقول بمرح 
وانا سارا مسئولة الحسابات والي هتطلع عينكوا وهي بتعد عليكوا كل قرش هتصرفوه
ضحكت حبيبه وهي تقول برقه 
تشرفنا وانا حبيبه وهحاول اتعلم بسرعه وان شاء مش هتندموا انكم وافقتم اني اشتغل معاكم 
ابتسم ياسر وهو يقول بجديه
انا شفت صور الديكور الي
نفذتيه في شقتك وعجبني جدا وواضح ان عندك موهبه كبيره في التصميم والا ماكنتش وافقت انك تشتغلي معانا ومتقلقيش اي حاجه تانيه سهل انك تتعلميها المهم ان الموهبه موجوده 
ابتسمت مرام وهي تقول بود
مش قلتلك متقلقيش احنا كلنا جداد وبنتعلم من بعض 
اشارت سارا لاحد المكاتب وهي تقول بابتسامه وادود
ده المكتب بتاعك والجهاز الي عليه ده يخصك بس في الاول هتشتغلي مع ياسر على جهازه لحد ماتتعلمي ازاي تتعاملي مع البرامج الي عليه
اشار لها ياسر بجديه
اتفضلي يا استاذه حبيبه اقعدي معايا هنا وقوليلي رئيك في التصميم الي شغال عليه انا بنفذ ديكور شقه كبيره بس حاسس ان فيه حاجه في التصميم مش مظبوطه 
جلست حبيبه بتردد الى جانبه في حين قالت مرام بعمليه
و انا هاروح اتفق مع الصنيعيه والعمال الي محتاجنهم مايرتبطوا بشغل مع حد تاني يلا سلام 
ياسر بتوتر
مرام خدي الاسطى عاطف معاكي بلاش تروحي تتفقي معاهم لواحدك 
مرام پغضب
ليه بقى هو انا صغيره والا ايه 
ياسر بحرج وحبيبه تتابع توتره بدهشه
لا طبعا انا مقصدش بس يعني اقصد انهم كلهم شباب صغير و رجاله وممكن يدايئوكي 
مرام بمرح
لا متخافش ان

كان على كده فانا ارجل منهم كلهم بس خد بالك انت من حبيبه و بلاش تتعبها من اول يوم
ثم خرجت مسرعه وهي تشير لحبيبه بأن تطمئن في حين جلست سارا الى المكتب الخاص بها وتابعت القيام بعملها 
وحبيبه تتابع ياسر الذي يتابع خروج مرام باهتمام وقلق اثار انتباه حبيبه ثم تنحنح وهو يعود بانتباهه اليها يعرض عليها بعض الصور التي قام بتصميمها 
ها ايه رئيك انا حاسس ان فيه حاجه ناقصه 
نظرت حبيبه للتصميم جيدا ثم قالت بتردد
هو حلو اوي بس 
ياسر بجديه
بس ايه قولي رئيك متردديش 
احنا هنا كلنا بنكمل بعض
حبيبه بتردد
بصراحه انا شايفه ان الريسبشن مليان حاجات كتير صحيح مليان تحف وانتيكات بس برضه زحمه 
يعني مثلا لو نشيل ده ونستبدله هنا 
ثم تابعت الشرح وسط اهتمام ياسر الذي تناقش معها باستفاضه في المزيد من التفاصيل لتمر بهم اكثر من ساعه وهم يتناقشون حتى انتهوا 
تأمل ياسر التصميم الذي امامه ثم قال بارتياح 
فعلا كان معاكي حق التصميم كده اجمل واشيك ومريح للعين
ثم نظر لها وهو يتابع بتقدير
الظاهر اننا كسبنا مهندسة ديكور كبيره 
ابتسمت حبيبه وهي تجيب برقه
مش اوي كده يا استاذ ياسر انا
لسه جديده و بتعلم 
ياسر بلطف 
لا بالعكس انا شايف انك مع شوية خبره هيكون ليكي مست كبير في شغلتنا 
ثم تابع بمرح
وبعدين احنا هنا زمايل يعني بلاش رسميات انا اسمي ياسر و دي سارا وبس يعني من غير القاب لو ده مش هيدايقك 
ابتسمت حبيبه براحه
لا ابدا ميدايئنيش ولا حاجه 
ثم تابعت برقه
خلاص يبقى انا كمان حبيبه من غير القاب 
ابتسم ياسر وهو يشير الى جهاز الكمبيوتر المحمول الخاص به 
طيب اتفرجي على اوضة الاطفال هي المفروض لبنوته صغيره عندها ست سنين انا لسه مشتغلتش فيها وقوليلي افكارك وانا هاروح اعملنا نسكافيه اه بتشربيه ايه
وقفت حبيبه بحرح 
لا وده معقول انت الي هتعمل لنا النسكافيه بنفسك
سارا بمرح
متقلقيش انتي كمان هيجي عليكي الدور وهاتعمليلنا كلنا اصل احنا ممشينها بالدور كل واحد فينا بيمسك البوفيه يوم ويعملنا طلابتنا علشان لسه معندناش حد بيشتغل
في البوفيه والنهارده اليوم على ياسر 
ابتسم ياسر وهو يقول بمرح
اهي سارا قالتلك على نظامنا هنا ها بتشربي سكرك أد إيه 
حبيبه وهي تبتسم بمرح
ان كان كده يبقى ماشي انابشربه بمعلقة سكر واحده 
ابتسم ياسر ثم تركهم وتوجه للخارج في حين جلست حبيبه تتأمل غرفة الطفله التي ستقوم بتصميمها باهتمام وحنين وهي تتخيل انها تصمم غرفة طفلتها هي لتشعر بالاختناق و عينيها تمتلاء بالدموع لاستحالة الفكره بالنسبه لها 
ليرتفع فجأه صوت رنين هاتفها الخاص
فعقدت حاجبيها برفض وهي ترى اسم عمر يظهر امامها فحاولت تجاهله الا انه تابع الرنين عدة مرات باصرار 
حبيبه بتوتر وهي تقف وتتوجه للخارج 
انا خارجه ارد على التليفون وراجعه حالا 
ابتسمت سارا برقه وهي تشير لها بالذهاب
فخرجت
لبهو الشركه ثم اجابت پحده 
ألو عاوز إي 
الا ان عمر اجابها وهو يقاطعها
پغضب
مبترديش على التليفون ليه 
حبيبه پغضب
انا حره ارد او مردش دي حاجه ترجعلي 
عمر پغضب
بلاش تستفزيني يا حبيبه اظن انا فهمتك مليون مره ان مكلماتي يترد عليها مهما كنتي مشغوله او حتى زعلانه لان لو مردتيش هافهم علطول انك واقعه في مشكله وعلى اساس كده هتصرف
حبيبه پغضب
يا سلام الي يسمعك كده يقول انك مهتم اوي وبعدين ملكش دعوه بيا واهتم بالحيزبونه الي مقعدها في بيتك 
عمر باستفزاز
ومين قالك اني مش مهتم بيها بس ده مش موضوعنا 
ثم تابع بجديه
بتعملي ايه في شركة الديكورات دي بقالك اكتر من ساعه 
شهقت حبيبه پغضب وغيره
تهتم بيها والا متهتمش ده حاجه متهمنيش و بعدين انت ايه الي عرفك اني في شركة الديكور إيه بتراقبني
عمر ببرود
ايوه براقبك وبراقب كل خطواتك ارتحتي 
ثم تابع بصرامه اخافتها
بتعملي ايه عندك يا حبيبه ردي علطول انا جبت اخري
ابتلعت حبيبه ريقها پخوف الا انها اجابت بتحدي
ملكش دعوه
وياريت متتدخلش 
في الي ملكش فيه انا حره اعمل الي انا عوزاه 
عمر بتوعد
بقى كده 
حبيبه بتحدي
ايوه كده يعني هتعمل ايه 
عمر ببرود
لا على الي انا افدر اعمله فانا ممكن اعمل كتير اوي 
يعني ممكن مثلا اجي دلوقتي حالا اخدك على بيتك وببت جوزك واقعدك فيه زي اي ست عاقله او اجي اطربق المكان على دماغك ودماغ الي شغالين فيه او ممكن بكل بساطه أقفلك المكان 
خالص واظن انتي عارفه اني اقدر اعمل كده 
ثم تابع بصرامه شديده
بتعملي ايه عندك يا حبيبه 
اجابت حبيبه پغضب وهي متأكده من انه يستطيع تنفيذ تهديداته بسهوله شديده
بشتغل هنا ارتحت
عمر باهتمام
بتشتغلي ايه كملي
حبيبه پاختناق
بشتغل مصممة ديكور معاهم ممكن تقفل بقى مش خلاص عرفت الي انت عاوزه
تجاهل عمر حديثها وهو يتابع استجوابها باهتمام 
مين الي جابلك الشغل ده ومصممة ديكور ازاي وانتي مش دارسه تصميم 
حبيبه باندفاع وهي تشعر انه يقلل منها 
مرام جارتي في العماره هي الي جابتلي الشغل ده معاها هي وزمايلها بعد ماشافت الديكورات الي انا عملتها في شقتي 
ثم تابعت باندفاع
وعلى فكره بقى ياسر مهندس الديكور الي انا شغاله معاه يبقى مهندس كبير اوي وعنده خبره شاف شغلي وقال ان انا عندي موهبه كبيره جدا بس ناقصني شوية خبره
انتفض عمر وهو
يقول بخطوره
ياسر ياسر مين 
ثم تابع پغضب اثار خۏفها
مين ياسر الي بتتكلمي عنه ده انطقي
حبيبه بارتباك
ده ده مهندس الديكور الي هشتغل معاه و 
ليرتفع صوت ياسر فجأه مقاطعاوهو يقول بمرح 
يالا ياحبيبه تعالي عملتلك النسكافيه وقرب يبرد 
عمر پغضب شديد
حبيبه كده عادي ومن غير القاب وعملك النسكافيه وكل ده بعد ساعه واحده قضيتيها في الشغل اومال بعد يوم والا اتنين هيحصل ايه
حبيبه پغضب
احترم نفسك واتكلم كويس مش كل الناس زيك وزي الحيزبونه بتاعتك 
ثم تابعت بارتابك
انا هقفل السكه علشان عندي شغل مع السلامه 
ثم اغلقت الهاتف بسرعه وتوجهت للداخل وهي تحاول السيطره على توترها 
في نفس التوقيت 
اتصل عمر بنادر الذي اجاب فورا وعمر يقول پغضب شديد دون ان بعطيه فرصه للكلام
معاك اسم الشركه الي حبيبه دخلتها من شويه
تجيبلي كل حاجه عنها مين الي ممولها موقفهم المالي اخلاقهم عامله اذاي كل الي بيشتغلوا فيها عاوز تقارير كامله عنهم وخصوصا واد اسمه ياسر شغال هناك قدامك ساعتين وكل الي طلبته يبقى قدامي
ثم اغلق الهاتف دون انتظار رد وهو يكاد يشتعل من شدة الڠضب والغيره 
في المساء وبعد انتهاء ساعات العمل نزلت حبيبه برفقة مرام وسارا وياسر وهم يتحدثون بمرح 
ياسر بتعب 
انا مېت من الجوع ما تيجوا ناكل في اي مطعم جنبنا 
سارا بمرح 
مطعم ايه يا بشمهندس احترم نفسك احنا في نص الشهر ويادوب الفلوس الي معانا ممشيانا بالعافيه
مرام بمرح
ولا يهمك يا سمسم وافقي انتي بس وانا هعزمكم كلكم على حسابي 
ياسر پغضب
ومين قالك ان احنا محتاجين حد يصرف علينا سارا بتهزر وانا لو ممعييش فلوس مكنتش اقترحت ان احنا نروح نتغدى بره 
مرام بحزن وقد تجمعت الدموع في عينيها 
انا مقصدش
يا ياسر انا كنت بهزر معاكم وعموما انا اسفه 
ثم تركتهم وتوجهت الى سيارتها وهي تقول لحبيبه بصوت مخڼوق
يلا يا
حبيبه علشان اوصلك معايا 
مرر ياسر يده في شعره پغضب في حين قالت سارا بعتاب
ليه كده يا ياسر حرام عليك هي كل ما تتكلم تحرجها بالشكل ده والا عشان متأكد انها بتحبك فبتبيع وتشتري فيها
ياسر بتعب وهو يشير لاحدى سيارات الاجره وعينيه تتابعها بحزن
انتي بتقولي ايه بس يا سارا دا انتي الوحيده الي عارفه اني انا كمان بحبها وبموت فيها بس مينفعش انا فين وهي فين
سارا باحتجاج 
ليه كده يا ياسر ليه بتقلل من نفسك انت بشمهندس قد الدنيا والمست قدامك وبكره هتحقق كل الي نفسك فيه حرام عليك بعذب نفسك وتعذبها معاك بالشكل ده 
فتح ياسر باب السياره وهو يتنهد پألم 
لما بكره ييجي واحقق ولو جزء من احلامي
ابقى اصارحها بحقيقة مشاعري ناحيتها غير كده مش هينفع 
تنهدت سارا بحزن وهي تجلس بجانبه في سيارة الاجرى 
في حين