رواية اوتار القلوب بقلم فاطمه الالفي
يتحرك عشان الچرح ماشى
مالك .ماشى
مالك لنفسة .يبق ماعرفش باللى حصل ربنا يستر ياترى حالتها اية دلوقتى
......
بعد أن أطمئن على جميع حالاتة المړضية ذهب إلى مكتبة وجدها شاردة تنظر فى الفراغ..
احس بطعڼة فى قلبة من منظرها هذا يود ان يمحى من زاكرتها أى الم تشعر بة واى حزن يسكن قلبها...
تقرب إليها واحتضنها بقوة ليشعرها بالامان
غصون تتعلق به اكتر وتبكى فى صمت ..
عاصم. طب ياغصون انتى مش عارفة انتى اية بالنسبالى وماحبش اشوفك ضعيفة ولا تستسلمى لدموع كدة هزعل منك
غصون بدموع. انت امانى وسندى ماتسبنيش
عاصم. اسيبك واروح فين طيب انتى قدرى ياغصونى ههههه مش غصن واحد عشان غصونى جمع وانتى بالنسبالى حاجات كتير مش غصن واحد بس
عاصم. ههههه ماعرفش انا بتكلم عن نفس انتى غصن الاخت وغصن بنتى وغصن الام رغم انك صغيرة بس ساعات اكون محتاج لغصن امى وبلقاء فيكى وصاحبتى لم تيجى تحكيلى عن أى حاجة فى أى حاجة وانتى فرحانة ومبسوطة بس لية بقى بدلعى احمد وانا لاء
غصون. هههه عشان حمودى يعنى انا بخاف اقولك عصومى تزعل هههه
عاصم .هههههه عشان اسمك مش محتاح ادلعة انا بحبة كدة وهو معبر غصونى كلها فيكى ههههه ولو دلعتينى انا راضى مش زعلان
غصون. اقولك الحق بحس كلمة ابية تقيلة وحاجز بينا وانا قررت اكسر الحاجز ههههه
عاصم .هههه بس كدة هبتى هضيع دلعينى بينى وبينك بس
غصون. ماشى ياعصومى
عاصم. طب قبل مانخرج عايز منك اخد عينة ډم عشان اطمن عليكى ممكن
عاصم. وانا عاوز اطمن عليكى اكتر
غصون. اممم طيب
عاصم. ماتخفيش مش هوجعك انا إللى هاخد العينة بنفسى
غصون. اوكية
سحب عاصم عينة ډم من غصون ...
عاصم.. اية رايك تيجى تشوفى يمن قبل مانخرج
غصون. لا مش عايزة اشوف حد
استغرب عاصم من ردها وتركها ليذهب إلى المعمل.
اشرف .تحليل اية
عاصم. عاوز تحليل شامل ومزرعة ډم كل حاجة
اشرف .بس مش هيظهر قبل اسبوع عشان المزرعة بتاخد وقت
عاصم .اوكية معاك بس ابدا فية من دلوقتى واول ماالعينة تظهر تبلغنى
اشرف. حاضر يادكتور اسم المړيض اية
عاصم .غصون سليم
اشرف. اخت حضرتك
اشرف .حاضر يادكتور.
بعد ذلك لم يذهب إلى يمن ولم يتصل عليها واخذ شقيقتة وذهبو إلى معارض الاثاث لاختيار اثاث شقة سقيقة...
غصون .وانت مش هتجوز مع احمد
عاصم .لا مش دلوقتى
غصون. طب ممكن أطلق انا دلوقتى
عاصم. مش كنا اتفقنا بعد شهرين
غصون. انا مش يفرق معايا دلوقتى من شهرين بس مش عاوزة اكون فى الجامعة ويطلب يوصلنى ويقول جوزى وانتى لسة مراتى انا مش عاوزة اشوفة اصلا قدامى وحتى محاضرتة مش هحضرها
عاصم بابتسامة. حاضر ياحببتى مش هغصب عليكى انا هتصرف واقابلة وننهى الموضوع واوعدك فى فرح احمد تكونى حرة ماشى ...
يعلم انها تتمزق من الداخل ولا يريد أن يزود من لهيب قلبها فيحاول التماسك وتنفيذ قرارها.....
وقفت تلتقط بعض الصور من الأثاث وترسلها لشقيقها ..
واحمد ولهفة يعطيهم ذؤقه وبعد عدة ساعات تم اختيار عفش الشقة واصر احمد ان يجلب غرفة إلى غصون فى شقتة يريدها ان تسكن معة عندما يتجوز عاصم ووافقت واختار لنفسها غرفة فى بيت شقيقها...
فرحت كثيرا ان شقيقيها لن ينساها أحد منهم اذا تزوج بل يتخانق عليها أن تسكن معة فاحست بالامان بوجودهم فى حياتها..
تحاول التحدث معة وبعد فترة جاء الرد البارد
عاصم. الو
يمن. ياا اخيرا افتكرت ترد عليا ياعاصم
عاصم. فى اية بس انا حاولت اكلمك امبارح بس انتى ماردتيش قولت اكيد نمتى
يمن پحده .النهاردة جيت المستشفى وكمان كان معاك غصون ومافكرتش تسأل علية وتيجى تطمن علية هو انا اية رامية نفسى عليك
عاصم .ماتقوليش كلام فارغ انا كنت مضغوط والمفروض تعرفى السبب وبعد كدة ابقى ازعلى واعملى مشكلة
يمن. ياعاصم دو انا مابشوفكش غير فى المستشفى هو احنا مش مكتوب كتابنا لية مابتجيش تقعد معايا وتشوف ماما
عاصم. انا بشوفك فى المستشفى وانتى عارفة مابجيش بيتكم لية وهانت ياستى كلها شهرين وتزهقى منى وتكونى فى بيتى
يمن بضيق .دة إللى ربنا قدرك علية
عاصم بتعب يمن انا بجهز فى مليون حاجة وغصون كانت تعبانة وطول الليل كنت جنبها و.
يمن .لا الف سلامة مع السلامة ياعاصم
عاصم. يمن ...
عاصم پغضب . يوة بقى ازعلى ولا تتفلقى اعملك اية المفروض تسمعى ظروفى الاول قبل الموشح بتاعك...
كانت فى المول تشترى بعض الملابس إلى زوجة اخيها الذى أصر عليها أن تشترى لها ملابس بنات مثل ملابسها
وابتسمت غصون عندما تذكرت احمد ..
احمد .غصنى عايزك تشترى ملابس حلوة كدة زى بيجاماتك ولبسك عاوز اعيد تاهيل لهفة وتنسى ام العبايات إللى بتلبسهم وياريت شويا لبس بيت بتاع البنانيت ماشى
غصون .ههههههه ماشى
واختارت لها كل شئ ملابس خروج وملابس المنزل وايضا بيجامات النوم....
بعد إرهاق اليوم لم تستطيع أن تأكل من شدة التعب والارهاق وذهبت فى نوم عميق...
فى الإسكندرية
وبالتحديد فى فيلا الشاذلى
كان يجلس مع والدة ووالدتة ولكن شارد الذهن لا يفكر إلى فى من خطفت قلبة الذى أصبح مجنونها...
احمد .ادم مالك بكلمك مابتردش
آدم. اسف يا بابا سرحت شويا
احمد .طب ناوى تتخرج بقى ولا عجباك الكلية اوى ومش عاوز تسبها
آدم. بجديه لا ناوى ان شاء الله
احمد. اية رايك عاوزك تمسك فرع القاهرة انا متابع هنا بس مش ماامن لحد ودة مالك انت كمان وانت ادراة اعمال وهتقدر تتصرف دى شركتك ولازم تروح وتكون متابع الشغل بنفسك
ماجدة .طب ودراستة والامتحانات
آدم بفرحة. فرع القاهرة انا موافق يا بابا
احمد. يبق تمام والامتحانات تقدر تيجى وقتها
آدم بثقه .ان شاء الله وهبق اذاكر اطمن انا ناوى اتخرج وتعتمد علية فى الشغل وهكون قدها باذن الله وتفتخر بية
ماجدة .غريبة اية التغير المفاجئ دة
احمد .مش راجل ولازم يفكر ويمسك شركاتة ماهى كل حاجة لية هو وولادة
آدم بفرحة. انا مستعد انزل من بكرة بس هاخد معايا علاء صاحبى هو مجتهد جدا يا بابا وهيساعدنى فى الشغل
احمد .مافيش مانع وشقة المهندسين موجودة تقدر تعيش فيها هناك
ماجدة بحزن .هتبعد عنى وتعيش فى مكان وانا فى مكان
احمد. ماتسببة يشوف مستقبلة ويعتمد على نفسة
آدم عادى يا ماما وقت لو تكونى عاوزة تشفينى رنيلى بس وهكون عندك ياجميل
ماجدة. يعنى كدة خلاص عقلت طب اية رايك بقى فى اختيارى
آدم اختيارك فى اية مش فاهم
ماجدة. بم انك عاوز تشتغل وتعتمد على نفسك يبق ناقصك خطيبتك ماجى بنت خالتك
آدم پصدمة. ماجى اية يا ماما دى زى اختى
ماجدة .بس مش اختك وانا اخترتها ليك
آدم. بابا قول حاجة
احمد .سيبى ابنك يختار شريكة حياتة بنفسة يا ماجدة الجواز بالذات مش محتاج ڠصب واحنا زمان اخترنا بعض يبق هو من حقة يختار الانسانة إللى تشاركة باقى حياتة
ماجدة. وهى ماجى مالها
آدم. يا ماما انا من حقى اتجوز إللى قلبى اختارها مش إللى حضرتك عايزها عشان بنت اختك
ماجدة .وقلبك اختار مين بقى
احمد .صحيح يا آدم يعنى فى حد
آدم بفرحة. ايوة فى وراة تغيرى دة فى واحدة جننتنى وراها ومش مديانى ريق حلو واحدة غير كل البنات إللى عرفتهم مختلفة عن أى حد ليها كارزمة لوحدها وخطفت قلبى بكسوفها وبلمعة عنيها العسلى وبغمازاتها وروحها الحلوة
احمد .ابنك بيحب وبيقول شعر فى حبيبتة
ماجدة. مين حد نعرفة
آدم. لا معايا فى الجامعة
اسمها غصون
.....
يتبع
الفصل الرابع والعشرون
آدم مع عائلتة يتناقش فى موضوع حبيبتة...
آدم. غصون فى الفرقة التانية تجارة وبنت كويسة جدا وملتزمة جدا جدا وهى عايشة مع اخواتها الاتنين واحد دكتور جراح وممتاز
فى شغلة والتانى دكتور باطنة ووالدتها
ووالدها متوفين واخوها الكبير هو إللى مربيها ومسؤل عنها وكمان مستواها الاجتماعى والمادى كويس
احمد. واضح انك واقع ههههه المهم عندى سعادتك وانت اخترت بنفسك وانا معاك كمان واضح ان اخواتها دكاترة وناجحين يعنى مستواهم فعلا كويس ومش مهم يابنى الفلوس المهم الصحة والتوافق وإلاحترام والمودة والحب والعشرة واخر حاجة تفكر فيها الفلوس لان الراجل هو إللى بيصنع الفلوس مش الفلوس إللى بتصنعة
آدم. انا مبسوط ان حضرتك معايا
ماجدة .وانا شايفة الحب فى عنيك واضح انها كويسة فعلا لم خطفت قلب ابنى حبيبى طب وناوى نخطبها امتة
آدم بتوتر .لسة شويا لم اشتغل الاول ولا اية يا بابا
احمد. ايوة اشتغل واثبت نفسك واتقدم وانت واثق من نفسك وربنا يسعدك يا حبيبى.
آدم بأمل. يارب ..
تحدث آدم مع همسة ويخبرها ما دار بينة وبين عائلتة وانه جاد فى الارتباط بصديقتها غصون وان تحاول ان تقربها الية..
همسة .انت مچنون يا ادم غصون زعلت منى اوى لم روحتلها الجامعة وعملت خناقة وبعدين حكتيلى ان واحدة هناك اتكلمت علية كلام مش كويس بعد لم سيادتك روحت
آدم. قطع لسانها مافيش زى غصون طب مش هدخل إللى لم تحل مشكلتها انتى مش قولتى قاعدة مع اخواتها طب مش بتطلق لية بقى
همسة .عشان جدها خاېف من كلام الناس فقالو يطلقوها بعد شهرين مثلا
آدم. طب كلميها دلوقتى عاوز اسمع صوتها واطمن عليها انا قلقان عليها اوى ومش هتكلم خالص بس دخليها معانا وانا كانى مش موجود
همسة .ادم بطل جنان والنبى
آدم. همسة عشان خاطرى والله هسمع صوتها بس
همسة .ياربى على الجنان دة طيب أياك تنطق هخسر صديقتى بسببك والله لو مش واثقة انك اتغيرت وبقيت ملتزم وبتحبها بجد ماكنت ساعدتك ابدا
آدم. اصيلة ياختى انجزى بقى
همسة حاولت الاتصال على غصون وجاء الرد وادم معهم على الهاتف أيضا
غصون بتعب .هموستى واحشتينى
همسة .لا والله كنت اتصلتى لو فعلا واحشتك
غصون .والله كنت تعبانة
آدم يتابع بقلق وصمت
همسة .مالك سلامتك ياقلبى الف سلامة
غصون .مش عارفة سخونية وجسمى كلة متكسر حتى الجامعة مش قادرة والله احضر من آخر مرة قولتلك
همسة .طب مش كشفتى لية
غصون. ههههه عندى دكتورين فى البيت واكشف عاصم جنبى وجبلي العلاج وباخدة وأحمد سافر النجع عند جدى وهيتجوز كمان أسبوعين بس هنعمل الفرح هنا ياريت تحضرى وتيجى تقعدى يومين معايا وانا هتصل اقول لطنط ترضى تجيبك
همسة .بجد والله ياريت بس مش كنتى قولتى ان احمد بعد الدراسة هو جدك دايما مستعجل
غصون. مش عارفة اية إللى جد بس انا كمان طلبت من عاصم يطلقنى بقى مش عاوزة اشوفة فى الجامعة ولا عاوزة احضر محضراتة بقبت بكرهه
شعر ادم بالفرحه تغمره بسبب حديثها عن طلاقها وابتسم بسعاده .
همسة .طيب وعاصم وافق
غصون. ايوة قلى هتكونى حرة قبل فرح احمد
همسة .طيب ياحببتى ربنا يريح بالك طب انا لم اجى هقعد فين .
غصون. احمد عندة شقة جنب شقتنا وانتى هتقعدى معايا فى اوضتى وعاصم مش هيعترض انا هطلب منة انتى واحشانى اوى وكمان هو
