تعالي يا امل عايزك في موضوع

صدمات
ريم خدت بالها من الچرح اللي ف ايده ايه اللي عمل فيك كدا
هنسيب ايدي اللي پتنزف بقا ونقعد نحكي اللي حصل واللي عمل فيا كدا انا غلطان انا هروح اي صيدلية تانية واخلي دكتورة شاطرة تطهرلي الچرح
ريم بدات تغير اه عشان تقرا الفاتحة علي روحك وروحها
بخبث الله انتي غيرانة ولا ايه
بتوتر هاااه وانا اغير ليه يعني هو انا اعرفك
خلاص ياست انتي احمريتي كدا ليه وبعدين محدش يقدر يداوي چرحي غيرك ياجميل
ماتلم نفسك ياض وهات ايدك خلينا نخلص
خلاص ياباشا اسفين
ريم طهرت الچرح بتاع مروان دا غير مشاكسة مروان ليها لحد ماخلصت
ايه اللي مخليكي فاتحة لوقت متاخر

عادي انا بفضل فاتحة كدا علي طول وبعدين الصيدلية جنب البيت
دا كان زمان ياختي انتي دلوقتي معاكي راجل
افندم!
اقصد يلا اقفلي وانا هقف استناكي لحد ما تطلعي البيت
ودا ليه ياعني شايفني عيلة صغيرة
واجمل عيلة
ياض هعورك اتلم
انتي بتتحولي مرة واحدة ليه يلا اقفلي انا مش همشي غير لما تطلعي البيت
اللهم طولك ياروح اما نشوف اخرتها
مروان قفل الصيدلية واعطي ريم المفتاح
يلا امشي بقا
لما تطلعي واطمن عليكي
انت بتعمل كل دا ليه!
يعني مش عارفة ليه ولا بتستعبطي
بستعبط!
سوري اندمجت
هنخلص !
بقولك ايه ماتجي نتكلم عشان نخلص
ياريت
بصي انا انا بحبك
اتكسفت بس اتعصبت بعدين انت عبيط ياسطا
ياسطاا ماتلمي نفسك يابت
بت اما تبتك علي باب ستك
بكلم وحدة في اولي ابتدائي انا وبعدين عبيط ليه بقا ان شاء الله
انت ماشوفتنيش غير مرتين او

تلاتة بالكتير وبتقولي بحبك
في الفترة دي انتي مطلعتيش من خيالي برائتك وضحكتك وكسوفك وكل تفصيلة فيكي هاتي رقم ابوكي بقا ومتبقيش رخمة
رخمة!! وبعدين مين قالك اني موافقة اصلا
قلبي قالي وانا عارف انك معجبة بيا فمتحاوليش تخبي اكتر هااااه
في نفسها للدرجادي انتي مفضوحة يابت ياريم
ههههه اوووووي
ايه دا انت سمعتك
صوتك كان عالي
ان انا لازم اطلع اتاخرت وجريت علي بيتها 
طب استني بس هااتي رقم ابوكي
ابقا خده من امل
وانا هكلم امل ازاي انا دا يوسف ېقتلني
تاني يوم الصبح
صحيت علي ريحة قهوتها ريحتها مميزة بتسحرني سمعت صوت اغاني جاي من البلكونة وحد بيدندن معاها صوتها جميل اووي فضلت ماشي لحد ماطلعت من اوضتي لقيت الشبابيك كلها مفتوحة وضوءالشمس مالي البيت و بابا اوضتها مفتوح دخلت بهدؤ كانت قاعدة في البلكونة ولابسة سلوبيت شتوي عليه رسومات كرتون وماسك كوباية القهوة وبتغني مع الاغنية
يا قمر على دارتنا
يا حكاية سهرتنا
يللي فتنتنا
حلوة يا جارتنا
يا قمر على دارتنا
ع تلالك ليلتنا
رقصة حملتنا
وصوبك أخدتنا
شفناك ميلنا
بهالليل و سألنا
تاريك حاببنا
ومابتقول شو زعلنا
بتحبي فيروز
جدا
الټفت بخضة انت جيت امتا
من بداية الاغنية صوتك جميل
شكرا انا هروح احضرلك فطار
هتاكلي معايا 
مش جعانة
وانا كمان مش جعان
خلاص هاكل بس شوية صغار
المهم انك تكوني قاعدة معايا واشوفك
دخلت تحضر الفطار وانا وقفت ف بلكونتها ماليها ورد وزرع شكلها بتحب النبات مسكت كوباية القهوة شربت اللي باقي منها جميلة عمري مادوقت قهوة بالحلاوة دي
الو ايه يازفت
دا بدل ماتقول صباح الخير ايه يا عم
اخلص عايز ايه
عايز اكلم امل
نعم ياروح امك
عايز اكلم امل
نعم ياروح امك
يوسف ارجوك من غير نرفزة
انت بتقول ايه ياض عايز تكلم مراتي وانا موجود ليه متجوزة سوسن
عادي ياسطا امل زي اختي وانا عايز منها خدمة
اللهم طولك ياروح ماتخلص يالاا وقول عايز ايه
اسكت هو انا مقولتلكش
لا ياخويا مقولتليش
اخص عليا بجد
اخلص ياض
خلاص ياعم انت هتتحول بص بصراحة انا نويت اكمل نص ديني
وامل ايه علاقتها بالموضوع اوعي ياض تكون ناوي تتجوزها
اتجوز ايه ياعم انا مش مستغني عن نفسي
بقلم الكاتبة المجهولة
كويس انك عارف لخص وقول امل ايه علاقتها بالموضوع 
اصل انا هتجوز ريم صحبتها
بسخرية وجاي تطلبها من امل يعني
لا ياخفيف عايز رقم والد ريم منها
ورقمه هيعمل ايه معاها
الله وانا مالي ياعم ماتسالها هيا ريم قالتلي خده من امل اخلص بقا هات الرقم
ماشي استني
امل رقم والد ريم معاكي
ايوا علي ع الفون بس ليه عايزه
مروان عايز يكلمه ويحدد معادعشان يتقدم لريم
فرحت بجد لولولولويييي
خضتيني ياامل دي زغروطة دي 
انا مش مصدقة ريم هتتجوز انا مبسوطة اووي
وانا فرحان لفرحتك
صوت مروان من الفون اجبلكو شجرة و اتنين لمون ماتخلصو ياجدعان جيبو الرقم
يوسف بغيظ مفسد للبهجة ههاتي ياامل الرقم
اكتب عندك 
تمام شكرا اوي يامل
اسمها ايه يامروان
يا يامرات اخويا
العفو يامروان انت زي اخويا ومبروك مقدما
الله يبارك فيكي يلا سلام يايوسف
سلام يازفت
قولتيلي بقا رقم والد ريم عندك ليه
عادي يعني عشان لو هيا مردتش عليا اتصل علي باباها اطمن عليها وبعدين انا وهيا اخوات وباباها زي ابويا بالظبط
اممم طب اسمعي بقا انا مش عايز رقم اي راجل غريب يكون معاكي انا وباباكي وابويا وبس
ودا ليه بقا ان شاء الله
ببرود عشان انا عايز كدا
بعصبيه وانت مالك دا تليفوني وانا حره فيه وانا عارفة حدودي كويس يااستاذ
امل متعليش صوتك
وانت ملكش الحق تأمرني انا متربية كويس اوي وعارفة الصح من الغلط
وانا جوزك وليا حق عليكي
جوزي علي الورق جوزي وروحت خونتني مع وحدة تانيه
افهمي بقا اني مكنتش في وعيي انا بحبك انتي ليه مش راضية تديني فرصة اسبتلك حبي
سابني ودخل اوضته وقفل الباب وراه بعصبية وانا وقفت مكاني ودموعي نازلة
انا ازاي اعلي صوتي عليه عمري ماكنت كدا دا اللي ربنا امرني بيه يارب سامحني
روحت عند اوضته وخبطت بهدؤ فتحلي ودخل كان مديني ضهره وقفت وانا موطيه راسي ودموعي نازلة
مش ه هتاكل !
بجمود مليش نفس
بعياط انا انا اسف مكنش قصدي ازعق والله متزعلش مني
يوسف
لف ليها بسرعة ورفع راسها مستحملش يشوف دموعها اخدها في حضنه في الاول افتكر انها هتبعده بس لا دي مسكت فيه جامد وفضلت ټعيط
متزعلش مني انا زعقتلك وخليتك متضايق مني وكدا ربنا هيغضب مني صح
بقلم الكاتبة المجهولة 
يااللله بعد كل اللي عملته فيها هيا خاېفة علي زعلي عشان متغضبش ربها هيا ازاي ملاك كدا
لا مش صح انا مستحيل ازعل منك ياحببتي وانتي مش اغضبتي ربنا كفاية عياط بقا
ببرأةبجد يعني انت مش زعلان
مستحيل ازعل من ملاكي
شكرا
انتبهت للي انا بعمله انا ازاي نسيت اللي عمله فيا بالسهولة دي ازاي 
بقلم الكاتبة المجهولة 
بجديه يلا عشان تاكل
اتنهد بحزن ماشي
عند مروان
الو
ايوا مين
جوزك المستقبلي ياحياتي
انت جبت رقمي منين
انتي هبلة يابنتي ماانتي كاتباة ع الصيدليه بتاعتك
اه صح
وانتي ازاي بقا تكتبي رقمك كداللي رايح واللي جاي يعاكسك في الفون
دا رقم الشغل عشان لو حد كان محتاج حاجة ضرورية انا معايا خط تاني خاص
امم طب ماتجبيه
نعم! اخلص قول متصل ليه 
انا ياستي كلمت باباكي واخدت منه موعد وهاجي اتقدملك
بفرحةبجد! احم اقصد

لما يبقا بينا حاجة ابقي كلمني غير كدا متتصلش عليا عشان مينفعش نتكلم
مروان فرح اوي من كلامها وانها بتحافظ علي نفسها اوك مع السلامة
في بيت والد يوسف
انا كلمت يوسف ياهدي
وقالك ايه تلاقيه زعلان تعب اوي لحد ما عمل الشركة دي ولسه ف اولها وهيخسرها
بقلم الكاتبة المجهولة 
مش هيخسرها ان شاء الله هو قالي ان امل ادته دهبها وهو هياخد قرض من البنك ويرجع يشغلها تاني
اصيلة والله وحده غيرها كانت سابته
امل متربية كويس وعارفة الاصول عشان كدا كنت مصر ان يوسف يتجوزها
ربنا يسعدهم ويخليهم لبعض
امين
يوسف قضي اليوم كله شغل وامل كانت بتعمله قهوة ومتبعاه علي طول وكل ما يتعب تشجعه انه يكمل
الوو
اخويا وحبيبي
اخلص عايز ايه
دايما قافشني
عندي شغل كتير ع فكرة
ماشي ياسطااا انا كلمت والد ريم وخدت منه معاد بكرة بالليل وانت عارف اني مليش حد في الدنيا غيرك
من غير ما تقول ياحمار كدا كدا كنت هاجي
انا مش عارف اقولك ايه شكرا اووي
شكرا ايه ياض انت اخويا يااهبل
بس لازم يكون معانا حد كبير عشان يعرف يتكلم مع الراجل
متخفش هقول لابويا وهو مش هيمانع
تسلم ياصحبي
بقلم الكاتبة المجهولة 
يلا اقفل بقا عشان عندي شغل كتير ولاحظ انك الايام دي مبقتش بتشتغل ورامي الحمل عليا
يوسف ياحبيبي مفيش عريس بيشتغل
الو الو قفل ليه مش مهم المهم اني هتجوز
احم يوسف فاضي
لو مش فاضي افضالك تعالي ياملاكي عايزة ايه
هو بصراحة مروان رايح يتقدم لريم بكرا و
روحي ياامل وافضلي معاها
انت عرفت ازاي اني هقول كدا
انا بفهم انتي عايزة تقولي ايه من غير كلام
شكرا 
تاني يوم الصبح
امل راحت لريم وفضلت معاها طول اليوم ويوسف كلم باباه وقاله يروح معاهم وقضي باقي اليوم شغل وكل ساعة يتصل علي امل يطمن عليها
ماتخلص ياعم الناس هينامو
والله ارجع واحلف ما احنا رايحين
لا والنبي خلاص
ايوا كدا اتظبط
ها قولولي شكلي حلو
لا وحش
قمر
شكرا ياعمي ياحبيبي مش عارف الناس بقت حقودة ليه
بطل حقد ياواد يايوسف دا مارو قمر
حبيبي ياحاج
بسخرية مارو وحبيبي!
فكروني لو اترفضت اخد علبة الشوكلاتة وانا ماشي
بيئة اوووي
الله مش حقي وانا اللي جايبها
بقولك ايه ياواد يامروان انا من رأيي ناكلها هنا انا وانت وناخدلهم كيلو موز وخلاص
صح يا عمي انا بقول كدا برضو
بقولكو ايه مانرجع احسن الناس زمانهم نامو
لا والنبي يلا انا ماصدقت يلا
بقلم الكاتبة المجهولة 
وصلو البيت ودخلو يوسف شاف امل شاور لها
عاملة ايه
الحمد لله
وحشتيني
ان انا هروح اشوف ريم
دخلو وقعدو مع ابو ريم واتكلمو شوية
تعالي ياريم
ريم دخلت وشايلة العصير ووشها في الارض ومروان عيونه عليها وهيطير من الفرحة
هااا ياريم ايه رايك
اللي تشوفه يابابا
والله انا شايف ان مروان شاب كويس وحيحافظ عليكي
يبقا علي بركة الله نقرا الفتحة
قريو الفتحة وقعدو شوية وكانو مبسوطين اوي وريم كانت مكسوفة بعد شوية استاذنو ومشيو
وهما تحت قدام العربية
مبروك يابشمهندس
بفرحة الله يبارك فيكي يا امل
يوسف ضربه بالبوكس في وشه
كنت عايز تكلم مين بقا ياخويا
ااه ياعم دا انت قلبك اسود اوي
فيه ايه يا يوسف بتضربه ليه
مفيش يابابا دا كان حساب قديم وبنخلصه ولا ايه
الله ع الظالم 
طب يلا هنفضل واقفين نتكلم كدا في الشارع 
انا هاخد عمي اوصله وانت خد مراتك وروح
تمام
روحنا ودخلنا البيت هو قفل الباب وقرب مني
وحشتيني اوي على فكرة اليوم كان طويل وممل من
غيرك
ان انا هروح اغير وانام عشان تعبانة 
صليتي
لا هصلي قبل ماانام
انا كمان مصلتش غيري هدومك وتعالي نصلي جماعة
ماشي
دخلت خدت دوش وغيرت طلعت لقيته مستنيني وكان مغير هو كمان
يلا
خلصنا صلا ولسه هقوم
ممكن تقعد معايا شوية لو دا مش هيضايقك يعني
تمام
فضلنا ساكتين وكل اللي هو بيعمله باصصلي ومبتسم بس
احم اخبار الشغل ايه
بحاول ارجع الشركة تفتكري هنجح
تعبت لحد ما بنتها!
تعبت دي كلمة قليلة عليها
ان الله لا يضيع اجر من احسن عملا
ونعم بالله ممكن يكون دا عقاپ من ربنا ليا!
او ابتلاء عشان يختبر صبرك
وليه ميكونش عقاپ ويكون ربنا بيخلص حقك مني 
في الحالتين يبقا ربنا بيحبك
ازاي بيحبني ويعاقبني
ماهو عشان بيحبك فبيعذبك في الدنيا عشان متتعذبش في الاخرة ربنا قال يا قوم إنما هذه الحياة الدنيا متاع وإن الآخرة هي دار القرار
يعني ايه
يعني ربنا بيقولنا ان متاع الدنيا وجمالها ميجيش حاجة جنب متاع الاخرة للي عمله صالح الدنيا فانية لكن الاخرة هنكون خالدين فيها