روايه قسوه ثم عوض
انت في الصفحة 1 من صفحتين
يا ماما انا عايزة اكمل تعليم وادخل كلية كويسة وأعلي مستوانا المادي
عفاف بقسۏة لا مش هتكملي احنا مش معانا فلوس تدخلك انتي واخوكي اخوكي الكبير أولي وهيحسن مستوانا مش انتي
_والله ما هأخد منكم حاجة هنزل اشتغل وهدفع مصاريف الكلية من معايا
_انا قولت اللي عندي وانتي هتخدي دبلوم وتقعدي تساعديني في شغل البيت وتخلي بالك علي أخواتك الصغيرين
_يا بابا لو سمحت كلم ماما حاول تقنعها
سعيد كان هيتكلم بس سكت لأنه عارف جبروت مراته وأنها متحكمة فيه زي اللعبة ولو اتكلم هتطرده بره البيت لأنه بإسمها
محمد اخوها پحقد عايزة تدخلي كلية عشان في الآخر تجيبلنا العاړ وتتعرفي علي شباب روحي يابت علي المطبخ اعملينا الغدا كتك القرف في شكلك اللي يسد النفس
هند بكسرة وهمس حتي انت يابابا
بعد 3 سنين
اشتغلت في مصنع ملابس بعد محيلات كتيرة لبابا وماما لما شافوا أن نفسيتي تعبت وافقوا
خدت دبلوم تجارة وده مكنش طموحي ولا حلمي أنا وقت الإمتحان حليت أي حاجة من كسرتي من أهلي وأحلامي اللي ضاعت
ومحمد خد دبلوم بعد ما كان بيأخد فلوس من ماما وبيصرفها علي صحابه في الكافيهات وسقط في الكلية فحول وخد دبلوم
روحت بعد يوم متعب وطويل في الشغل لقيت خالتي وعيالها موجودين عندنا
_كويسة يا عيون خالتك انتي عاملة ايه
_الحمد لله ماشية
عفاف بحدة تعالي يا هند عايزاكي في حاجة
_حاضر ياماما
بعد شوية
_عبد الله ابن خالتك جه عشان يتقدم حسك عينك ترفضي والا انتي عارفة هعمل فيكي ايه وأقسم بالله مش هرحمك يا حيوانة فاهمة ولا لأ
هند بدموع فاهمة فاهمة
عفاف بقرف روحي يلا البسي حاجة عدلة بدل القرف ده
_حاضر
عفاف سالتها وخرجت من الأوضة وهي وقفت قدام المرايه وبتكلم نفسها پجنون
_قرف ده أنتي طول عمرك بتضحي بيا عشان خاطر اخواتي وعمرك ما فكرتي فيا هدوم لا مفيش فلوس الاقيكي في نفس اليوم جايبة لاخواتي كل حاجة لأ لأ ياربي خليك معايا و ما تسيبنيش
بعد شوية
سعاد خالتها بفرحة احنا طبعا عيلة واحدة ومفيش بينا كسوف احنا جينا النهاردة يا حج سامح نطلب ايد هند بنت اختي لابني عبد الله الله يحفظه
سامح بتوتر نأخد رأي ......
عفاف بسرعة علي خيرة الله يا سعاد وهند موافقة مش هنلاقي أحسن من عبده يكون جوزها مش صح ولا ايه يا هند
هند لسه هترد ......
قسوة_ثم_عوض
شروق_حسام
الجزء الثاني
هند لسه هترد محمد رد بحدة واحنا من امتي يا ماما والبنت عندنا بيتأخد برأيها هند هتتجوز عبد الله لأننا مش هنلاقي أحسن منه
سامح بحزن علي خيرة الله يا جماعة نقرأ
