رواية حياه اهلكت جذورها كامله

لازم انزل القاهرة حالا يامعلم 
الحاوي قاهرة ايه اللي تنزلها دلوقتي .. احنا لسة مخلصناش إجراءات التسليم ياحازم
الكلام دا مفيهوش هزار دي فلوس ناس
حازم وانا بقووووولك انا لازم أنزل القاهرة حالا .. حوار حياة أو مۏت لا يقل أهمية تماما عن اللي احنا واقفين نعمله 
معاك بقيت رجالتي وهيكملوا هما معاك كل حاجة 
سلام عليكم 
سابه وجري ركب عربيته واتحرك ناحية القاهرة 
في المستشفى 
إيمان جاية عليهم بټعيط الممرضة بتقولي إنهم دخلوا البيبي الحضانة .. وأسماء دخلت العناية المركزة 
البيبي حالته بتستقر إلى حدا ما 

بس أسماء لسة مش باينلها حاجة 
ماجدة جيب العواقب سليمة يارب .. جيب العواقب
سليمة 
صالح رهف .. تعالي ثواني عايزك 
دخل صالح على الغرفة ووراه رهف .. قفل وراهم الباب وراح قعد
صالح تعالي يارهف اقعدي جنبي 
رهف رايحة تقعد جنبه 
رهف خير يابابا .. فيه حاجة ولا ايه 
صالح سامحيني يابنتي .. انا عارف إني شكاك شويتين ومبصدقش بسهولة 
بس يعلم ربنا انا بعمل دا من خۏفي عليكوا وحبي فيكوا
رهف انا مش فاهمة يابابا انت ليه بتقول الكلام دا 
صالح انا لسة جايب نتيجة التحليل دلوقتي 
رهف پخوف تحليل ايه 
صالح تحليل ال 
رهف بتبلع ريقها طيب خير 
صالح بابتسامة الطفل اللي في بطنك يبقى إبن مروان فعلا 
انتو مكنتوش بتكدبوا عليا 
بيطلع التحليل يديهولها
رهف بصت ع التحليل اټصدمت وبرقت 
بصت في الأرض وحاولت تستجمع اعصابها 
بينها وبين نفسها إبن مروان !
ازاي يعني !!!! انا مش مصدقة 
صالح مالك مستغربة ليه كدا !
رهف هو انت متأكد من النتيجة يابابا
صالح هو انتي فاكراني تلميذ ولا ايه
انا اختارت المركز دا بالذات عشان ليا واحد معرفة هناك كفلته يفضل مراقب التحليل لحد مانتيجته تظهر .. واكدلي النهاردة بنفسه إن النتيجة مطابقة 
رهف تمام .. أهم حاجة تكون اتطمنت 
صالح
اتطمنت ياحبيبتي 
يلا قومي روحي مع جوزك بقا وتعالوا بكرا الصبح
رهف لا لا بكرا ايه .. انا مش هسيب أسماء هنا وامشي 
صالح وانا بقولك قووومي روحي .. انتي تعبانة زيك زيها وقاعدتك هنا ملهاش اي لازمة 
هي دخلت العناية والواد في الحضانة وهيمشونا من المستشفى دلوقتي عشان الزيارة ممنوعة أصلا بسبب كورونا وزفت 
رهف ماشي يابابا 
بعد ساعة 
مروان ورهف داخلين الشقة 
رهف انا داخلة اغير هدومي 
مروان ما تعملي اللي تعمليه انا مالي 
رهف داخلة على جوا ماشي
مروان باستغراب مالها دي !!
دخلت رهف قفلت الباب على نفسها .. طلعت التحليل من الشنطة 
فضلت تبص للتحليل 
رهف ازااااااااي .. إبن مروان ازااااااي عاوزة افههههههم 
جاتلها رسالة ع الواتس اب من رقم غريب مختلف عن اللي بيبعت كل مرة
فيديو 
شخص بيصور من برا عربية .. رهف نايمة متخدرة شخص وشه مش باين شالها ونزل بيها من العربية .. مشي بيها حوالي متر 
دخل مخزن ونيمها على الأرض .. طلع من جيبه أنبوبة صغيرة فيها مادة 
خرج دكتور كان قاعد في أوضة من أوض المخزن .. اخد منه المادة وعملها تلقيح صناعي 
نفس الشخص لبسها تاني هدومها وشالها خرج بيها ركبها العربية في نفس مكانها 
الفيديو خلص 
رهف ماسكة الفون عمالة تعيد وتزيد في الفيديو ومبرقة 
عينيها مدمعة .. مش مصدقة إن دا كله حصلها من غير ما تحس 
مليون سؤال في دماغها واهمهم 
قدروا يوصله للسائل المنوي بتاع مروان ازاي ... ولو قدرنا نعرف إجابة السؤال دا هيتبقى سؤال أهم منه 
اللي عمل كدا ايه مصلحته في كدا !!! 
فجأة سكتت رهف حوالي خمس دقايق متواصلين .. 
فجأة قامت .. فتحت باب الأوضة 
رهف مروان .. يامرواااان
مروان جاي بيجري ايه يارهف في ايه 
قعدت على السرير
رهف تعالي اقعد 
مروان بيقعد هو كمان نعم 
رهف بقالك فترة طويلة هتتجنن وعمالة تسألني مليون مرة في الثانية عن تفسير اللي حصل صح 
مروان أيوة
رهف طيب .. تدفع كام وتعرف 
مروان أدفع اللي انتي عايزاه .. من جنيه لمليون
رهف وانا بقا مش طالبة فلوس خالص 
هو طلب واحد هطلبه منك .. لو نفذته من غير تسأل كتير الليلة دي مش هتخلص إلا وانت عارف تفسير كل حاجة 
مروان وايه هو الطلب 
رهف تجيب ازازة شامبانيا وتشرب منها كاسين كاملين بالظبط وترمي بقيت الازازة
مروان ايه الطلب
الغريب دي !! مانتي عارفة اني مش بشرب
رهف قولتلك من غير ما تسأل كتير .. عندك إستعداد تنفذ الطلب ولا اغير رأيي 
مروان بيبصلها بتحدي مستعد 
رهف تمام يلا 
قام مروان فتح باب الشقة ونزل ..
رهف الليلة دي هتكون أهم ليلة في حياتنا احنا الاتنين يامروان .. ليلة هتفضل فاكرها طول حياتك 
بس اللي هيحصل بعدها هيكون أهم بكتير وهيعلمك درس عمرك ما تنساه .. من هنا ورايح رهف الغلبانة ماټت واتدفنت 
واتولدت رهف جديدة مش هتنام تاني إلا ما تجيب حقها وحق ابنها اللي اتحكم عليه إنه ابن حرام قبل ما ييجي الدنيا
تفتكروا رهف ناوية على ايه المرة دي 
قامت رهف دخلت الحمام .. أخدت شاور 
لبست أحلى حاجة عندها في الدولاب
عملت ميك اب سيمبل تحفة .. مع رشة برفيوم خفيفة
تجنن 
طلعت كيس ورد أحمر صغنن وبدأت تزوق في الشقة وبالذات السفرة .. وترص شمع في كل مكان وتولعه 
مروان بيفتح باب الشقة ومعاه ازازة الشامبانيا 
دخل الشقة .. بدأ يبص على كل مكان في شقة باستغراب 
رهف خارجة من أوضة النوم .. بشكلها الجميل الجذاب دا 
مروان باستغراب ايه دا في ايه !
رهف بتقرب عليه ايه ياحبيبي مالك 
معجبتكش المفاجأة 
مروان مش حكاية معجبتنيش أنا بس مستغربك 
رهف لا لا متستغربش ولا حاجة .. جبت الشامبانيا 
مروان اه اهي .. هتقوليلي الحقيقة امتى بقا 
رهف بتبرق الله مالك مستعجل ليه كدا هو احنا حد بيجري ورانا 
بتشده من ايده تعالي كدا اقعدي قدامي ع السفرة في الجو الحلو دا 
مسكت ازازة الشامبانيا وصبتله كاس 
رهف اشرب بقا الكاسين اللي اتفقنا عليهم
مروان رهف انا ...
رهف جرا
ايه يامروان مش حابب تعرف الحقيقة 
انت فاكرها بالساهل كدا 
مروان اللهم طولك ياروح .. ماشي يارهف 
ادي الكاس اهو 
بيشرب الكاس غمض عينه وشرب بالعافية
صب كاس تاني .. بدأ يشرب بالعافية بردو
مروان ها .. خلاص كدا 
رهف بخباثة عارف ياحبيبي .. دايما ابن آدم دا خطاء كدا 
مهما ېعاشر ويحب ويتحب ويعيش مع البني آدم طول حياته
بتبص كاس تالت في لحظة ممكن ينسى كل حاجة ويشك فيه 
بترفع الكاس عشان تشربه تاني 
تعرف دا ليه بقا 
مروان بيشرب شوية ليه يارهف 
رهف
عشان دايما مش اللي شايفينه بيكون الصح 
يعني مثلا انا طول الوقت شايفاك قدامي .. وفجأة حسيت إني معرفكش 
بتشربه بوق تاني لما عرفت إن فيه حاجات كتير انت مخبيها عني معرفش عنها حاجة 
مروان بيبدأ يدوخ حاجات زي ايه مثلا 
رهف أحمد الخواجة .. وأخوه خالد الخواجة 
تعرف بشتغل فيها في داهية وانا كمان هتحبس 
كريم رفض يعمل دا عشان ميغدرش بيا طبعا 
هدده إنه هيسلم الوصولات دي للحكومة ويحبسه 
رهف تمام وبعدين 
مروان بيحاول يركز اكتر وعشان كدا قابتله فعلا .. وخدرته
واخدت مفتاح مكتبه من جيبه وروحت فتحت المكتب وخدت الوصولات 
المخدر أثر عليه فترة عشان كان شديد .. دخل المستشفى يومين وخرج زي الفل يارهف
ڼصب ايه بقا وبت... وبتاع ايه
رهف طب تمام اوي .. انا بس كنت بتطمن 
مروان هاااا .. احكي بقا 
رهف تفتكر في الوقت الرومانسي دا ينفع نتكلم في حاجة زي دي 
مروان بيحاول يبرق ويتعدل انتي قولتيلي هحكككي يارهف 
رهف بدلع وافرض محكتش
مروان اتعدل وقام وقفها وسندها على الحيطة .. حط ايده جنبها من الناحية دي والناحية دي وعينيه في عينيها 
مروان رهههههف .. كفاية اوي لحد كدا 
انا تعبت يارهف .. تعبت بجد ومبقتش قادر 
رهف مبقتش قادر على ايه 
مروان انا بحبك يارهف .. بح.. بحبك اكتر ما حبيت أي حاجة في حياتي 
من أول يوم شوفتك فيه حسيت إنك مينفعش تكوني لغيري 
عينه بتدمع والسكر بيبان عليه اكتر فكرة إن غيري لمسك هتموتنننننننني يارهف 
بيمسك ايديها بيحطها على قلبه فيه ڼار هنا .. ناااااار مبتطفيش 
رهف في ايدك تطفي الڼار دي لما تحس إني مراتك بجد وبتاعتك لوحدك 
مروان بيضيق عينه وبيركز ازاي 
رهف انا مراتك يامروان .. فاهم يعني ايه 
مروان في الوضع دا .. وباللي انتي لبساه وعاملاه 
متتفهمش غيري بط... طريقة واحدة بس 
رهف وايه هي 
لف مروان من وراها .. شالها 
دخل بيها على جوا لفت ايديها على رقابته وابتسمت 
رهف بينها وبين نفسها عمري ما كنت أتمنى تيجي كدا يامروان .. بس مدام وصلنا للمرحلة دي 
يبقى انا عندي إستعداد أعمل ااااي حاجة 
تاني يوم الصبح 
مروان بيصحى من النوم .. فتح عينيه
بدأ يستوعب اللي بيحصل ... بص حواليه وجنبه على السرير 
هو ايه اللي حصل امبارح 
قام وقف وقعد يدور على رهف في الشقة كلها ملقاهاش
رجع تاني اوضة النوم .. بدأ يعصر في دماغه ويحاول يفتكر ايه اللي حصل 
مروان مش قادر افتكر حاااجة 
طيب اهدى اهدى يامروان .. انا أحاول اراجع تسلسل الأحداث يمكن افتكر 
فلاش باك 
انا أول حاجة نزلت اجيب الشامبانيا بيفتكر زيادة رجعت لقيت رهف قاعدة مستنياني وبتحاول تشربني شربت وبعدها ....
مروان بيبرق يانهار اسود 
بيتلفت على الملاية والدم 
مروان يعني اللي انا افتكرته دا حقيقي !!! 
بس ازاي .. ازاااااي وهي حامل من واحد غيري 
فتح الواتس اب .. رهف بعتاله كذا رسالة
فتح المحادثة 
اه يامروان .. اللي افتكرته دا صح 
احنا امبارح مارسنا حياتنا الطبيعية كزوجين طبيعين ... كنت حابب تعرف الحقيقة مش كدا 
طيب تعالى نعرف الحقيقة واحدة واحدة مع بعض
أول حاجة انت اكيد شوفت ملاية السرير جنبك وفهمت وزمانك متجنن 
طيب .. نيجي لتاني خطوة ودي الأهم 
روح أفتح درج التسريحة كدا 
ساب مروان الفون من ايده .. راح فتح درج التسريحة .. لقى قدامه نتيجة تحليل ال 
فتح التحليل وشاف النتيجة 
مروان اټصدم وبيبرق مطابقة 
ازاي يعني الطفل دا يبقى إبني انا !!!
رجع تاني مسك الفون وفتح المحادثة عشان يكمل 
طبعا زمانك دلوقتي مصډوم ومش عارف تاخد نفسك من الازبهلال .. لا ياحبيبي وسع خلقك معايا كدا لسة يومنا طويل 
افتح الفيديو دا ... 
والرسالة اللي بعدها باعتة الفيديو اللي اتبعتلها قبلها بيوم الطريقة اللي اتعملها بيها تلقيح صناعي 
مروان بيتفرج ع الفيديو مبرق وساكت 
الفيديو خلص .. قفله وبدأ يشوف الرسالة اللي بعدها 
طبعا زمانك اټصدمت اكتر دلوقتي .. والسؤال اللي زمانه محيرك 
عينة السائل المنوي دي جت منين ! 
بعد الرسالة دي هبعتلك ريكورد مكالمة لصاحب المستشفى اللي روحنا فيها انا وانت من ٣ شهور بالظبط نعمل التحاليل اللي قبل الجواز 
فتح
الريكورد 
صاحب المستشفى والله يااستاذة رهف انا مااعرف ايه اللي حصل .. يومها انتو مشيتوا من هنا سلمتهم العينات بتاعتكم وقولتلهم يبدأوا شغل
تاني يوم الصبح جايين المعمل لقينا كل العينات موجودة ماعدا العينة بتاعتك انتي وأستاذ مروان جوزك .. ازاي دا حصل ومين خدهم معرفش !! 
قفل مروان الريكورد 
رهف أظن دلوقتي انت عرفت الحقيقة كاملة مش كدا 
محبتش أقولك على ولا دليل من دول غير لما اجمعهم كلهم مرة واحدة .. عشان اجي دلوقتي واسألك سؤال واحد 
فاكر يامروان يوم ما قولتلك هييجي اليوم اللي هتندم فيه وهتضرب