روايه جديده فيروز وايوب بقلم ايمان الرشيد

علي شعرها قائلا 
حمدلله علي السلامه
ابتسمت بهدوء
الله يسلمك.....انا...بقالي كتير....غايبه كده
رفع اصابعه الثلاثه 
٣ ايام !
ابتعد عنها لتردف 
حصلك حاجه
كنان 
لا.....اديني واقف قدامك اهو صاغ سليم
اكمل
هنادي الدكتور واجي ....متتحركيش عشان متتعبيش نفسك
اؤمت براسها بالموافقه واخدت تنظر الي الغرفه من حولها باستكشاف
عم الفرح مرة اخري علي ارجاء المنزل بعد مهاتفة كنان لهم
علم الجميع بنجاتهم ....ولم يخبرهم كنان بما حدث لسلاف
اقترب اسر من بدر وهمس مبتسما 
ها لسه برضه ناويه تندميني علي اليوم اللي جيت فيه هنا

ضحكت بخفوت وتركته وذهبت ....وهي تعلن خضوعها لقرارات قلبها واستسلامها في حرب لم تكن ستجدي فيها نفعا سوي آلم قلبها وحسب !!
دخل اليها ليجدها كما تركها من ذي قبل
حمحم لتشعر بوجوده ....نظرت اليها مردفه
كنان
اجاب 
ايه تعبانه
سلاف 
لا...بس...المخده اتزحلقت من تحت راسي....ومش عارفه اعدلها...ممكن تعدلهالي
ابتسم بموافقه وتقدم ناحيتها .....وقف ورائها ليعدل لها الوساده بالطريقه التي تريحها
كانت تستنشق رائحته في تلك الدقائق القليله......تتذكر لمسات يده الحانيه لها في الصباح ......تتمني لو كان عارضها في قرار الانفصال .....كانت ستتراجع عن قرارها وتكمل تلك الزيجه برضاها
ابتعد عنها قائلا
حاجه تانيه
هزت رأسها يمينا و يسارا دليل علي رفضها
جلس علي المقعد بجوارها واكمل 
انت كويسه دلوقتي
سلاف 
اه الحمدلله
اكمل بتساؤل 
سلاف
اجابت
نعم
كنان
انت وقفتي قدامي ليه
سلاف 
انت كنت مستعد تضحي بحياتك عشان تنقذني وترجعني تاني .....يبقي الطبيعي لما احس ان حياتك في خطړ هعمل زي ما انت عملت !
كنان 
هو انت لسه عند قرارك
اردفت بتساؤل
قرار ايه
كنان
قرار الطلاق
الفصل التاسع والعشروناحبك!
تسارعت انفاسها بسبب حديثه......الن ينتظر حتي وصولهما الي مصر ....يريد التخلص من تلك الزيجه بسرعه هكذا
نظرت له بمشاعر مضطربه
انت عايز ايه ياكنان
كاد ان يكمل حديثه ليقاطعه صوت طرقات الباب
قام بضيق ليفتح الباب ليجد وليد امامه
عايزينك تحت ياكنان
هي !.....الان تاكد ان هي من اعادت لقلبه الحياه!......في الاوان الاخير كاد ان يجن بسبب عدم وجودها بجانبه ! ....لكن ماذا لو اصرت علي قرارها....لو اخبرته انها تريد الانفصال
لن يستطيع منعها و اجبارها علي بقائها معه!......لقد تزوجته اجبارا عنها.....والان قد عاد حازم ليهدم
كل شئ من جديد!.....
ڼار مشتعله بقلبه لقلقه الزائد.....يمشي ذهابا وايابا وبداخله ېحترق!!
بدأ وليد الحديث
في ايه ياكنان ....بقالك ربع ساعه رايح جاي مالك
جلس كنان قائلا بضيق
متضايق......متضايق من اني مش عارف اقولها تفضل معايا ....ولا عارف اقولها تمشي! .....مكنتش متوقع اني هحبها!....كنت فاكر ان اخرها هنطلق برضانا وكل واحد يشوف حاله وحياته .....افتكرت اني مش هعرف احب حد تاني غير رحمه .......معرفش انها هتقلب حالي كده !
وليد 
طب قولها.....قولها اللي انت حاسه ياكنان....متسيبهاش تمشي وتروح من ايدك.....مش يمكن لو عرفت تفضل معاك ...يمكن تكون هي بتبادلك اصلا نفس الشعور ومش عايزه تقولك عشان اللي قولته يوم كتب الكتاب
نظر له بفتور
وممكن ترفض برضه وتطلب الطلاق....ابقي استفدت ايه كده
زفر بضيق
انت ليه بتفترض الاسوء دايما....جرب مره واحده بس في حياتك تعمل حاجه من غير ما تكون حاطط لها حسابات وتوقعات!
دخل الي غرفتها ليجدها مازالت نائمه....اغلق الباب بهدوء وتقدم ناحيتها
وقف امامها لينزل الي مستواها ويقبل راسها ...واستقام في وقفته وحمحم
سلاف....سلاف اصحي ..يلا مش عايزه تمشي ولا ايه
فتحت عيناها ببطئ لتستأنف
صباح الخير
ابتسم
صباح النور...يلا قومي بطلي كسل....الدكتور كتبلك خروج ...مش عايزه ترجعي هناك ولا ايه
ضحكت بخفوت
اكيد عايزه ارجع....انا سافرت بما فيه الكفايه
سعلت بآلم لتحتل علامات القلق وجهه
انت كويسه ...انادي الدكتور
اكملت
لا...لا هات المايه بس..وساعدني عشان اقوم البس
تناولت منه الكوب...لترشف منه عدة رشفات وتتركه
اقترب منها ليساعدها علي النهوض....حاوطها بذراعه لتقوم بمساعدته
كادت ان تتركه ليزداد في ضمته لها ويمنعها من التحرك....ادارها له ليصبح وجهها بمقابلته ...اقترب منها لتزداد المسافات قربا
وتختلط انفاسهما السريعه....اغمضت عيناها بتوتر وفرح مختفي...ادرك هو وضعهما ليتركها سريعا ...أحرجت سلاف لتلملم شتات نفسها 
ااا....مش هتاخر
مضت نحو المرحاض واغلقت الباب لتقف محاوله تهدأت دقات قلبها الغير منتظمه من التوتر!
خرجت معه ناحية السياره بحرج....كلما تذكرت ماحدث منذ قليل تزداد حرجا!....جلست بجانبه بصمت حتي وصلوا الي مطار الاردن
بعد ساعات...
هبط الي مطار القاهره بسلام لينهي اجراءات الخروج ويستقلا السياره
المتوجهه الي منزلهما
ثلاثتهم ينتظرون الرجوع علي احر من الجمر!
وليد الذي ظهر عليه علامات الاشتياق ل ايه ينتظر رجوعه لها لينهي اجراءت خطبتهما باسرع وقت
سلاف تنتظر ملاقاة عائلتها وصديقتها المقربه فبداخلها الكثير لترويه لها
كنان يريد معرفة قرار سلاف في قرار الانفصال ولن يستطيع محادثتها الا عند
عودتهما الي المنزل ...اذا قبلت العوده