الخاطبه بقلمي دودو محمد

فى الدنيا كلها مش هتجوزه
تنهدت بحزن وقالت بصوت مخټنق
يا بنتى مافيش وقت لكلام ده المړض بياكل فى جسمى وانتى ملكيش حد بعد منى عايزه اطمن عليكى قبل ما اقابل وجه كريم عايزه اوديكى بيت جوزك بنفسي وانا الصراحه ارتحت اوى لدكتور ده شهم وابن حلال والله انا مش عارفه انتى رافضه ليه ايه حصل لكل ده
وضعت يدها على وجهها وقالت بصوت مخټنق
ساره ابوس ايدك بلاش سيرة المۏت دى تانى ربنا يجعل يومى قبل يومك وبعدين مين ده اللى شهم وابن حلال ده ساڤل وقليل الادب عمل كده علشان حاجه تانيه فى دماغه فاكرنى سهله وهفرح بى على أساس أنه دكتور وشاب ووسيم وعنده عربيه ياخد منى اللى عايزه ويعيش يومين
ويرمينى زى الكلبه اصلك مشوفتيش نظراته ليا عامله ازاى واحنا فى العربيه ولا لما كان عايز يركبنى معاه العربيه لوحدنا بحجة أنه عايز يوصلنى اسكتى يا ماما النوعيه دى مش سهله بيبقوا فرحانين بنفسهم ومش فاضين غير أنهم يلعبوا ببنات الناس
حركت رأسها بالرفض وقالت
لا كلامك مش صح يا ساره لأن لو زى ما بتقولى كده ايه اللى هيخليه يروح يشوف عروسه فى مكتب الخاطبه وحتى لو زى ما انتى بتقولى وجوده فى مكتب الخاطبه بيأكد أنه شاب كويس وعايز الحلال وبيدور على بنت تصونه وتصون عرضه
تكلمت بضيق وقالت بعدم رضا
ساره يووووه بقى يا ماما أنا رفضه وخلاص ومش هروح مكاتب تانى علشان ادور على عريس أنا هستنى نصيبى يجى لحد عندى
نظرت لها بضيق وقالت
وهيجى لحد عندك ازاى بس وانتى قاعده فى البيت لا بتروحى ولا بتيجى علشان حد يشوفك اسمعى كلامى يا بنتى ووافقى ربنا يهديكى
حدقة بها بعدم تصديق وقالت
ساره انتى بتقولى ايه يا ماما مستحيل اوافق على الشخص ده ومتحاوليش علشان ده من سابع المستحيلات
ثم نهضت وقالت بصوت مخټنق
هدخل اغير هدومى علشان اعمل الاكل عن اذنك
وتركتها واتجهت إلى غرفتها
نظرت إلى أثرها بحزن وقالت
ربنا يهديكى يا بنتى ويصلح حالك وتوافقى على العريس ويفرح قلبى بيكى قادر
يا كريم .
مر عدة ايام