رواية رائعة للكتابة بوسي محمود

من غير اذن
دعاء ليه هو الواحد مايننفعش يدافع عن نفسه
مصطفى اهدي انتي يا دعاء واستني
الظابط لا يا ختى هتدافعي وهنبعت لابوكي يسمع بنته المحترمه 
دعاء ايه اللي انت بتقوله ده انا محترمه ڠصب عن اي حد
الظابط انتي لو محترمه كنتي هتمشي مع واحد وكمان يحضنك
مصطفى لو سمحت وجه كلامك ليا انا . وغير كده دى خطيبتي يعنى تمشي معايا في اي حته . ولو على موضوع الحضن انا محضنتش حد ولو عنده شهود يجيبهم .ولا اقولك اكيد مكان زي المترو في كاميرات ورينى بقى حضنتها ازاي
الظابط طيب تمام روح انت يا امين علي شغلك . وانت قولت ايه بقى ياااا ياااا
مصطفى اسمى مصطفى
الظابط اه مصطفى ونجيب ابو المحترمه عشان يشوف معانا الفيديو
دعاء فضلت تزعق بكلام مش مفهوم منه حاجه واغمى عليهم 
مصطفى شالها وحطها على الكنبه اللي في المكتب 
فوقوها 
مصطفى فضل قاعد جنب دعاء وماسك ايدها ومايل عليها 
الظابط احضنها هنا كمان
مصطفى بص عليه شويه يعنى انت مش شايفها تعبانه ازاى
الظابط لا يا حنين هي مش تعبانه واهى فاقت قوم من جنبها
دعاء فاقت وسحبت ايدها من ايد مصطفى
الظابط البطايق بتاعتكم
دعاء معايا كارنيه الكليه
الظابط بص في الكارنيه انتي مهندسه بقى
دعاء لسه في سنه تالته
الظابط وبطاقتك
مصطفى ادالو البطاقه وكارنيه الكليه
الظابط وانت دكتور . يا سلام دكتور ومهندسه مش عيب طيب
مصطفى لوسمحت اتفضل هات المسجل من غرف المراقبه وشوف حضنتها ولا لا ومن غير غلط كتير 
ياترى الظابط هيجيب ابو دعاء فعلا
توقعاتكم الحلقه الجايه
بوسيالحلقه الرابعه
بنتين من الزمن ده
للكاتبه بوسي
الظابط اتفضلي يا انسه الكارنيه بتاعك وتقدري تمشي
دعاء طيب ومصطفى
الظابط لا هو هيفضل معانا شويه تحبي تشمي ولا تانسينا انتي كمان
مصطفى امشي يا دعاء متقلقيش عليه
دعاء انتو عايزين منه ايه احنا زي ماجينا مع بعض هنمشي مع بعض
مصطفى بقولك امشي وملكيش دعوه بيه اتفضلي
الظابط شكلك عايزه تدخلي الحجز
مصطفى هي هتمشي
دعاء بصت لمصطفى ومشيت
قابلت امين الشرطه برا حسبي الله ونعم الوكيل في كل ظالم
امين الشرطه سمعها وفضل يضحك
دعاء بتكلم نفسها ايه ده انا ازاي نسيت اقول للظابط ان امين الشرطه كان بيعاكسني . عشان كده كان بيلفق لينا اي حاجه. يعني كان هيصدق
وركبت المترو ومشيت وكان وشها متغير وتعبانه
اول ما وصلت البيت
مامت دعاء بخضه فى ايه مالك وشك عامل كده ليه
دعاء حضنت مامتها وفضلت ټعيط
مامت دعاء دعاء متقلقنيش في ايه
دعاء مش عارفه تقول ايه ومتعودتش انها تكذب على اهلها معلش يا ماما انا تعبانه دلوقتى هدخل اريح
مامتها لا هتقولي دلوقتي
دعاء اصل اصل....
مامتها اصل ايه قولى
دعاء اصل هيا كانت هتعمل حاډثه
مامت دعاء يالهوي وحصل ايه وهى فين وعامله ايه
دعاء هي كويسه الحمدلله ربنا ستر . بس الراجل اللي كنا هندخل فيه عمل محضر وكنا في القسم
مامتها طيب هي روحت
دعاء اه الحمد لله
مامتها طيب ادخلى ريحي شويه عقبال ما احضر الاكل يكون باباكى وصل
دعاء ماما بالله عليكي متصحنيش عايزه انام وماليش نفس اكل
مامتها طيب ريحي بس انتي دلوقتي
دخلت دعاء الاوضه واتصلت ب هيا
دعاء الو هيا فينك
هيا بتغدى في مطعم لوحدي شبه قرد قطع .انتى اللي فين يا جميل
دعاء بصي هيا عشان انا تعبانه ومش قادره اتكلم كتير ماما لو سالتك عن حاډثه انتى عملتيها قولي اه
هيا باستغراب حاډثه اولا انتي من امته بتكذبي
دعاء معلش بس قولى كده ولما اقابلك هفهمك
هيا طيب انتي عملتى حاډثه وانتى مع مصطفى
دعاء لا 
هيا طيب بليز عايزه افهم
دعاء ننا كويسه معلش هكلمك بعدين تعبانه ومانمتش من امبارح
هيا خلاص ارتاحى باااي
وقفلو الفون
دعاء بتحاول تكلم مصطفى الفون بتاعه مقفول وقلقانه عليه غيرت هدومها ونامت على السرير وفضلت تفكر حصله ايه لحد ما عدا اربع ساعات والفون بتاعها رن رقم غريب
دعاء الو
.... الو
دعاء مصطفى عامل ايه قلقت عليك
مصطفى الحمد لله انا كويس انتى عامله ايه دلوقتي
دعاء الحمد لله طمني حصل ايه بتصل بيك من بدري وتلفونك مقفول
مصطفى متقلقيش كانو بس عايزين يوجبو معايا بس اتصلت بدكتور عندي في القسم بيحبني والحمد لله عايش ومتنفختش ههههههه
دعاء طيب الحمد لله يعني اللي ميعرفش حد كبير في البلد دى....
مصطفى قطع كلمها يتننفخ يا قلبي
دعاء طيب متصلتش من تلفونك ليه
مصطفى الظابط كسر الشريحه ومسح كل الارقام اللي على الجهاز وكويس كنت حافظ رقمك وقالي لو شفتك معاها تانى هعملك محضر
دعاء لا حول الله. طيب كويس انها جت لحد كده. انا مش عارفه لو كان اتصل ب بابا كان هيحصلي ايه
مصطفى محصلش حاجه غلط مننا
دعاء لا حصل علاقتنا اللي حصلت بسرعه غلط وانى امشي معاك برا الكليه غلط. انا مش عارفه اقابل بابا انهارده ازاي انا عمري مكذبت عليهم. ادينى كذبت على ماما . بس انا عارفه بابا مش هيصدق الحكايه دي. لو كذبت عليه ده يبص في عيني بيعرف كل حاجه لوحده. نفسي مطلعش من الاوضه انهارده خالص عشان عينى ماتجيش في عينه. معلش يا مصطفى كلامنا هيبقى في الكليه مش خوفا من الظابط ولا امين الشرطه بس احتراما لاهلي
مصطفى واللي هيريحك كله انا هعملو
خلص اليوم وتاني يوم دخل باباها الاوضه بتاعتها وصحاها
ابو دعاء قومي يا دودو عشان الكليه بتاعتك 
دعاء حاضر يا بابا صباح الخير. وحشني اووي
ابو دعاء لو كنت واحشك صحيح كنتى طلعتي من قوقعتك وقعدتي معايا شويه وحاكيتي معايا. علي سر سعادتك الرهيب اللي كان على الصبح واللي حصل معاكي انتي وهيا
دعاء معلش يابابا عندى محاضره بدرى ولما ارجع هنتكلم كتير مع بعض
ابوها احترم سكوتها
فطرت دعاء ونزلت على الكليه وشافت مصطفى واسر عند المترو
مصطفى قرب جنبها وحشتيني معلش انا عارف اتفقنا ماكلمكيش غير في الكليه وانا مقدرش اروح الكليه بتاعتك انهارده عندي عملى ويوم العملي طويل
دعاء ابتسمت وركبت المترو ومصطفى كان وراها
مصطفى ايه يابنى كنت فين من امبارح
اسر كنت فى حفله ڼار يا معلم
مصطفى خلاص يا اسر اسكت
اسر وكان فيها بنات على حق
مصطفى ارحم نفسك شويه واسكت فيه بنات حولينا
اسر ارحمني انت بس. دول بنات ياعم دول غفر
بصت دعاء عليهم
اسر الكلام مش ليكي خالص انتي تقولي للقمر اقوم وانا اقعد مكانك
دعاء ابتسمت
دعاء وصلت الكليه واول ما هيا شفتها جريت عليها
هيا طمنينى عليكي
دعاء الحمد لله
وحكت كل حاجه حصلت ل هيا ودخلو المحاضره
اسر كان عنده عملي والمفروض يحضر عمليه مع دكتوراسر تخصص جراحه
اسر انا جاهز يا دوك
دكتور لا يا اسر مش هتحضر العمليه دى
اسر بجد يا دكتور هات ايدك ابوسها
الدكتور نعم بتقول ايه
اسر لا متاخدش في بالك اصل عندى بيكو
الدكتور نعم
اسر اتفضل حاضرتك مصر امانه في ايدك 
الدكتور بص ل اسر ومشي
مصطفى تخصص مخ واعصاب كان عنده عملي بيكشف على حاله مع الدكتور
اسر راح المكتب وفضل يتكلم شات مع بنات ومصطفى راح المكتب يجيب حاجه لقى اسر
مصطفى انت يا فاشل انت مش المفروض تحضر عمليه دلوقتي
اسر الدكتور قالى العمليه بسيطه وهيقدر يقوم بيها لوحده ما انت عارف انا بتاع العمليات الكبيره هههه
مصطفى الكبيره ها دا انت لو نمله اتعورت هتحتاس ومش هتعرف حتى تسعفها
اسر