قصة ورقة جواز عرفي للكتابة سكوبي دوو

هتيجى .........هى دى هتفوت حته انت موجود فيها
كريم وهى بيغمزله ع فكره البت دى بترسم عليك
هشام ههههههه مانا عارف بس عامل نفسى مش واخد بالى
كريم طب وانت ايه 
هشام والله ياكيمو يا اخويا .........اللى يتبطر على النعمه يبقى حرام عليه
كريم بس خد بالك البت دى شكلها صايع ولفه كتير ولو مسكت فيك مش هتسيبك بالساهل
هشام عيب عليك ........هو انا تلميذ
هشام وهو بيبص على الباب طب اسكت بقى عشان وصلت
............................................................................................
شرين فى اوضاتها بتكلم ليلى
ليلى ها يا حبى اخبارك ايه دلوقتى
شرين تمام يا لولو ........الحمد لله
ليلى بقولك ايه نسى موضوع نرمين ده وركزى فى مذاكرتك
شرين مش عارفه يا ليلى كل مفكر فاللى حصل القى نفسى بعيط بقى الحيوانه دى تضربنى ده بابا وماما عمرهم مضربونى تيجى وحده زباله زى دى وتضربنى وسط كل الناس كده
ليلى معلشى بقى متفكريش كتير بقى .........وكلها شهر ونص وهنتخرج ومش هنشوفها تانى ..........شرى احنا مش عاوزين مشاكل احنا طول عمرنا فى حالنا
شرين ماشى يا لولو .........بس انا مش هروح الكليه بكره انا هقعد اذاكر فالبيت احسن
ليلى ايه يا شرين انتى خاېفه منها ولا ايه .........لا هنروح بكره عادى
شرين باستسلام ماشى يا ليلى ربنا يسهل ...........ياله سلام عشان اذاكر شويه
ليلى ماشى يا حبيبتى ربنا يعينك ........سلام
وقفلت شرين وهى لسه بتفكر هتروح بكره الكليه ازاى وهتقابل الناس ازاى اكدي هيتريقو عليها
..........................................................................................
نرمين قاعده متغاظه بعد ما حكت اللى حصل لهشام وكريم
نرمين انتو لازم تتصرفو انا لازم انتقم من البنت دى
كريم عاوزانه نعمل ايه يعنى نقتلهالك ..............وبعدين مانتى اخدتى حقك وضربتيها
نرمين پحقد لا مش كفايه
كريم بنرفزه بصراحه بقى انتى ملكيش الحق تعملى معاها حاجه البنت مغلطتشى
نرمين وهى بتبصله بغيظ قصدك ايه ان انا سهله ورخيصه
كريم تصرفاتك هى اللى خلت الناس تقول عليكى كده
نرمين احترم نفسك يا كريم احسن وبعدين انا حره فى تصرفاتى
كريم انا هقوم امشى احسن ...........اصلى بصراحه قرفان من القعده دى
وقام كريم من مكانه ومشى وهو مضايق وقرفان اوى من نرمين
نرمين بصت لهشام بدلع ها يا اتش .........هنعمل ايه ..
هشام فى ايه 
نرمين بعصبيه هو انا بكلم نفسى
هشام مهو يا حبيبتى لو اللى بيتكلم مچنون المستمع لازم يبقى عاقل
نرمين وهى بتقرب منه وبدلع حبيبتك .......يعنى انا فعلا حبيبتك
هشام وهو بيقرب وشه من وشها طبعا يا قمر
نرمين طيب هتساعد حبيبتك مش كده
هشام اللى تعوزه حبيبتى يتنفذ حالا
نرمين مش عارفه .............فكر معايا
هشام بعصبيه مش عارفه يانرمين يعنى اروح اتجوزهالك عرفى ..........متكبرى دماغك بقى وتسيبك منها
نرمين بضحكه ايوه هو ده ...
هشام باستغرب هو ده ايه انتى اتجنينتى ولا ايه
نرمين هو ده ..............تتجوزها عرفى
هنكمل الحلقة الجاية بإذن الله
ورقة جواز عرفى
الحلقه الثالثه
هشام كان قاعد مع نرمين فى الكافيه
هشام بعصبيه مش عارف يانرمين يعنى أروح أتجوزهالك عرفى ..........متكبرى دماغك بقى وتسيبك منها 
نرمين بضحكه أيوه هو ده ...
هشام باستغرب هو ده إيه انتى اتجنينتى ولا ايه 
نرمين هو ده ..............تتجوزها عرفى 
هشام بتريقه وماله فكره جامده .........أنا هروحلها بكره الكليه وأقولها اتجوزينى عرفى ....انتى بتشربى حاجه 
نرمين بس بلاش تريقه
هشام مانتى بتقولى كلام غريب ...أولا انتى بتقولى إنها محترمه يعنى مش هعرف أتعرف عليها بسهوله وكمان مش هعرف أضحك عليها بإنها تعمل كارثه زى دى ....وبعدين كلها شهر ونص وتخلصو ومش هتشوفيها تانى ...........يعنى كبرى دماغك بقى ومتوجعليش دماغك 
نرمين انت بتعقد الموضوع ليه 
هشام يا حبيبتى هو متعقد جاهز .......ماتيجى أتجوزك انتى اسهل 
نرمين لا طبعا ......طيب بص أنا مش عاوزاك تشوفها ولا تتعرف عليها .......كل اللى عاوزاه ورقة أذلها بيها بس شويه 
هشام ههههههههههههه والله مجنونه .........وده هيبقى ازاى يا ناصحه 
نرمين بطل ضحك واسمعنى ....أنا هجبلك بطاقتها وأنا وانت وشوف اتنين من اصحابك ونكتب الورقه 
هشام وهو بيفكر مش عارف...أنا هخاف منك على فكره
نرمين لا يا روحى متخافشى .....أنا بس مبحبش حد يجى عليا 
هشام أوكى ربنا يستر .....أنا هقوم بقى أروح لما تجيبى البطاقه ابقى كلمينى وأنا هظبط باقى الناس 
نرمين أوكى .....يلا سلام 
هشام سلام 
هشام قام روح وهو بيفكر فى كلام نرمين واللى هتعمله وهو بيكلم نفسه 
نرمين دى مش سهله وشكلها هتورطنى فى مصېبه 
بس مش مشكله أهو نتسلى شويه 
بس البنت دى ذنبها ايه .....باين من تصرفها انها محترمه اوى 
طب وأنا مالى.......هما حرين مع بعض ........المهم إن إنا إتسلى وضيع وقت وخلاص 
بس كده حرام 
ياعم كبر دماغك بقى .....ولما نشوف ايه اللى هيحصل 
......................................................................................
تانى يوم الصبح 
شرين قاعده على السرير وباين عليها التعب والارهاق وبتحاول تنام بس مش عارفه وشويه ويرن موبايلها 
شرين بتعب ألو 
ليلى إيه يا بنتى مالك .
شرين تعبانه اوى يا لولو .. تقريبا منمتش طول الليل 
ليلى ليه كده يا حبيبى ......مالك يا شرين 
شرين مش عارفه والله ياليلى .....خاېفه الزفته دى تورطنى فى مصېبه مش عارفه ليه حاسه إن قلبى مقبوض
ليلى متقلقيش هتعمل ايه يعنى هى بس بتقول كلمتين من حرقتها وخلاص 
شرين طيب بلاش أروح انهارده 
ليلى لا يا شرين هنروح ....مټخافيش منها ولا من أى حد مادام انتى صح 
شرين يا ليلى بس 
ليلى مفيش بس...هنروح وهروحك بدرى عشان انتى تعبانه ........بس لازم نروح انهارده 
شرين باستسلام ماشى يا ليلى هقوم أعمل نسكافيه وألبس ساعه وهكون فى الكليه
ليلى أوكى يا شرى وأنا كمان هقوم أجهز نتقابل فى الكافتريا ........سلام 
شرين سلام
......................................................................................
بعد حوالى ساعه ونص كانت شرين فى الكليه بتدور على ليلى فى الكافتريا وشافتها قاعده راحت عليها 
شرين السلام عليكم 
ليلى وعليكم السلام ......... إيه يا بنتى اتأخرتى كده ليه 
شرين معلشى بقى انتى عارفه المواصلات 
ليلى أوكى يا شرى ........... أخبارك إيه بقى
شرين بضحكه الحمد لله بقى ........بس فى كلب بيهوهو فى دماغى ..........عاوزه أشرب نسكافيه 
ليلى تانى ........ يابنتى كده هتتعبى 
شرين لا والنبى هو ماما فى البيت وانتى هنا 
ليلى طيب تعالى نلحق المحاضره الأول وبعدين نشرب النسكافيه 
شرين لا أنا مليش دماغ أحضر أنا أصلا جيت النهارده عشان خاطرك 
وهما بيتكلمو قربت عليهم بنت 
......... ازيكو يا بنات 
شرين ازيك يا نهى .اخبارك ايه 
نهى زميلتهم وفى نفس الدفعه بس هى صاحبة نرمين أكتر
نهى بحزن الحمد لله ....إيه اللى حصل امبارح ده
ليلى ولا حاجه ......كبرى دماغك 
نهى معلشى يا شرى على القلم هى نرمين أكيد متقصدشى 
ليلى لما حست إن شرين ممكن تضايق مش هنجيب النسكافيه يا شرى ...معلشى يا نهى هنجيب نسكافيه ونجيلك 
ليلى خدت شرين ومشت قبل ما ټعيط قدام نهى 
ليلى متزعليش يا شيرى من كلامها .......أنا أصلا مش بحب البت دى 
شرين بطيبه حرام عليكى يا ليلى أنا مشوفتش منها حاجه وحشه 
ليلى كفايه إنها صاحبة نرمين هو فيه أوحش من كده 
شرين بس عمرنا ما شوفنا منها حاجه وحشه ولا تصرف غلط حرام بلاش نظلمها 
ليلى والله انتى طيبه وهبله كمان 
شرين طيب يلا أنا عاوزه أروح أنا بجد تعبانه 
ليلى طيب تعالى ناخد حاجاتنا ونروح ولا يهمك يا قمر 
..........................................................................
هشام نايم لحد الظهر وموبايله عمال يرن متواصل 
قام وهو متنرفز يشوف مين الغلس اللى بيرن عليه ده 
هشام بنرفزه أيوه يا