قصة ورقة جواز عرفي للكتابة سكوبي دوو

رجعت لواره مفيش حاجه .........قوم غير هدومك عشان ماما هتيجى دلوقتى 
هشام بص فالساعه ودخل على اوضه وقفل على نفسه من غير مايتكلم 
وبعد نص ساعه كان الجرس بيرن شرين خبطت على هشام وخرج 
شرين افتح الباب .........ومتنساش المفروض اننا اسعد ناس فالدنيا 
هشام راح فتح وعلى وشه ابتسامه عريضه اهلا وسهلا
شريفه اهلا بيك يا حبيبى صباحيه مباركه 
هشام وهو بياخد شيل كتير من شريفه الله يبارك فيكى ياطنط .....شهد وعمو فين 
شرين خرجت سلمت على مامتها وحضنتها اوى 
شرين وحشتينى اوى ياماما ....بابا وشهد فين
شريفه فى البيت ........انا جيت بس عشان اجبلكم الاكل ده .....وهروح على طول 
شرين لا والنبى يا ماما اقعدى معايا شويه 
شريفه مش هينفع ورايا حاجات هعملها .............هجيلك تانى بليل مع بابا وشهد 
هشام طب خليكى معانا لبليل وشهد وعمو يبجو براحتهم 
شريفه صدقنى يا هشام مش هينفع .............. انا همشى بقى ..........وبالهنا والشفا
مشت شريفه وشرين اخدت الاكل وجهزته وحطت على السفره وهشام كان بيتفرج على التلفزيون
شرين الاكل جاهز.......انا فالاوضه لو احتاجت حاجه 
هشام باستغراب مش هتاكلى 
شرين لا مليش نفس 
وسابته ودخلت اوضة الاطفال وهشام قام أكل معلقتين وقعد يقلب فالاكل شويه وقام هو كمان دخل اوضته
.......................................................................................
بالليل عند العرسان كان الكل متجمع عبد الرحمن وفؤاد وشريفه وفريدة قاعدين فالصالون وعمالين يتكلمو ويضحكو وباين عليهم الفرحه والانبساط
وفالناحيه التانيه كانت شرين وشهد واحمد وهشام قاعدين وطبعا شهد بشقاوتها عماله تضحك وتهزر وبرده كانو مبسوطين 
وشويه وسرحت شرين كانت مبسوطه من الفرحه اللى اهلها فيها ودى كانت اكتر حاجه مصبرها على اللى هيا فيه وقاعدت تتخيل لو هشام ده فعلا حد بتحبه ومفيش كل المشاكل دى والاهل كده بيحبو بعض اكيد كانت هتبقى اسعد وحده فالدنيا 
وتفوق وهى مخضوه من زغزغه لشهد 
شهد ايه يا عروسه سرحانه فايه
شرين انتى مش هتبطلى غلاسه بقى 
شهد لا طبعا مش هبطل ......انتى فاكره انك بقى اتجوزتى وجد ومش هعرف ازغزغك تانى .......لا انسى ......... ولا ايه يا هشام 
هشام براحتك يا شهد اختك وانتى حره فيها 
شهد اخدت كده انا الاذن 
وبدأت شهد تزغزغ شرين وشرين تضحك اوى 
هشام كان اول مره يشوف شرين بتضحك بجد من قلبها وكان مبسوط وكان الكل مبسوط 
وبعد شويه والكل روح وشرين دخلت اوضتها وقفلت على نفسها وهشام كمان
............................................................................................
ويعدى كام يوم على نفس الوضع طول معندهم ناس او حد من اهلهم بيبقو مبسوطين ويضحكو ويهزرو 
وهما لوحدهم كل واحد واخد جانب وقاعد فى او ضته 
وفى يوم شرين كانت زهقانه اوى قامت كلمت ليلى 
شرين لو لو حبيبتى وحشتينى اوى 
ليلى وانتى كمان ......اخبارك ايه 
شرين الحمد لله .......انتى فين مشوفتكيش من يوم الفرح
ليلى اصلى سافرت اليكس تانى يوم مع بابا وماما ....... انا كنت مأجله السفر عشان الفرح
شرين بزعل يعنى مش هينفع تجيلى انا زهقانه اوى 
ليلى معلشى بقى اول لما ارجع هجيلك على طول ........المهم اخبارك ايه مع هشام 
شرين عادى كل واحد فى حاله 
ليلى ربنا معاكى يا قمر ...... انا هقفل بقى دلوقتى عشان نازله 
شرين ماشى يا لولو خلى بالك من نفسك .......سلام 
ليلى سلام
شرين قاعده مضايقه ومش عارفه تعمل ايه مسكت موبايلها تانى وكلمت شهد
شرين شهود حبيبتى اخبارك ايه 
شهد شرى انا تمام ......انتى عامله ايه 
شرين زهقانه اوى تعالى اقعدى معايا شويه
شهد وانا كمان زهقانه .........بس هو هشام فين 
شرين بارتباك هشام ....هشام نايم ........تعالى بقى خليكى جدعه 
شهد خلاص هقول لماما وهاجى مسافة السكه 
شرين اوكى يا حبيبتى ........سلام 
شهد سلام
وفعلا بعد نص ساعه كانت شهد عند شرين قاعدو يتكلمو ويهزرو مع بعض زى العاده 
شرين وهى بتضحك بطلى بقى زغزغه .......والله لو ماسكتى هرش عليكى مايه 
شهد ههههههه متقدريش
شرين بقى كده طب اهوه 
شرين رشت على شهد مايه غرقتها وهى كمان رشت عليها مايه وفضلو يجرو وراء بعض 
هشام فى أوضته سمع صوت جرى وتخبيط وصوت عالى فالصاله طلع جرى وهو مخضوض 
هشام وقف يبص عليهم وهم عمالين يهزرو ويجرو وراء بعض زى المجانين وهم مش وخدين بالهم من هشام 
وفجأه ...............
شرين بتروش على شهد المايه كلها جات فى وش هشام 
شرين حطت ايدها على بؤها من الصدمه 
وشهد فضلت تضحك على منظر هشام 
شرين انا اسفه ..........بجد مش قصدى احنا كنا بنهزر 
شهد معلشى بجد يا هشام احنا نسينا نفسنا احنا بنعمل كده دايما فى البيت
هشام كان شكله متنرفز جدا ودخل المطبخ وسابهم 
شهد شكله زعل ........احنا برده غلطنا ونسينا انه نايم 
شرين انتى السبب عجبك ك
شرين شافت هشام خارج من المطبخ ومعاه ازازه مايه كبيره وهو بيضحك انا لازم آخد حقى 
ورش مايه على شهد غرقها وهى جرت وراه ومسكت المايه غرقته وشويه وجه غرق شرين كمان وبقت حرب مايه فالصاله 
وبعد شويه كانو خلصو المايه وتعبو وقاعدو على الانتريه 
شرين وهى بتبص على الصاله يانهار ابيض ......الصاله باظت
شهد وهى بتضحك ههههه البسى بقى انا هروح 
شرين فالمشمش هتروقيها معايا قبل ماتنزلى وكمان هجبلك لبس تغيرى عشان متتعبيش 
شرين وشهد قامو يبمسحو الصاله ويورقوها وهشام قاعد
شهد انت هتفضل قاعد كده قوم ساعدنا 
هشام لاء انا ببهدل بس
شهد احنا هنهزر ...........قوم يلا 
قام هشام وهو ماشى اتزحلق ووقع على ضهره 
شرين وشهد وقفو يضحكو عليه ومش قادرين يمسكو نفسهم من الضحك 
هشام طب خالى عندكم ډم وتعالو قومونى بدل الضحك ده
شهد اصل شكلك حلو اوى استنى اصورك وانزلها على الفيس
هشام وهو بيقوم يا سلام ..........اه اه منكم لله 
قام هشام غير هدومه وكانت شهد وشرين خلصو ترويق الصاله وغيرو هدمهم هم كمان 
شهد هروح انا بقى 
هشام لا استنى اتغدى معانا 
هشام كان دايما بيشوف فرحة شرين وحد من اهلها موجود وكمان عشان يخليها تاكل لأن وهما لوحدهم مكنتشى بترضى تاكل 
شهد لا مش هينفع
شرين لا اقعدى اتغدى معانا عشان خاطرى 
شهد خلاص ماشى اذا كانت هى دى رغبة الجماهير 
قعدو اكلو مع بعض وشرين لاول مره من يوم فرحها تاكل كويس
....................................................................................
تانى يوم 
شرين صحت وجهزت الفطار وقعدت شويه تتفرج على التلفزيون 
وبعدين زهقت ودخلت اوضتها وسابت الفطار لهشام 
وبعد كام ساعه خرجت لقت الفطار زى ماهو وهشام لسه فى اوضته 
قاعدة شويه تقلب فالتلفزيون وحست انها قلقانه وعماله تكلم نفسها 
هو لسه مصحاش لحد دلوقتى ليه 
طب وانا مالى 
لحسن يكون تعبان او فى حاجه 
هو انا قلقانه ليه هو حر 
بس ممكن يكون تعبان بسبب المايه بتاع امبارح ......لازم اخبط عليه 
قامت شريت تخبط على الاوضه 
شرين وهى بتخبط هشام .........هشام ........... هشام
مفيش اى رد
مدت ايدها بقلق وفاتحت بالراحه ومدت ايدها فتحت النور 
لقت هشام نايم على السرير 
شرين هشام ............هشام انت كويس 
هشام بصوت تعبان مش عارف بس انا مش قادر اقوم 
شرين قربت منه وحطت ايدها على وشه 
شرين بخضه ايه ده انت سخن اوى 
هشام حاول يعدل نفسه على السرير بس ما قدرش 
شرين انا هلبس واجبلك دواء من الصيدليه وهاجى .......انت حاسس بايه تانى 
هشام زورى وجعنى وحاسس بدوخه 
شرين طيب خليك زى مانت وانا مش هتاخر 
شرين فعلا دخلت لبست ونزلت لاقرب صيدليه جابت دواء للبرد والسخونيه وجابت ترمومتر للحراره وبعد نص ساعه كانت فالبيت
هشام كان نايم ومش حاسس باى حاجه شرين لقت