رواية رائعة للكتابة فاطمة ابراهيم

ببرفان ولا شويه مايه تفوقيها 
پخوف مالك ي حببتي بس حصلك فتحي عيونك 
كانت صورة حمزة في قبضة إيديها 
بعد نص ساعه  
خير ي جماعة متقلقوش أديتها حقنة مهدئة وهتبقي كويسة 
حقنة مهدئة ليه ي دكتور هي مالها! 
يظهر أنها كانت بتتعالج من  إنهيار عصبي قبل كدا ورجعتلها النوبة تاني
بص إسلام ومنال لبعض وبعدها بصوا للدكتور بتفاجئ
طب هي هتبقي كويسة ي دكتور ولا ننقلها المستشفي 
لأ مفيش داعي للمستشفيات هي كل إلا محتجاه الدوا دا وياريت تغير جو بلاش الحبسة وطبعا ترتاح من اي حاجة ممكن تجبلها توتر 
حاضر ي دكتور 
عن أذنكم 
طلع إسلام مع الدكتور وفضلت منال جمبها 
بصوت خاڤت ح حم حمزة 
قربت منها أكتر وهي ماسكة إيديها وعد ي حببتي ألف سلامة عليكي 
ح حمزة متسبنيش
غطتها منال وهي مستغربة من كلامها وقفلت النور وطلعت
واقف كدا ليه ي إسلام 
ها .. لأ أبدا ي ماما أنا كنت بفكر في كلام الدكتور هو  أنتي كان عندك علم بحكاية مرضها دا
أبدا يابني دي طول عمرها فرفوشة كدا وبتحب الضحك بنت بسيطة وجميلة مكافحة من صغرها
أفتكر لما كانت عاوزة ټنتحر طب بقولك ي ماما ايه رايك ناخدها ونروح نغير جو في أي حته زي ما الدكتور قال 
تفتكر هتوافق  
كلمة منك تمشي كل حاجة ع منمن  دا الكلام 
ضحكت وهي بتضربه ع كتفه ثبتني ي واد خلاص نشوف الموضوع دا لما ترتاح إن شاء الله 
الساعة ٢ بالليل 
 وعد نايمة في أوضة ضالمة وشها كله عرق وبتترعش وفجأة فاقت وهي بتصوت بأعلي صوتها لااااا أبعد عني
فاق إسلام ع صوتها مڤزوع لكن منال كانت راحة في النوم خالص فمحستش بحاجة  
دخل ع الأوضة بسرعة وعد مالك أنتي كويسة 
كانت مفتحه عينيها ومبتردش 
ساندها وقعدها ع السرير خدي أشربي 
ألف سلامة عليكي 
أنا فين 
متخفيش أنتي في أمان 
أنا مبحبش الليل والضلمة كانت بترشف من العياط 
حط إيده ع رأسها وقعد يهمهم ببعض الآيات القرآنية لعند ما هديت خالص
أجبلك مايه تاني 
لا خلاص شكرا 
طيب نامي ومتخفيش احنا كلنا جمبك 
انا مخڼوقة عاوزة انزل شويه 
دلوقتي ! دي الساعة اتنين بالليل 
لو سمحت نزلني 
خلاص خلاص تعالي بس استني خدي شال ماما ع كتافك علشان الجو برد جامد
ساندها ونزلوا في الجنينة فتح النور وقعدوا ع المرجيحة فضلوا ساكتين ربع ساعة و وعد سرحانة 
أحم 
بصتله عارفه أنت عاوز تقولي ايه 
هو أنا أعرف إلا بيحكي بيرتاح 
بتهيألك صدقني مش كل حاجة بتطلع مننا بنرتاح بعدها في حاجات مبنرتحش منها غير بالمۏت 
أيه التشاؤم دا الحياة لسه فيها حاجات حلوة كتير 
العيب مش في الحياة العيب في الناس إلا عايشة تدمر فيك علشان متستمتعش بيها 
تفيد بأيه المناظر الحلوة لو أنت مبتشفش ! 
تفيد بأيه اللمة وأنت من جواك خاېف من أي حد يقربك 
علشان كدا كنتي عاوزة ټنتحري  
خدت نفس عميق ومردتش  
أحم طب هو أحنا ممكن نبقي صحاب 
لا طبعا 
سكتوا هما الاتنين بعدها بصوا لبعض وضحكوا  
أنت شخص محترم وبجد شكرا ع كل حاجة قدمتهالي بدون مقابل لولا وجودك كان زماني ..
كان زمانك محصلة الشنطة 
ساعات لما بتقفل في وشك كل أبوابها مبتبقاش عارف  الصح من الغلط  
عندك حق علشان كدا ربنا بيبعتلنا حد يساعدنا في الوقت دا
تعالي نتفق اتفاق 
أمم أتفاق أيه 
أنا موافقة نبقي صحاب بس بشرط 
ايه هو 
متسألنيش عن أي حاجة في حياتي الشخصية  أو أي حاجة حصلت قبل ما أعرفك ها موافق 
بإبتسامة أتفقنا 
وبما أننا صحاب بقي في عاوز أقولك ع حاجة مهمة 
حاجة ايه  
منمن هتقترح عليكي بكرا نروح نغير جو في أي مكان شرم مثلا او مرسي مطروح  العين السخنة كدا يعني 
وأنا دخلي أيه ما تروحوا ! 
أنتي الممرضة بتاعتي وواجبك تكونى جمب المړيض بتاعك  ولا ايه 
اه دي تدبيسة جديدة من بتوعك مش كدا 
ع العموم منمن هتقنعك أنتي عارفه مفيش حاجه بتقف قدامها أنتي حرة 
أنا عاوزة أروح أسكندرية وحشنتني أوي 
ماشي كلامك خلاص نروح أسكندرية وبالمرة نروح عن تيته ومي تقعدوا معاهم يومين 
أنا مش عاوزة حد يعرف منهم مكاني 
عاوزة أروح البحر وبس هو الوحيد إلا لما بشوفه بيفهمني من غير ما أتكلم
يابخته والله 
رفعت حاجبها شكل وحشك التهزيق ولا أيه! 
لا وع ايه الطيب أحسن خلاص نسافر بكرا إسكندرية عندنا شاليه هناك بنروح نصيف فيه في الصيف هوصلك هناك الاول وبعدها هوصل ماما لبيت تيته علشان ميعرفوش أنك معانا 
معرفش  هرد جمايلك دي إزاي 
مفيش ما بين الصحاب الكلام دا بقي 
طيب يالا أنا طالعه أنام  باي 
سلام 
تاني يوم في الفيلا 
برضو تلفونه مقفول 
هو ممكن يكون رجع القاهرة ي بيه 
كلمتهم هناك وقالوا مرجعش وكلمت الشركة برضو محدش شافه والشغل هناك متأخر ع إمتضته وكل حاجة واقفة 
طيب هنعمل ايه ي بيه 
انا لو أفهم ايه الا حصل والبت دي عملت فيه ايه كنت عرفت اتصرف بس لعند دلوقتي أنا مفهمتش حاجة خالص
خليهم يحضرولي العربية لازم أنزل مصر وأمشي شغل الشركة هناك لعند ما البيه يظهر مش عارف أيه حب العيلة دي في الإختفاء كل شويه حد منهم يختفي 
ربنا معاك ي بيه هحضر لحضرتك العربية حالا 
أه ما هما يختفوا وفريد يدبس هو في الشغل 
شيفاك وانت بتسرق الرواية ي حرامي 
ع طريق إسكندرية  
يا بنتي تعالي معانا دي مي هتفرح أوي لما تشوفك 
خلاص ي ماما سبيها براحتها هنوصلها الشالية بتاعنا وبعدين أبقي أرجعلها 
لا خليك معاهم أنا مش عيلة هخاف لوحدي 
بصلها في المراية بغيظ وبعدها بص قدامه
يالا وصلنا الشالية بصي هو إلا هناك  دا  شالية رقم ٨ العجمي خاص والمفتاح أهو 
بفرحة وهي شايفة البحر شكرا أوي حضنت منال وجريت ع البحر بسرعة
خلعت الكاب وقربت من الشط كان فاضي  قعدت ع الرمل  
أنا وحشتك زي ما وحشتني صح 
طلعت صورة حمزة كانت مكرمشة شويه فضلت تعدلها بإيديها عاوزة أحكيلك ع سر جديد بيني وبينك 
ضحكت وهي بتبص ع الصورة عارف ي بحر بالرغم من أنه بعيد  بس حاسة أنه معايا وقريب مني أوي  نفسي أشوفه ويطلعلي في كل حتة زي الأول
فجأة لقت خيال شخص جمبها رفعت رأسها بزهول 
ح حمزة !!!
يتبع
رأيكم وتوقعاتكم ي جماعة بيفرق معايا جدا 
اتفاعلو بعشر تعليقات ولايك وتفاعل كتير كتير عشان انزل بارت كمان لو حابين
البارت
رفعت رأسها بزهول ح حمزة !! 
ألتفت للصوت أنتي ! 
قامت بفرحة كنت عارفه أنك هتيجي 
وأنا مكنتش أعرف أنك كدابة 
تلاشت فرحتها وبصت في الأرض حمزة أنا اا
بصوت عالي خضها كفاااية كفاية كدب بقي