انيسي بقلم شهد فرج

انت بتطردي بنتك من بيتها وبيت وبباها عشان ابن جوزك النط ع ده !!
كيان انا ماطردتكيش كل الحكاية ان الجيران كلت وشي بسبب وجودك انت و مراد في بيت واحد 
ابتسمت ب سخرية 
ف تقومي طاردة صاحبة البيت عشان ابن المحروس جوزك 
شايفة اخرة دلعك في بنتك يا ثريا اهي بقت تعلي صوتها عليك وتغلط فيا كمان 
قرمت ماما من الكنبة ال قاعد عليها فتحي جوزها وهي بتبصلي ب عصبية 
حقك عليا يا اخويا هي صغيرة ومش فاهمة وهتعتزر منك دلوقتي 
سكتت ووجهت انظارها عليا وانا واقفة براقبهم في صمت ف اتكلمت هي ب أمر 

اعتزري من ابوكي يا كيان 
ضحكت وانا مش مصدقة وصلت بيها تفكيرها ل فين بتطردني من بيتي وكمان عاوزاني اعتزر!!
انتوا مستكترين عليا الفرفرة وانتوا !!
اي الدراما دي كل ده عشان بقولك تروحي تسكني عند خالتك لان مش هينفع وجودك انت ومراد في بيت واحد !
انت بجد مقتنعة انك صح يعني ضميرك ده او الاحساس الامومي ال بسمع عنه في كلام مكان الا عندك مش مضايقك ومحسسك انك ظلماني !
سكت وانا ببصلها ب ترجي وحزن عنيا كانت بتحرقني بسبب اني مانعة دومعي تنزل تواسي حاليا تطبطب علي قلبي ال اتفحم ب ڼار جحود ماما 
قاطع سكوتنا والنظرات بيني وبين ماما صوت مراد 
انا ممكن اتنازل واوفق اني اتجوزك يا كيان ونعيش كلنا سوى 
ضحكت ب سخرية واخيرا فهمت ماما بتقول كد ليه هي مش هاممها سمعتي ولا حاجه هي بس عاوزاني اتجوز مراد 
مسم الاه مراد ابو قصة بقي يطلعله صوت وبيتكلم ويقترح كمان لا يا راج ولا بلاش راجل اصل دي حاجه مشكوك فيا بصراحة 
ظهر الڠضب علي وشه وعيونه احمرت وكأنه هيتحول ف اتكلم
شايف يا بابي شايفة يا طنط 
وقف فتحي ابوه ب عصبية وقرب عشان يمد ايده عليا ف مسكتها وانا ببصله ب قرف 
بابا الله يرحمه قبل ما قالي كلمتين حفظتهم من بعده صم اول حاجة اني احترم الناس وخاصتا الكبار واشيلهم فوق دماغي اما التاني بقي ف انسي الاولاني خالص وما اسكتش عن حقي عشان هو ال كان بيجبهولي وهو دلوقتي زي مانت عارف ربنا يرحمه عقبالك كد انت و ابنك ان شاءلله 
شد ايده من ايدي وهو بيبصلي ب شړ وعنيه مليانة غدر ولكني ماهتمتش ووجهت انظاري مرة تانية ل ماما بترجي صامت وانا بتمني من جوايا انها ماتكسرش اخر حاجة جوايا من ناحيتها ف قربت منها واتكلمت ب هدوء و انا ماسكة ايديها 
يا ماما مراد عنده شقة ممكن هو يروح يسكن فيها لكن انا هروح ازاي لخالتو وانا ماشوفتهاش غير مرة واحدة بس وكمان عندها ولدين انت ناسية !!
كان جوايا امل ولو صغير اني مش ههون عليها ولكن كل حاجة ادمرت لما اتكلمت ب جحود وكأني مش بنتها 
اخر كلام عندي يا كيان روحي جهزي شنطتك يلا زياد ابن خالتك في الطريق 
بصيتلها للمرة الاخيرة وانسحبت من قدامهم ناحية اوضتي وانا بجر رجليا وبمنع دموعي تنزل قدامهم 
دخلت اوضتي ب خيبة امل قفلت الباب ورايا ب المفتاح زي ما متعودة من وقت ۏفاة بابا
بدأت الم شنطتي ودموعي نازلة علي خدي وانا بفتكر زكرياتي مع بابا في اوضتي 
بصيت في ركن الالعاب هنا كان بيلعب معايا علي طول حتي لما كبرت كان بيعاملني كأني طفلة لفيت ب نظري علي كرسي التسريحة وافتكرته وهو بيسرحلي هنا وبيهزر معايا نظري راح للسرير
كان دايما بيحب يحكيلي حداويت قبل ما انام خدي وبعدها يروح ينام 
يلا يا كيان زياد مستني تحت 
فوقت من زكرياتي علي صوت ماما من وري الباب ف اخدت بسرعة صورتي مع ماما من علي الكوميدينو وخرجت وانا بمسح دموعي 
لفيت بنظري في اركان الشقة ب حزن لحد ما وقف نظري علي مراد وابوه قاعدين علي الكنبة بياكلوا فشار وماما واقفة عند الباب اول ما شافتني قربت مني عشان تحضني ف منعتها بسرعة ب أيدي
اول ما اخرج من الباب د تنسي ان ليك بنت زي مانا اعتبرت نفسي يتيمة الاب والام عن اذنك يا طنط ثريا 
خلصت كلامي ب سخرية وسحبت شنطتي ورايا وما اهتمتش اشوف ريأكشنها او حزنها ال انا متأكدة انه مش هيبقي موجود 
خرجت من الشقة وسمعت صوت الباب بيتقفل ورايا حسيت ب نغزة في قلبي ودموعي بدأت تنزل تاني  
نزلت خطوتين علي السلم وانا حاسة بقلبي بيبكي والله من الۏجع والرؤية مشوشة قدامي بسبب الدموع 
حسيت ب أيد بتمسك ايدي ف وقفت ب سرعة لما فكرتها ماما واني ماهونتش عليها وقرتت ترجعني وتنهي كل ال بيحصل ولكن للمرة المليون تخيب املي فيها لما لقيت مراد شديت ايدي جامد وبصيتله ب ڠضب ف اتكلم 
كيان انا بحبك وصدقيني هخليك اسعد واحدة في الدنيا بس وافقي عليا وانا هخلي مامتك تعيشك معاها ولو عاوزة انا ممكن اخلي بابا ومامتك هما ال يسيبوا الشقة ونسكن فيها احنا 
عارف يا مراد 
ابتسم ب فرحة واتكلم 
عارف اي 
انت احقر واحد انا شوفته في حياتي واحسنلك تغور من وشي بدل ما هخلي ابوك يترحم عليك العمر كله 
كان لسه واقف ب نفس الضحكة السمجة ف صړخا فيه 
غور من وشي يلا 
وبالفعل جري بسرعة ابن الجبان وانا كملت في طريقي ل تحت لحد ماقربت من بوابة العمارة وهنا مقدرتش اقاوم اكتر ف قعدت علي درج السلم وسمحت لنفسي بالاڼهيار 
كنت محاوطة نفسي ب ايديا وبعيط علي بابا وماما وعلي حالي وال وصلتله بعد ۏفاة بابا 
الدنيا اسودت في وشي واتقفلت من كل بابا كأنها بتقولي جربي الحزن جربي الالم والخيبة
حسيت ب حد واقف فوق راسي وتوقعت انه يكون من سكان العمارة ف وسعتله شوية عشان يعدي وانا لسه ب نفس قعدتي ولكن التنح استكتر عليا شوية البكا وقرر يبقي واقف فوق راسي 
وقفت بعصبية واتكلمت ب زعيق وانا بمسح دموعي ال شوشت الرؤية قدامي 
في اي حضرتك واقف كد ليه  
مانا مش عارضة فيلم علي مدخل العمارة يعني 
انا
رفعت صباعي في وشه واتكلم ب صوت عالي 
انت اي انت انسان مش محترم ومنتهك خصوصية بكاء الاخرين اصل انا مستنية اي من راجل ما كلكم صنف واحد عاوز 
حاول يتكلم تاني ب نفس هدوءه 
يا انسة انا 
قاطعته للمرة التانية وانا بخرج كل الغيظ ال جوايا فيه 
نسنسوا عليك الانس والجن يا بعيد انت هتوقف تحكي معايا ولا اي انت مچنون !!
غالبا انا افورت في ڠضبي وهيتعمل مني شورما حالا بالا علي ايده و حقيقي مكنش يومك يا كيان 
اخرصي بقي اخرصي اي ماسورة واتفتحت في وشي كل د عشان عاوز اسألك علي شقة مدام ثريا في الدور الكام 
برقت عيني وبلعت ريقي ب توتر وانا تمني الارض تتشق وتبلعني و بدأت اتكلم ب ضحكة مهزوزة 
انت زياد ال جاي تاخدني ل خالتو !
ضيق عينيه ب شك 
انت كيان بنت خالتو ثريا !
وبعد ما يقارب النص ساعة
كنا بنزل من عربيته قدام عمارة خالتو ال ماشوفتهاش من لما كنت طفلة 
طلع زياد قدامي وانا طلعت وراه وانا ساكتة من التوتر والخجل اصل انا واحدة امها طردتها ورفضت وجودها معاها اي ال هيخلي خالتها
تستقبلها