اتجوزته في بيت العيله بقلم اماني السيد

اتجوزته في بيت عيله واشتغلت خدامه لامه ومامته فضلت وراه لحد ما جوزته واحده تانيه وطلقها بعد كده رايح يطلب منها تتجوزوه بس في السر
ايلاف
عوده الزوجة الأولى
البارت الاول 
كانت قاعده فى بيت باباها وحيده بتصلى وتدعى ربنا يصلحلها الحال وفجأة الباب خبط قامت تفتح الباب اتفاجئت بطليقها واقف على الباب
إيلاف صفوان ايه اللى جابك هنا 
صفوان هنتكلم على الباب كده مش هتقوليلى اتفضل
إيلاف ماينفعش لانك طليقى ومحرمه عليك 
صفوان منا جايلك عشان كده يا إيلاف جاى عايز نتجوز تانى 
إيلاف متعجبه جاى تتجوزنى تانى وامك ومراتك الجديدة موافقين

صفوان منا عايز نرجع نتجوز تانى بس فى السر 
إيلاف بزهول ومين قالك انى موافقه ارجعلك تانى بعد ما كنت انا مراتك قدام الناس كلها واهلك اوافق ابقى فى السر مين قالك انى ممكن ارضاها على نفسى 
صفوان ايلاف انتى عايشه لوحدك مالكيش حد غيرى وانا اتجوزت من مروه عشان خاطر ارضى امى وكمان عشان خاطر اخلف 
إيلاف طيب منا كمان من حقى اتجوز واخلف انا مش موافقه على كلامك ده 
صفوان طيب بصى فكرى فى كلامى وصدقينى هتكونى كسبانه احنا نتجوز هنا في شقه اهلك الله يرحمهم وانتى عرفى الجيران عشان وانا طالع ووانا نازل محدش يتكلم عنك ومش هنعرف اهلى عشان امى متعملش مشاكل تانى معاكى ولا انا افضل فى مشاكل مع مراتى الجديدة
وصدقينى هكون عندك كل يوم بس هبات هناك ولو قدرت هحاول ابات معاكى هنا فكرى يا إيلاف فى كلامى صدقينى ده افضل حل نبعد عن الكل ونعيش بعيد عن المشاكل 
إيلاف وانا ايه يضمنلى انك ماترمنيش تانى زى ما رمتنى قبل كده
صفوان ماعنديش ضمانات غير كلمتى 
مشى صفوان من عند ايلاف ورجع للبيت اللى عايش فيه وهو عباره عن بيت عيله امه اول دور وهو تانى دور وبقيت الادوار مقفوله 
دخل صفوان البت لقى امه فاتحه باب شقتها وقاعدة مستنياه 
صفوان سلام عليكم يا اما 
ام صفوان وعليكم السلام ورحمه الله
تعالى يا حبيبي اتغديت ولا احطلك تتغدى 
صفوان لا لسه 
ام صفوان طيب انا اللى عملت الغدا انهارده تحب اغرفلك تاكل 
صفوان امال مروه راحت فين منزلتش تساعدك
ام صفوان لا مابتنزلش خالص طول الوقت قاعده فوق فى شقتها دانا حتى طلبت منها تنزل تقعد معايا تونسنىى من غير ما تعمل حاجه رفضت 
صفوان رفضت ليه مش دى كانت اختيارك وانتى اللى كنتى بتقولى ان ايلاف مش بترضى تعملك حاجه وان مروه عجباكى وعشان خاطرك طلقت ايلاف 
ام صفوان قطعت وقطع سيرتها وبعدين مش عشانى ده عشان نفسك و البت عجباك ولما انا عرضت عليك انت ماصدقت واتجوزتها
صفوان وايه المانع الشرع محللى اربعه وانا يدوب كنت متجوز واحده ومطلق واحده 
بقولك ايه يا اما انا هطلع لمروه تجهزلى العشا لازم تتعود على كده وسابها وطلع واول ما فتح الباب لقى مروه قاعده مجهزه العشا ولابسه لبس مغرى 
صفوان ايه ده انتى اللى عامله العشا ده 
مروه اه طبعا مش احنا عرسان جداد قلت لازم ادلعك بقى 
طبعا صفوان مقدرش يكلمها لانها مش مقصره فى حاجه وقضوا الليله وناموا سوا 
نروح عند ايلاف كانت قاعده سهرانه بتفكر في كلام صفوان هى بتحبه بس مچروحه منها وفضلت تفكر في الماضي من اول يوم ليها جواز 
ايلاف بنت جميله اوى ملامحها فيها طفوله كانت قبل الجواز مليانه شويه وده سببلها تاخير فى الحمل ومن اول يوم جواز حماتها مكنتش رحماها 
ام صفوان طلعت خبطت عليهم وفتحتلها ايلاف 
ايه يا عروسه الفرح كان امبارح على فكره مش هتقضى اليوم كله نايمه معندناش خادمين يعملولك الغدا 
إيلاف بابتسامه لا يا ماما ماتقلقيش انا مجهزه غدا الاسبوع كله وحضرتك هتتغدى معانا انهارده 
ام صفوان لا يا حبيبتي مش انهارده بس اعملى حسابك كل يوم كلنا بنتغدى مع بعض يعنى تصحى من النوم تنزليلى تعملى فطار وغدا وعشا وطلعى على النوم بس 
إيلاف طيب وشغل البيت عندى اعمله امته 
ام صفوان لما تطلعى بليل ابقى اعمليه 
إيلاف مرديتش تتكلم عشان ماتعملش مشاكل من اول يوم واثناء حديثهم صحى صفوان
صفوان صباح الخير يا ماما واقفين عند الباب ليه اتفضلى خشى ده بيتك 
ام صفوان انا واقفه بقالى ساعه مهانش على مراتك تقولى خشى 
صفوان بص لايلاف معل شيا امى تلاقيها اتلهت فى الكلام وماخدتش بالعا 
دخلوا كلهم وحماتها قضت اليوم عندها ونزلت وقت النوم فقط 
تانى يوم صحت ايلاف حضرت الفطار ونزلته لحماتها وصحتها جوزها 
على الفطار
صفوان صحيح يا ايلا اعملى حسابك لانى من بكره هنزل الشغل
ايلاف بسرعه كده ده بكره تالت يوم
صفوان مانتى عارفه الشغل بتاعنا مافيهوش اجازات لو غبت برجع الاقى مصايب عشان كده لازم انزل بكره واحتمال كمان اتاخر 
ام صفوان طبعا يا حبيبى انزل شغلك اهم وبصت لايلاف هو انتى عايزاه يقعد جمبك زى الحريم ساعتها بقى مين هيصرف عليكى ولا صحيح نسيت ان انتى مكنش حد بيصرف عليكى فمش متعوده يا حرام على ان الراجل بيشتغل وبيصرف 
ايلاف بصتلها بدموع محپوسه ورجت بصتله وابتسمت عندك حق شغله اهم طبعا وفضلت قاعده معاهم لحد ما خلصوا فطار ولمت الاطباق ودخلت غسلتها وبدات تحضر للغدا ووقتها دخل صفوان الصالون كان بيتكلم فى التليفون وفضل وقت كبير اوى ياكلم في التليفون كان بيكلم التجار بخصوص البضائع 
خلصوا الغدا وصفوان طلب من ايلا انها تحصله على شقتها وفعلا ايلاف خلصت الاطباق وشطبت المطبخ وجت تطلع لقت حماتها واقفه 
ان صفوان ماتفتكريش ان كل يوم هتطلعى بعد الغدا ده انهارده بس علشان بكره ابنى نازل الشغل 
إيلاف حاضر يا ماما عن ازنك 
طلعت ايلاف شقتها ولبست فستان حلو وحطت برفان وفردت شعرها وكان شكلها حلو وسهرت هى وصفوان واتفرجوا على فيلم وكانت ليله من احلى ليالى ايلاف 
تانى يوم الصبح صحيت ايلاف بدرى وجهزت فطار عباره معجنات محشيه جبت وشكولاتات وسجق وعملت علبه لصفوان وجهزتها عشان ياخدها معاه وجهزلتله كوبايه شاى وحطتهاله فى مج حرارى كانت شارياه في جهزها ودخلت صحته واول ما صحى عجبه اوى ريحت الخبيز في البيت 
صفوان الله ايه الريحه الحلوه دى 
ايلاف ده اما عملالك شويه مخبوزات يارب يعجبوك وجهزتلك علبه فيها شويه عشان لو جعت فى الشغل وكمان حضرتلك كوبايه شاى فى المج الحرارى عشان تشرب براحتك ومتبردش منك 
صفوان بضحكة وده عشان اول يوم ولا هنستمر على كده على طول عشان ابقى عامل حسابى 
إيلاف لا طبعا كل يوم هعملك حاجه شكل على الاقل اضمن انك بره البيت تاكل حاجه نضيفه من ايدى لحد ما تيجى وتتعشى هنا 
صفوان تمام ماشى انا هسيبك بقى تدلعينى براحتك 
إيلاف هنزل انا اصحى ماما تطلع افطر معانا 
صفوان ماشى يلا روحى على مانا البس 
نزلت ايلاف لحماتها 
إيلاف صباح الخير يا ماما
ام صفوان صباح الزفت كل ده نايمه وجوزك مين هيفطره بقى إن شاء الله
إيلاف انا حضرت الفطار وكنت عايزه حضرتك تطلعى تفطرى معانا 
ام صفوان هو انتى بتحدينى يا بت انتى مش انا قولتلك الفطار هيكون عندى 
إيلاف منا خفت حضرتك تكونى نايمه عشان كده عملته فوق وقلت اول ما اخلص انزلك 
ام صفوان لا يختى بطلى حجج واطلعى هاتى الفطار وهنفطر هنا و ابقى جهزيه فوق وانزلى بيه مش هقدر انا اطلع وانزل كل شويه 
ايلاف حاضر هطلع ابلغ صفوان وننزل نفطر
طلعت ايلاف
صفوان امال امى فين 
ايلاف قالت رجليها ۏجعاها وانزل الفطار ونفطر كلنا تحت 
صفوان مافيش مشكله نزلى الاكل مفرقتش هنا من تحت 
نلوا وفطروا وخلصوا وصفوان اخد الحاجه اللى جهزتهاله ايلا وراح الشغل 
ام صفوان بقولك ايه يلا ياختى عشان تغسلى السجاجيد بتاعت الشقه
ايلاف بتبريقه الشقه كبيره اوى والسجاجيد كبيره هغسلهم كلهم ازاى 
ام صفوان هو انتى بتعارضينى وبعدين اتحركى يمكن تخسى 
إيلاف بصتلها وقالتلها حاضر وفعلا فضلت طول اليوم تغسل السجاجيد وتمسح الشقه وطلعت جابت اكل من اللى كانت مجهزاه وحضرته
عوده الزوجة الأولى
إيلاف
البارت الثاني 
جه بليل صفوان اتعشوا وطلعت غرفتها عشان تنام وطبعا حاولت انها تسهر معاه لكن مقدرتش بسبب غسيل السجاجيد ظبطت المنبه وصحيت تانى يوم حضرت الفطار وصحت صفوان عشان يفطر وجهزتله علبه الغدا بتاعته كالعاده ونزلت عند حماتها عشان تفطرها ولما صفوان مشى كملت فرش الشقه لأنها كانت منتظره السجاجيد تنشف وبقت كل يوم على هذا المنوال وحماتها مره نضفى المطبخ ورصيه من اول وجديد ومره الدواليب وبعد فتره او بعد اى عزومه ترجع تخليها تغسل السجاجيد مره تانيه وطبعا ايلاف ماكنتش بتشتكى لانها خاېفه ان يحصل اى مشاكل بسببها او زعل عدى شهرين بدون حدوث حمل 
صفوان بقولك يا ايلا مانفسكيش تاكلى حاجه كده ولا كده اجبهالك
إيلاف بدون فهم لقصده لا يا حبيبي شكرا كل حاجه موجوده واى حاجه نفسى فيها بطبخها انت نفسك في اكله معينه 
صفوان فهم انها مش فاهمه قصده طيب بقولك ايه يا ايلا عندك موانع من الصلاه 
ايلاف بكسوف لانعا فهمت حاجه تانيه لا يا حبيبي
صفوان يعنى مجتش ولا معادها لسه مجاش 
ايلاف هتفرق 
صفوان اه هتفرق عشان اعرف إذا كان فى حمل ولا لأ
إيلاف لا للاسف هى لسه خلصانه 
صفوان طيب بقولك ايه بدل ما ننتظر تانى كام شهر ايه رايك تروحى تكشفى ونعرف ايه سبب التأخير عشان لاقدر الله فى حاجة نلحق نعالجها مافيش ناخد حاجه تنشط 
إيلاف خلاص يا حبيبي حاضر بس انا معرفش دكتوره نسا
صفوان انا هسال واحجزلك ماتشغليش بالك وفعلا حجزلها واتصل بيها وراحوا للدكتوره
عند الدكتورة مساء الخير اتفضلوا 
إيلاف مساء النور
الدكتوره اتفضلى عايزه تسالى عن ايه 
إيلاف احنا بقالنا شهرين متجوزين ومافيش حمل
الدكتوره شكلكم مستعجلين طيب اخر مره البريود جتلك فيها امته 
ايلاف من اسبوع 
الدكتوره اتفضلى معايا أكشف عليكى
دخلت إيلاف والدكتوره كشفت عليها وخرجوا 
صفوان ها يا دكتوره إن شاء الله يكون خير
الدكتوره بص يا أستاذ صفوان عشان اكون صريحة مع حضرتك المدام عندها دهون على المبيض وهتسبب في تاخر الحمل
صفوان طيب ودى سببها ايه وهى ليها علاج ولو ليها علاج هيطول
الدكتوره اولا ليها علاج انها تنزل الوزن وتمشى على نظام غذائي
صفوان طيب معلش سؤال تاتى انا بشوف ستات اتخن منها وبتحمل 
الدكتوره فى ستات للاسف بيكون اغلبيه الدهون متراكمه في منطقة البطن وده للاسف بيكمل تكيسات على المبايض بس هى حالتها بسيطه وبإذن الله فى اقرب وقت يحصل حمل 
صفوان تمام شكرا يا دكتوره عن اذنك
مشى صفوان وايلاف وهما فى العربيه كانت إيلاف بټعيط 
صفوان فى ايه يا ايلا بتعيطى ليه شوفتى ان عندى حق واننا نكشف بدرى والحمد لله طلعت صح وطلع الموضوع بسيط خسى شويه وبعدها هاتنلنا احلى عيل 
ايلاف طيب هتقول لمامتك ايه 
صفوان الحقيقة طبعا 
ايلاف مكنتش عارفه تطلب منه ازاى مايبغلش امه وسلمت امرها