اسكريبت بقلم مريم سلامه

ايه اللي انت لابساه ده يا مريم

كنت طالعه من الشقه رايحه الجامعه لقيت ابن عمي بيقولي كده 
مريم: پخوف ماله لبسي ما هو حلو اهو
يوسف پغضب: حلو ايه وزفت ايه الخمار قصير ادخلي الخمار يطول قبل ماتطلعي من باب  اوضتك 
مريم پخوف ودموع: حاض حاضر  ودخلت جري قبل ما يتحول

نتعرف علي الابطال 
مريم 18سنه في اولي كلية صيدله شكلها عاديه عنيها عسلي وبشره قمحاويه وقصيره جدا  وليها صاحبه اسمها حنين اللي يشوفهم يقول تؤام اما يوسف عنده 25سنه شغال دكتورفي كليه صيدله شعره اسود وعنيه لونها عسلي وبشره بيضا وطويل اوي بالنسبه لمريم وهو يبقي ابن عمها

ـــــــــــــــــــــــــــــــــــــــــــــــــــــــــــــــ 
حنان مامت مريم: رجعتي ليه يا مريم كده هتتأخري 
مريم: هطول الخمار يا ماما 
حنين  پغضب: ما لسه بدري يا اختي ولا كنت مستنيه الخدامه اللي ابوكي جابها تعدي عليكي 
مريم: ايه متهدي علينا شويه تعالي بس نقعد في كافتيريا الجامعه عشان احكيلك 
حنين: مستنيه ايه احكي يلا 
مريم بدموع: هو برضو يا حنين كل ما يشوف وشي يقعد يزعق تخيلي بيزعقلي عشان كان الخمار مش طويل شويه مع ان كان  زي ما بعمله علي طول 
حنين: وده ملفتش نظرك لحاجه يا غبيه صدقيني بيغير عليكي 
مريم: لا يا حنين ما يزعقليش برضو 
حنين: طيب يلا يا قلبي نروح المحاضره خلاص هتبدا 
مريم: يلا 
يالهوي يا حنين ده دخل هنعمل ايه 
حنين: ولا حاجه هنروح نستعطفه 
مريم: طيب ياغاليه ادخلي يلا يا كبيرتي انت الاول 
الدكتور: علي فين يا انسه انت وياها 
مريم: هندخل نقعد هنفضل واقفين يعني 
دكتور يوسف: وايه اللي اخركوا علي معاد محاضرتي 
حنين: معلش يا دكتور اخر مره 
دكتور: اخر مره وبعد كده مش مدخل حد بعدي 
مريم: اخيرا ايه المحاضره الغلسه دي 
حنين: هتروحي ولا ايه 
مريم: ايوه هروح عشان ھموت وانام 
حنين: ماشي يا غيبوبه هانم لما تروحي ابقي طمنيني وانا زمان محمد مستنيني بره 
مريم: ماشي سلام يا روحي

انسه مريم ممكن ثانيه 
مريم: نعم 
ممكن اطلب منك طلب 
مريم اتفضل 
كريم: الاول انا اسمي كريم ممكن اخد منك المحاضرات اللي انت كتباها عشان كنت غايب وكده 
لسه هرود اتفاجأ 
مرييييييم 
يلهوي اعمل ايه 
يوسف: نعم يا استاذ عايز ايه 
كريم يا دكتور كنت عايز بس المحاضرات 
يوسف: ليه يا خويا من امتي وانت بتهتم بالمحاضرات اصلا امشي ومش عايز المح طيفك قريب منها 

وانت قدامي علي العربيه 
يوسف: ممكن افهم ايه اللي موقفك معاه 
مريم: والله هو اللي نده عليا فكنت بشوفه عايز ايه 
يوسف: متقفيش مع حد تاني انا بقولك اهو 
مريم بدموع: هو انا ممكن افهم انت ليه علي طول بتزعق فيا وكل شويه تديني اوامر انت ولا مره ضحكتلي لما انت مضايق اوي كده متكلمنيش وملكش دعوه بيا 
يوسف: تعرفي تسكتي لحد ما نوصل 
حنان بقلق: ايه ده مالك يا مريم يا بنتي 
مريم: مفيش يا ماما انا تعبت شويه بس هدخل انام ابقي صحيني لما بابا يجي 
حنان: ماشي يا بنت بطني يا مغلباني 
مريم دخلت اتوضيت وصليت وبعد كده قعدت علي السرير افكر امتي يحن عليا ومن كتر التفكير نمت محستش بنفسي 
صحيت الساعه 1بليل 
مريم: كده يا ماما متصحنيش يلا مش مهم اقوم اشوف حاجه اكلها 
دخلت المطبخ كلت وبعد كده دخلت اوضتي مسكت الفون لقيت رسايل من رقم غريب 
انا بحبك اوي 
متزعليش مني تاني ڠصب عني بس خلاص هانت 
مريم يا ترا مين اللي باعت الرسايل دي.....

اول مره اكتب رأيكم يهمني 
اكمل ولا لا

part2

فضلت افكر كتير يا ترا مين باعت الرسايل دي لحد مغلبني النوم صحيت تاني يوم 
مريم: ايه ده يا ماما هو العيد جاي ولا ايه 
حنان: لا يا خفيفه صحيت لقيت نفسي فاضيه قولت انضف تعالي نضفي معايا بما انك اجازه 
مريم: يارب بقي حتي اليوم الاجازه مش رحماني 
حنان: يلا يا بت اخلصي 
مريم: حاضر 
مريم: ياااه اخيرا خلصنا 
ماما انا هطلع اقعد علي السطح شويه 
حنان: ماشي 
اخدت الشاي بالنعناع وطلعت 
كنت واقفه سرحانه فيه 
يوسف: بتعملي ايه هنا يا مريم 
مريم: حرام عليك يا دكتور خضتني 
يوسف: سلامتك من الخضه بس بلاش دكتور احنا هنا في البيت 
مريم: حاضر 
يوسف: كنت سرحانه في ايه 
مريم: ولا حاجه 
يوسف: طيب انزلي ذاكري عشان عندك امتحان بعد بكره 
مريم: ايه امتحان علي ايه 
يوسف: في مادتي 
مريم: بس انت مقولتش لينا والماده دي انا مش عارفه فيها حاجه 
يوسف بإبتسامه: اديني قولتلك انزلي يا ستي اعملي شاي بالنعناع من ايدك وهاتي الكتب وتعالي اه ونادي مرات عمي عشان تقعد معانا عشان مينفعش نقعد لوحدنا 
مريم بفرحه: ماشي فوريره 
نزلت عملت الشاي وجبت الكتب وناديت ماما 
مريم: اتأخرت عليك 
يوسف: لا خالص يلا نبدا 
يوسف بدا الشرح وانا كل شويه ابصله وبعد كده ابص في الكتاب قولت في نفسي جرا ايه يا مريم غضي بصرك يا حبيبتي 
يوسف: ها فهمتي الجزئيه دي 
مريم: اه طبعا فهمتها 
يوسف: طيب اسألك فيها يعني 
مريم: طبعاً طبعا 
يوسف سأل معرفتش تجاوب 
حنان: جرا ايه يا بت يا مريم ما تركزي شويه 
مريم: علي فكره بقي انت اللي مش بتعرف تشرح 
يوسف پصدمه: انا يا بنتي ماشي أنا غلطان 
مريم: خلاص والله 
يوسف: هعيدها تاني ركزي شويه
وبعد شويه خلصنا 
حنان: انا نازله بقي متغيبيش وتعالي ورايا 
مريم: حاضر ياقلبي امي 
مريم: يوسف هو انت ليه بتتعامل معايا كده 
يوسف: بتعامل ازاي 
مريم: يعني ولا مره كلمتني ولو كلمتني بيبقي زعيق 
يوسف بحنيه: عشان خاېف عليكي 
مريم: طيب قولي بتحب حد 
يوسف: اه بحب واحده كده بس إن شاءلله اتقدملها قريب 
مريم بحزن بتداريه: إن شاءلله  طيب هسيبك بقي الوقت اتأخر وزمان بابا جه من الشغل 
نزلت ودخلت سلمت علي بابا 
بابا: عامله اية يا مريومه 
مريم: الحمدلله يا بابا 
بابا: سألت عليكي ماما امبارح قالتلي نايمه سيبتك نايمه بقي عامله ايه في الكليه 
مريم: كله تمام طيب يا جماعه هدخل أنام تصبحوا علي خير 
حنان: هو انت غيبوبه يا بنتي 
بابا سيبيها يا حنان وتعالي أنا اقعد معاكي 
مريم بغمزه: ايوه روحي يا ﺣن اقعدي مع بابا 
دخلت انام معرفتش وفضلت افكر ياترا بيحب مين نمت من كتر التفكير  

صحيت الصبح علي صوت دوشه 
مريم: ماما هو في ايه ايه الصوت ده 
حنان بفرحه: اصل يوسف ابن عمك هيخطب 
مريم: ايه هيخطب سامعين صوت الكسر ده ده صوت قلبي 
حنان: طيب يلا عشان تروحي عند عمك عشان عايزك 
مريم بتوهان: حاضر يا ماما 
قومت صليت ودعيت كتير ان ربنا يريح قلبي ويلهمني الصبر 
روحت خبط علي باب عمي 
يوسف: ازيك يا مريم 
مريم بحزن  بتحاول تداريه: الحمدلله مبارك علي الخطوبه يادكتور 
يوسف بخبث: الله يبارك فيكي بس مش احنا قولنا بلاش دكتور دي احنا هنا في البيت
مريم: تمام هو فين عمو كان عايزني 
يوسف: بابا جوا مستنيكي 
مريم: عامل ايه يا عمو وحشتني اومال فين سوسو 
ـ الحمدلله يا روح عمك انت اكتر بس انت اللي مش بتسألي 
مريم: اعمل ايه بقي الكليه واخده كل وقتي 
ـ ربنا يقويك يا عيون عمك سوسو هتلاقيها في المطبخ 
مريم ـ عامله ايه يا سوسو 
ـ الحمدلله ياقلب سوسو انا زعلانه منك عشان مش بتسألي عليا 
ـ معلش والله يا سوسو حقك عليا 
ـ عمو صحيح كنت عايزني في حاجه 
ـ ايوه كنت عايزك تجهزي عشان نروح نشتري دهب العروسه علي زوقك عشان يوسف قال ايه عايز يعملها مفاجأه 
مريم بضحك مصتنع: حاضر يعمو كله لاجل عروسة يوسف هو احنا عندنا الا يوسف واحد 
يوسف بغرور: طبعا يا بنتي هو في زي
مريم بصوت خاڤت:   غلس 
طيب انا هروح اجهز 
صالح: ماشي يا بنتي 
روحت دخلت اوضتي عيطت كتير علي كسرة قلبي بس هو معلقنيش بحاجه   
طلعت دريس كنت لسه شرياه جديد لونه ابيض وفيه ورود زرقه واسع وخمار لونه ازرق لبست وطلعت لقيتهم مستنيني 
يوسف: اللهم صلي على النبي 
مريم بكسوف من نظراته: مش يلا يا جماعه ولا ايه 
بابا وعمو: ايوه يلا 
بابا: مريم هتركب مع يوسف وانا هاخد صالح ومراته و ام مريم 
مريم: تمام 
يوسف: علي فكره شكلك حلو 
مريم بكسوف: شكرا 
اول ما وصلنا كانت فيه دبله عجبتني 
يوسف: حلوه الدبله دي 
مريم: ممكن زوقي ميعجبهاش 
يوسف: لا هيعجبها 
اخترنا الدهب وكنا مروحين كنت رايحه اركب في العربيه جنبه بس لقيت 
كريم: مريم 
مريم: نعم 
يوسف: عايز ايه مش قولتلك ما اشوفش وشك قريب منها 
كريم: انا بس كنت عايز رقم والدها كنت عايزه في موضوع 
يوسف: موضوع ايه بقي إن شاءلله 
كريم: كنت عايز اطلب ايد انسه مريم 
يوسف: نعممممم ياروح امك شكلك عايز تاخد علقھ 
كريم: ليه بس يادكتور 
يوسف: انت اهبل يلا جاي تتقدم لخطيبتي............

رأيكم يا قمرات يهمني

لو لقيت تفاعل هنزل الاخير 
لا تنسوا اخواتنا الفلسطنيين من الدعاء

part 3والاخير

يوسف پغضب: انت اهبل يلا جاي تتقدم لخطيبتي 
كريم: ايه خطيبتك ازاي محدش يعرف 
يوسف ببرود: واديك عرفت
ويلا متمناش اشوف وشك 
كريم مشي 
كل ده وانا واقفه في زهول هو قال خطيبته مين دي اللي خطيبته 
مريم: ايه اللي انت قولته ده مين اللي خطيبتك 
يوسف ببرود: قدامي علي العربيه 
مريم پغضب وصوت عالي: ممكن افهم ايه اللي انت قولته ده 
يوسف ببرود: صوتك ميعلاش وايه اللي انا قولته ولا عايزاه يكلمك وانا اقف اتفرج ليه كيس جوافه 
مريم: بس هو مقلش حاجه غلط هو كان عايز رقم بابا 
يوسف: ايه موافقه ولا ايه 
مريم: لو انسان كويس هوافق 
يوسف وانا شايفه مش كويس وافصلي بقا لحد منوصل 
بعد شويه كنا واصلنا وطلعت اجري علي فوق لقيت ماما وبابا وعمو ومرات عمو قاعدين 
مريم: ايه يا جماعه انتوا مش رايحين للعروسه ولا ايه 
بابا: مش انهارده بكره 
مريم: تمام انا هدخل اغير هدومي 
بابا: استني في عريس جاي بكره يقعد معاكي 
مريم: بس يا بابا وقبل متكمل كلامها 
بابا مريم: من غير بس انا عطيت للراجل معاد وخلص الكلام 
مريم بحزن: اللي تشوفه يا بابا 
انا هدخل اذاكر 
دخلت غيرت هدومي واتوضيت وصليت ودعيت ربنآ كتير ان يشيل حب يوسف من قلبي 
وبعد ما خلصت حاولت ابطل تفكير فيه واذاكر عشان الامتحان لسه هبدا لقيت الفون بيرن 
حنين:سلام عليكم عامله ايه يا واطيه 
مريم: وعليكم السلام معلش بقا اصل كنا بنجيب دهب يوسف 
حنين: بقا تجيبي دهبك ومتقوليش ده انا كنت اول واحده افرحلك 
مريم بحزن: ايه كل ده بقولك دهب يوسف
سابني يا حنين وخطب 
حنين: يا حبيبتي متزعليش لو كان خير ليكي ربنا يجعله من نصيبك ان شاءلله 
مريم: طيب هسيبك عشان اذاكر عشان امتحان بكره 
حنين: ماشي سلام ومتزعليش 
مريم: حاضر سلام 
قفلت معاها وقعدت اذاكر وبعد ما خلصت مسكت الفون لقيت رساله من نفس الرقم المجهول لقيت مكتوب 
خلاص يا قلبي فاضل تكه انا مستني الليل يعدي بفارغ الصبر 
مريم ياترا مين الرقم ده 
صحيت تاني يوم اتوضيت وصليت ولبست وطلعت عشان امشي 
حنان: تعالي افطري 
مريم: مش عايزه يا ماما مليش نفس 
حنان: طيب ابقي كلي اي حاجه واه صحيح يوسف ابن عمك مستنيكي عشان تمشي معاه 
مريم: ايه اللي خلاه يستني 
حنان: اسمعي الكلام يا اخرة صبري 
مريم: حاضر 
نزلت لقيته ساند علي العربيه وبعد كده قالي اركبي 
مريم: حاضر هركب 
يوسف: واصلنا وعلي الله اشوفك واقفه مع حد 
مريم: انا كده كده مش بقف مع حد 
يوسف: هي كلمة حاضر مش بتعرفي تقوليها وخلاص 
مريم بنرفزه: حاضر وسيبته ومشيت 
دخلت وطبعا كانت اول ماده مادته امتحنت والصراحه الامتحان كان كويس 
وانا طالعه نده عليا 
يوسف: ها الامتحان سهل 
مريم: ايوه وبجد شكرا علي مساعدتك 
يوسف: بصوت خاڤت عقبال ما اساعدك في بيتنا 
مريم: بتقول حاجه 
يوسف: بقولك العفو 
طيب انا ماشيه بقي 
يوسف: تمام 
وصلت البيت 
ايه يا ماما ريحه الاكل الحلوه دي ولا عشان فيه عريس 
حنان: بس يا بت وادخلي غيري عشان قربوا يوصلوا 
مريم: حاضر 
دخلت لبست ملحفه سودا وخمار اسود رغم ان ماما هتنفخني لو شافت اللبس 
حنان يلا يا مريم الناس وصلوا يلهوي يا مريم ايه اللي انت لابساه ده اسود 
مريم: ماله بس مهو شيك اهو 
حنان: يلا يا بنت بطني 
طلعت قولت السلام من غير ما ارفع وشي وروحت قعدت جنب بابا 
انا اول مره اعرف ان السجاده بتاعتنا حلوه كده 
بابا: طيب نسيب العرسان مع بعض 
يوسف: ايه رأيك نجيب واحده شبها في بيتنا 
مريم پصدمه: انت 
يوسف: ايوه اومال مفكره مين اوعي تفكري ان ممكن اسيبك لحد غيري 
مريم بخبث: ده لو وافقت عليك اصلا 
يوسف: مش بمزاجك اصلا اكيد مش محتاجه تتعرفي ولا اتعرف احنا دلوقت هنعمل كتب كتاب وخطوبه 
مريم: مش لما اوافق الاول 
يوسف: ڠصب عنك أصل انا ما اترفضش 
مريم: بطل غرور شويه 
يوسف: مافيش وقت للتفسير يا عميي المأذون بسرعه 
ما فوقتش الا علي 
بارك الله لكما وبارك عليكما وجمع بينكم في خير 
لقيت يوسف حضڼي جامد وقالي تخيلي انا منتظر اللحظه دي من وانت لسه صغيره أنا بحبك اوي 
مريم: وانا كمان 
يوسف: انت كمان ايه 
مريم بكسوف: يوسف اسكت كفايه اني اتكروت في عروسه تكتب كتابها بأسود 
يوسف بضحك: انت اللي كنت عايزه تطفشيني 
حنان: مبارك يا ولاد 
مريم ويوسف: الله يبارك فيكي 
سوسو مامت يوسف: يلا عشان تلبسوا الدهب 
يوسف لبسني الدهب اللي اخترناه سوا 
وبعد كده اتفقنا ان الفرح اخر الشهر 
بعد اسبوع من الاحداث دي 
صحيت الصبح علي صوته وهو في اوضتي 
مريم بفزع: ايه اللي دخلك اوضتي 
يوسف بضحك: حماتي سر حياتي 
مريم: كده يا امي 
يوسف: علي فكره بقا انا جوزك 
مريم ببرود: جاي ليه 
يوسف: حد يقول لجوزه حبيبه كده انت جاي ليه جاي اصالحك واحاول افهمك 
مريم: مش عايزه افهم حاجه انا طلبت طلب وانت رفضت خلاص 
يوسف: يا قلب يوسف انت هتتعبي في الفرح ابقي البسيه بعد الفرح يبقا فرهدت الفرح وفرهدت اول يوم نقاب
انا كنت عايزه البس النقاب في الفرح وهو رفض 
مريم: متقلقش عليا بقا 
يوسف بتنهيده: لما ما اقلقش عليكي اقلق علي مين خلاص اعملي اللي يريحك 
مريم بضحك: بجد وافقت 
يوسف بإبتسامة: مقدرش ازعلك ايوه يا ستي انا موافق 
حنان: يلا يا ولاد عشان تفطروا 
يوسف بضحك: انهارده فرحي ياجدعان وهتجوز 
صالح: ربنا يعينك علي المهلبيه اللي في دماغك دي يابني 
يوسف: اخيرا يا بابا هتجوزها
صالح: ربنا يديم فرحكوا واشوف عيالكوا كده 
بالليل وبعد الفرح ما خلص 
مريم: كان نفسي احضر فرح اسلامي وكان اول فرح اسلامي احضره هو فرحي 
يوسف انت قفلت الباب ليه 
يوسف: اسيبه للحرامي يعني بقوله اتفضل اسرقنا 
يوسف: اخيرا بقيتي في بيتي لقد هرمناا من اجل تلك اللحظة 
مريم: انا بحبك اوي يا يوسف 
يوسف: وانا بعشقك يا عيون يوسف

كنت انت الجبر اليوسفي في سنين عجافي اليعقوبيه 
تمت 
رأيكم يا قمرات يهمني

عجبتكواولالا